من <<<< ؛؛؛>>> إلـــــى

يقول الشاعر علي بن احمد العويض

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله من همٍ تربع على البال= وجدي على فرقا الهواجيس ساعه
متى يسيح البال والهم ينزال= صبري قضى قضت عليه الجزاعه
اكـن ما بالقلب عن كل نقال=الي لهم شغل النمامه بضاعه
بضاعة(ن) تجلب مع كل دلال=سوامها نـذل(ن) يدور انتفاعه
قليل من يسلم من القيل والقال=كم واحد(ن) شاف الأذي من اشاعه
ومن صاحب(ن) لو قال ماهوب فعال=على ردى فعله تحده اطباعه
الصاحب الي ما يقدي ليا مال=وقتك ويتعامل بخبث ولكاعه
اخير من خوة شراته تبدال=وش لك بزاد(ن) ماستسغت ابتلاعه
عسى جهنم له ليا مات منزال=جزاء لسوء معاملته وخداعه
هذا زمن كم (ن) رصيدك من ريال=حسب الرصيد يصير حولك جماعه
وانا عـلي ثابت بتغيير الاحوال=مبداي ثابت والقناعه قناعه
عمر الفتى ما قيل قد طال بالمال=ولا سمعنا مات احد من مجاعه
لكن اقول اني مسند على جال=اللــه ولا غيره وعندي مناعه
الي عطاني منه انعام وافضال=ما تنحصى لو نجتهد بالطباعه
ولا على غيره انا أعلق آمـال=منه الامر ملزوم سمع(ن) وطاعه
وصلاة ربي عد ما هل همال=على نبي(ن) يرتجى بالشفاعه [/poem]

اعجبتني القصيده وحاولت مجاراتها

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله على عذب القوافي ولمثال= جزل الكلام الي يليق استماعه
ياطيّب المبدأ وياطيّب الفال= كن الزمن يفرض علينا صراعه
ماشاف له منصف ولا رد عقال=تكيل بالصاعين مده وصاعه
وكثرو هل النمه سريعين لشعال= الي يحسدون الرفيع إرتفاعه
عسى يثور إلْهُم من الارض زلزال=قبرٍ لهم مايندرى وين قاعه
مانيب لك لايم ولانيب عذال= والله ولانيب استمع فالاذاعه
ابغى بطل واحد وياقل لبطال=ماكل راس أعطاه ربك شجاعه
يعجبك بعض الناس,,, تغريك لزوال= ولا وراها غير دجه وضاعه
وتهاب لامن هددك بم زرفال=لكن مافي بطن بوها جراعه
فينا تعب ,,, من كثر لقفا ولقبال= نمد حبل الوصل لهل القطاعه
وحنا لنا مع وادي الخوف مدهال= ماهمنا لوكان تعوي سباعه
والفقر مريناه طرقي وجمال= لكن والله ماكلينا الوداعه
ولازال فينا الفقر جاثم ولازال= فينا بعون الله قوة مناعه [/poem]

القلوب انواع وطيب قلوب الناس ذآك ------ لايغش ولايخادع ولايتبع هوى














والقلوب اسرار تخفا علينا وتخفاك ------- والله الّي مطّلع كل قلب وماحوى














والقلوب الطيبه ماتريد الّا رضاك ------ وماتمنا إلّا إنك إتكون بــ أعلى مستوى














والقلوب الحاقده جعلها والله فداك ------- حقدها نارٍ عليها لضاها بالشّوى













والحسد واهل الحسد من هنا ولا هناك ----- والله إنّا في تقدم وهي ترجع ورى














خلها في فالها ونت حلّق في سماك ----- جعلها تبطي سقاما ولا تلقى دوى













يا بـــن آ دم فاعل الخير عند الله جزاك ----- ربك أعلم مايكن الضمير وماحوى











وختصار القول يالله رحمتك ورضاك ------ إختلاف الناس ونضارها ماهي سوى