فصيلة ( هم ) .. !!

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
الى متى وانتي الاقرب من شعوري = واكثر من احاول امرّه ، ولا ، آمرّه ؟
مري على قلبي ولفي به ودوري = ولا اتركي لي على عروق الغلا جرّه
سويت مافي يدي وافنيت مقدوري = وضيعت درب الوصال بخيره وشرّه ![/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
انا كذا رايق ومرتاح بالي =بعيد عن جو الصخب والعلاقات !
90% قصيدي خيالي = وافكار تعجبني واسويبها ابيات !
والي تجي وتروح وانا لحالي = ما ازعل اذا راحت ، ولا افرح اذا جات ![/poem]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عدلت نومي على نومك وتوقيتي = اجبرني ادور الاوقات واسرقها
مدري تسّرع عليك او انك ابطيتي =ماجيتي وساعتي ملت دقايقها !
وقفّت لجلك عقاربها ولاجيتي = خايف لو تقول ماتبغاك / اصدقها [/poem]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
( مبسم هيا ) و ( عيون عليا ) ورزتك = ماتجتمع فـ..انسان ويصير عادي !
حبيبتي والحب من دون غيرتك = مزعج وسوداوي ولو كآن هادي
غيري علي / وخففي من هداوتك =ايه اسرفي مافيه ( حب إقتصادي ) ! [/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
محبتي لك حكآيه كيف اسجلها ؟ = لاصرتي مشققه عن حبري / اوراقك ؟
وبالنطق عيّا لساني لايوصلها = خايف يقول الكلام وترفض اعماقك
لو اخسر الوصل عفت الارض وآهلها =حبيّني بآي حب يناسب اخلاقك ! [/poem]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياسيدة قلبي ابقي فيه طول الحياه =عطاك ربي إلين يرجع آمانته
ماني بخايف خيانه لو( لفت انتباه ) = مثلي لياحب بنت يموت ماخانته [/poem]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وشلون اعيش الصباح الميت بدونك ؟= وانتي بدوني صباحك ماتنامينه ؟
شاعرك ماطاح لين امكنْته طعونك =واللي يهابه قبل/ عود بسكينه
ماقاوم الا الظروف الواقفه دونك = ولا حارب الا العدو اللي تخافينه !
يكتب ويقرا قصيدة داخل عيونك =ويشوف نفسه لياقمتي تغنينه !
تدلعي / وافصحي عن قيمة ظنونك =وقولي احبك/ مادام انك تحبينه ! [/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سولف ولاتنشد عن القلب وش فيه =شعوره اللي فيه ماله نهايه !
ودي ماتعرف منه حاجه / ولا اخفيه =تناقضه مدل / والاحساس تايه !
ماودي اخسر قرب قلبك ولا اذّيه =اللي يجيني منك هذا / كفايه
مافيه ليل اشوف وجهك ولا آسريه = واحط عمري وامنياتي / ورايه
حد الجنون اللي يقال متعديه = والعقل فـ..اللي عشت مأخذت رايه !
الحب واحد واوله مثل تاليه =ويكمن جمأله في غموض البدايه ![/poem]

يا كثر البكاء عندك : (

المشاركة الأصلية كتبت بواسطة سلطان بن حامد

يا كثر البكاء عندك : (

اهم حاجة اني بتسيتك

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هاتي وجودك وفكي عقده لساني = ولا اخذي ابياتي بنفسك ، وقوليها
سنه وانا اكتب بدون الهام ، وان جاني = اكتب قصيدة بدون احساس والقيها !
في سلة ظروف وقتي واخر احزاني =وعلمي بها في مكاني يوم اغنيها !
ماعاد يغريني اللي مبطي اغراني =ياحلو الاشياء قبل اشوف تاليها[/poem]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هذا شطر رايح / وهذا شطر جاي = وازريت لا اطلع لي بمطلع قصيده ![/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,darkblue" type=2 line=0 align=center use=ex num="0,black""]
عفاس ابن حرباش في وسط ركنه=دايم وانا موجود ماسك مسيري
اخذ من ابياته على وزن شحنه=وابثها للشعب في بلاك بيري
[/poem]

