ܓܨ[ تلويحات !! ]ܓܨ

[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=1 line=0 align=right use=ex num="0,black""]
حبك هنا بالصدر=يا ساكنه صدري
لك فيه شان وقدر=تأكدي وادري
يا ام العيون الخدر=هذا الهوى العذري [/poem]

[poem=font="Traditional Arabic,5,silver,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
حقق ما تسعى له وخل السواليف=ترا السوالف فالمناوي حواجز
حتى ولو ما جات دايم على الكيف=ما فيه داعي يصبح الشخص عاجز ![/poem]

*ْ~


[poem=font="Traditional Arabic,5,gray,bold,normal" bkcolor="silver" bkimage="" border="double,4,gray" type=1 line=0 align=center use=ex num="0,black""]
البارحه يا طول ليلي بلياك=البارحه ليلي من الشوق ليلين
البارحه جابك خيالي ووداك=كم قال لي شفته ؟ وكم قلت بعدين !
يا سيد احساسي على كثر ما اهواك=على كثر ما احتاج وصلك عناوين
مل القلم والورد ما مل الاشواك=حبر القلم ماله لغيرك جناحين
وأن ضاقت الدنيا على من تمناك=منك الهدايا ضحكت العين للعين
اضحك لاجابك حظ فحدود الادراك=وأزهل سواليف الغلا والمحبين
[/poem]

*ْ~

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

يا صغر الارض ويا كبر همي=يا عاشقه بجنون معشوقه

دايم يفور الحب في دمي=واداعبه واشيل طاروقه

رحتي ودمعك في طرف كمي=ونفضت لك قلبي وصندوقه

وتممت لك حزني ولا تمي=صارت فيوز القلب محروقه

ماهو بحق المدح والذمي=فاللي تحت والحب من فوقه

الصدق من قلبي ومن فمي=والكذب ما دورت منطوقه

أخذي مثل والدلو فالجمي=وكلٍ يشيل الحب معلوقه

حبك ما نساني حليب امي=تراك ملحوقه ومسبوقه !

[/poem]

.


[poem=font="Traditional Arabic,5,purple,bold,normal" bkcolor="white" bkimage="" border="solid,4,silver" type=2 line=0 align=left use=ex num="0,black""]
عـلــى حـــدود الـصـراحـه مـــا لـقـيـت الـصـريـح=علـى حـدود الوفـاء مـال الـوفـاء مــن حـضـور
لـســان وقـتــي حـجــر ولـســان حـالــي فـصـيــح=بين الحجر والفصاحه وش مصير الشعور ؟
يـالـلــي تـعـلـقــت فـــــي رمــشـــي وودك تـطــيــح=هــذي يــدي مــا مـلاهـا الـوقـت كــذب وغــرور
أنــــت اعـتـبـرهـا عــلــى جـيـتــك كــــونٍ فـسـيــح=وانــا اعتـبـر طيحـتـك ظلـمـاء وجـيـتـك نـــور ! [/poem]

مافيه شي
اقدر اعلمك عنه !

صمت الامل
يشرح تفاصيل الألام !

هذا الكلام
اللي خذا البال منه
:
:
( وأنا خذيت الصبر من مر الايام ! )

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماني مسافر لا تعذر لي عسى عمرك طويل=تعبت واتعبت التعب بالادويه والانعزال
وان قلت لي طيب فانا طيب ولو اني عليل=وان قلت لي وش صار قلت البارحه يا بن الحلال
البارحه ياليت نومي مثل من نومه ثقيل=البارحه والحلم تعويذه وضرب من الخيال
البارحه ما كنت انا القاتل ولا كنت القتيل=كنت الجريح اللي طعونه من يمين ومن شمال
البارحه ما بين نار وبين وزنة سلسبيل=شي احترق ذاته وشي من احتراق الذات سال
ليتك عطيت الريح شالك قبل ياخذك الرحيل=وليتك خذيت العذر مثل اللي خذيت من الجمال
من يوم جيت ومالت انفاسك على صدر النخيل=على العذوق المايله قالت لي الرغبه تعال
ناديت لك ما كنت تسمع كنت في سمعك بخيل=وناديتني واقفيت من عندك وفي صدري جدال
انا ادري انك تملك الغيره ولا تملك دليل=وانا ادري انك تسكن انفاسي على حد الهبال
وانا ادري اني ماني بصدرك يا متعبني قليل=اكثر من نجوم السماء واعذى من الشرب الزلال
حلمٍ كسر ظهر الامل في نص ساعه نص ليل=وفزعت من نومي وحصلت العمامه والعقال !
وراك تسئلني وانا ليلي من الضيقه طويل=يابن الحلال ارتاح في يدك الاجابه والسؤال ![/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الله يذكر فعل يمناي بالخير=اللي نظيفه ما تدنس طرفها
والا انت مالك يا قصير المشاوير=حرفه على اهل الوافيه تحترفها
تزعل وترضى من صدوف المقادير=كلمتك ما عيب يميني هدفها
قرطاسةٍ هبة عليها المعاصير=معصير قيض اومابها ثم حذفها
يا طير يا وجدك على الصبح يا طير=من ليلةٍ وثق جناحك كنفها
ما كنه الا منسمر بالمسامير=قل الجهد قدر لعينك علفها
ريح ظروفك ما على الليل تبرير=وان قلت كيف الناس قلت الك شفها
الاجودي في ذمة صوير وعوير=وكلٍ على ذمه ، شماغه نسفها
كم لحيةٍ ماهي بتحتاج تقصير=وكم لحيةٍ جار الزمان ونتفها ![/poem]

[ALIGN=CENTER][TABLETEXT="width:100%;background-color:black;border:1px solid gray;"][CELL="filter:;"][ALIGN=center]

[poem=font="Traditional Arabic,6,sandybrown,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
هاض القصيده وزان بدعه وقوله=وتباشرت فقدوم سلمان الابيات
ياحي شوفاته ويا حي زوله=أمير نجد اللي له المجد رايات
جات السلامه كله مع وصوله=وأحييت قلوبٍ شوقها حي ما مات
يا مرحبا ويقولها شعب دوله=ويقول من حبه : هنتك السلامات
جيتك جيات الحيا مع ثعوله=ومع جيتك يا مصدر افراحانا جات
منك الوفاء واليك ترجع فعوله=ومساحته منك انت صارت مساحات
ومكارمك منها القلوب مغسوله=أضفت على حزن القلوب المسرات
حكمة وعلم وجامعة فالرجوله=ومواقفك فيها على قولي اثبات
نجد العذيه بالورود محلوله=جيتك زانتها من الورد باقات
تزينت لك يوم جاتك عجوله=يا اميرها مافي كلامي مراوات
حبك كما غيثٍ نفعنا هطوله=جعل الله يحفظك بديع السماوات ![/poem]






..[/ALIGN][/CELL][/TABLETEXT][/ALIGN]

[poem=font="Traditional Arabic,5,sienna,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
اساير الوقت دايم واتصبّر=واقول هذا قضاء وقتي عليه
وابدع تماثيل من فكري واعبر=وانا بصدري همومٍ داخليه
يا وقت ياللي على حظي تكبر=تكبير اجاويد في عيد الضحيه
كسرتني كسر عظمٍ ما يجبر=وجرحتني جرح نزف المعنويه ![/poem]

[poem=font="Traditional Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
الله يسامحك ويحللك يا قاسي=أجيك مشتاق وارجع بالحزن مكسي
وش ينزع الحزن في صدري ومن راسي=لا صرت ماني بلا ناسي ولا منسي
جازيتني بالمثل يا ساكن انفاسي=واخفيت صوت الحزن بالحزن فالهمسي
انا ادري اني نسيتك يا بعد ناسي=لكن نسيتك ترى في فروضي الخمسي ![/poem]