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
آخر علومي ( كنت طيب ورآيق ) = قبل الحزن يجتآح قلبي وعيني
صدري وسيع وتآلي الوقت ضآيق = وهمومي تودي بعضها وتجيني
حبيت واغريت بغلاك الدقايق = واليوم آجبّر من كسورك سنيني !
فرق الظروف وفرق الاحلام عايق = بيني وبينك لو آبيك وتبيني ! [/poem]

من ( المعتقل ) الى ( المعّقل ) !


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو سولف الحب عنا يالكثير القليل = ماغرّقته المشاعر في بحور الخليل !
الصبح ادور وجودك واكرهه لا انتهى = ونوم المساء تاركه والله يعين المقيل
نبضات قلبي قبل لا اناظر رسالتك = ماهيب نبضات لا والله مركاض خيل
انتي كريمه واحاسيسك وقربك عطا =وانا مع اللي احسه في كلامي بخيل
من كثر ما اخفيت حبك امتلى خاطري =وازريت اصرح (بحبك ) لو صوتي طويل
دام اجمل ايام عمري بعد حبك وجاي = وشلون ادور بعد ماشبت احبك بديل
حتى وانا خاينك جيتك وخنتك معك =مالي على حب غيرك ياحياتي سبيل
مشاعري باقيه وايامنا فانيه = والمستحيل اني القى بعدك المستحيل
هاتي لي احساس يشبه وجهك ليا استحى = واجيب لك الف عذر لزلتي والف ليل
اسهر بها كلها واعشق بها كلها = واعلم القلب وش معنى الشعور الجميل
خلي النسيم يتسلل داخل ارواحنا =ارواحنا مستحقه للنسيم العليل
لاتكثرين الظنون وتكثر همومنا = لولا التسرع يعيش الحب ماله قتيل [/poem]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
تقسى علي الظروف وتقفل آخلاقي =وآكذب على نفسي بفرحه / وآصدقها
مليت آقول القصيد وملت اوراقي =ومليت من كل حاجه كنت عاشقها
راح الكثير ونويت اقلل الباقي =واخذ على دربي اوراقي / واشققها ![/poem]

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تعبت اوضح لغيري قيمة الامنيات = وامثّل الضحك واضحك كن ماني بـ..آنا
ليله آبات بتعب وليال ما اقدر ابات =ودي قبل لا اموت ، انام نومة هنا[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
كل الكلام اللي تقولين للناس = احسّبه كنه شعورك تجآهي !
في منطقك حكمه وفي صمتك آحساس = وفي صدتك مايستفز انتبآهي
ماودي اكشف لك شعوري على آساس = تبقى احاسيسي معك مثل مآهي ![/poem]

كم انت جميل

ايه الروقي .. عفاس

صح لسانك وصح بوحك الجميل

هلابك يانياف
مرورك على ركن/ك اسعدني
الله لايهينك

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يكفي زعيم اسيآ أن اغلب جماهيره = من عليّه القوم حتى في تصرفهم !
آذا انهزمنا نقول اللي حصل خيّره = وجمهوره يسأنده لنه مشرفهّم
ماهوب جمهور فقر وصجه وغيّره = مافيهم الا اربعه ( عقّال ) وآعرفهم[/poem]

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
آنجذب لك كل يوم آكثر من اللي قبله =ودي آعرف وش مصيري فـ..آخر الرزنامه !
اسمك يحرك شعوري واسمعه واطرب له =ملهم وآسمك لحاله مكتفي بـ.. آلهامه
كنت ادور قلب مثلك لاكتبت اكتب له = وطاح شعري في حضورك داخل الدوامه
من جهة وشلون يملك قلبك ويقرب له = ومن جهة وشلون ماتوضح خطوط آقلامه[/poem]