[poem=font="Traditional Arabic,6,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ليتك معي واحكي لك اللي جرالي=في غيبتك عني وفي غيبتي عنك
اي والله ان الحزن من فقد غالي=واي والله اني ذايقه يالغلا منك
صحيح انا مقصر وقل اتصالي=لكن على بالي ولا انسى محاسنك
لك في خفوقي صورةٍ ما تزالي=علقتها ، لاهت ورّه تفننك
خله يعيش اروع سنين الوصالي=من ايسرك مره ومره من ايمنك
مال التعب اول ولا الود تالي=لا صرت مع قلبي موقع تضامنك
البنك امره مع طلوع الهلالي=جعله فداك البنك ومحاسب البنك ![/poem]

[poem=font="Traditional Arabic,6,green,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماني مدور فيك غيرك من الناس=لا صرت من حبك وولفك محاصر
يكفيني انك تمتلك فكر واحساس=ويكفيك مني ما نويتك بقاصر !
اوقف معك وقفه ثقيله على ساس=ان الوفاء دايم وانا له مناصر
بضرب مثل واقوسه بين الاقواس=مثال فالكوره وحادث معاصر
طردت بسيروا يمكن تقدم الكاس=من غير لا اشكك بقدرات ناصر ![/poem]

[ALIGN=CENTER][TABLETEXT="width:100%;background-color:black;border:2px solid red;"][CELL="filter:;"][ALIGN=center].



[poem=font="Traditional Arabic,6,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فرحة التغيير ماهي من همومي=من همومي رفع ظلم وحبس ظالم
قالت الظلمه لروح الشعب قومي=وابتداء صبحٍ كشف كل المعالم
ما لحق شعبك يا تونس فيك لومي=طالما الظالم ماهو بالحكم حالم ![/poem]



.[/ALIGN][/CELL][/TABLETEXT][/ALIGN]

/
:


[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
عيت ظروفي لا تساعدني=مع انني حاولت افهمها
دايم بشوفاتك تواعدني=وتبني لي الفرحه وتهدمها
يا هالغلا ليتك تساندني=رح لمها عاني وعلمها
ما دامك بفعلي تأيدني=وش يمعنك عني تكلمها ![/poem]



:
\

[poem=font="Traditional Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
متى الامل يجمع على دربه اثنين=تعاهدوا على الوفاء والمحبه
حتى لو انه من ورى الهند والصين=الحب واحد وايضاً الدرب دربه
لو يسلم المشتاق من قول بعدين=ماكان عز البرد صدره مشبه
وا صدري اللي كنه خلفه براكين=مع كل طاري كل حمراء تقبه
عليك ياللي ما تبي غيرك العين=يا صوت يا ضحكه يالبه ولبه
نبي نسولف عن تعب وقتنا لين=تصير كل اوضاعنا مستتبه
الناس تدفع فالنياق الملايين=وانا دفع قلبي غلاك ولعبه
والادمي لن جيت للحق من طين=لو كان ما تاجب عليه المسبه
ضحكه وبحه والتفاته وجرحين=ولا فيه شي يصير من دون سبه
جعلك سبب للزين عن وقتي الشين=وجعل الجروح تروح مع كل هبه
لاهب صوتك والمخاليق غافين=الجرح مع نغمة سوالفك طبه
سولف سواليفك سحاوة بزارين=وطلتك لا توصف ولا تنتشبه
أركد يا قلبي في بحور الثلاثين=وأحفظ شعورك عن غرورك وخبه ![/poem]

[poem=font="Traditional Arabic,5,seagreen,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
يـــا حـــظ قـــوم شـــوي ربــــي يـخـلـيـك=ماهو صحيح انك على طـول نايـم
درج قـــدم رجـلــك ونـاولـنـي ايـديــك=تــــرى تـعـبــت ارمــــي عـلــيــك الـتـهـايــم
فــي كــل ليـلـة ادعــي الله واعـشـيـك=يـا كثـر مـا ارسلـت الـدعـاوي ولايــم
مـاهــو بـأنــا بـلـحـالـي الــلــي مـراعـيــك=ابـوي ذابـح لـك علـى اسمـي تمـايـم
وأن كـان مـا قدرتنـا وش نبـي فـيـك=ابعرضك في سوق شاري وسايم ![/poem]

[poem=font="Simplified Arabic,4,black,bold,normal" bkcolor="transparent" bkimage="" border="double,4,gray" type=1 line=0 align=center use=ex num="0,black""]
سولف ولكن لا تعدى على الناس=الناس ماهم علكةٍ في لسانك
لسانك اكتب له مثل بين الاقواس=ان صنته يصونك ولن خنت خانك
ملاحق العربان ماهو بنوماس=لا تنحشر في شان ماهو بشانك
وان كانك ملزم على نفضة الراس=صلع وراسك ينفضونه خوانك[/poem]

[poem=font="Traditional Arabic,6,seagreen,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الحب نعمه من الله وانت تدري به=شف نعمة الله علينا لا تجاهلها
صدقني اني لقيتك شوق فالغيبه=وصدقني اني دعيت الله يسهلها
وصدقني البعد ما ودي ومالي به=مشارب الوقت ما تصفي على اهلها
الوقت لو طالبك حلوه مشاريبه=لابد ما يلحق العاكر مناهلها !!
[/poem]

[poem=font="Traditional Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياليت الحب لوحه في طريقي واتعداها=عيوني في طريقي لو توجه وجهها يمي
ولكنّ المحبه في عروق الدم مجراها=تزاحم في عروق القلب وتسمّي على دمي
عليك الله يثيبك طابق اولها على اتلاها=حرام تبدد الاحلام وتنادي على همي !
تعال وكل كلمة وسط صدرك هات معناها=سواليف الغلا من بحر صدري بللت كمي
ترى ما هو صحيح النفس بالفرقى تولاها=ترى الوصل العسل والبعد من بعد الوصل سمي !
[/poem]

[poem=font="Traditional Arabic,5,purple,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

الخافق اللي بعد غيبتك عزيته=ما جاز عن حبك الاصلي ولا تابي
اي والله يحنّ لك واكثر تناهيته=لا قامت الذكريات تسوق الاسبابي
احرجتني مع كثير الناس واوذيته=وانا الوذا منك سوابي وسوابي
ليتك ليا مر في بالك وخاويته=حولت بالدمع الارزق فوق الاهدابي
وليتك ليا حّن لك جيته وحنيّته=ماهو صحيح الغلا المنسوب ينسابي
مبادر الحب في شفته وفي جيته=ومبادر الكره في تقفيل الابوابي
والحب لولا شعور الصدق خليته=لكن عزاي انك اول وآخر أحبابي
[/poem]

[poem=font="Traditional Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا بحر جيتك وانا اعرفك صباحك صباح=اصدق صباحك من الضيقه وتصبيحها
تفرد لي الموج وافرد للسعاده جناح=وأطير هموم صدري عن ملاويحها
اجيك منهك من الدنيا وكلي جراح=واروح دنياي ماني من مجاريحها !
يا بحر كم لـ الاماني في ضمير النجاح=يا خوفي احلامي البيضاء ذهب ريحها
ان كانها يا بحر خلف المجال المتاح=عجل بها ليلةٍ تضوي مصابيحها
وان كانها ما تجي من دون جهد وكفاج=انا الصعيبات شاحتني مشاويحها
اقدم لها من ثقل وادعي لها بالصلاح=وتروح روحت عرب تنقل مسابيحها
يا بحر ما جيتك اشكي من كفوف الشحاح=جابتني الصيحه اللي موجك يصيحها !!
[/poem]