لــ راكان بن بدن

[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
الهم في صدري مساحاته تزايد بإتساع=ويدقّ في قلبي مثل دقّ النجر بيد النجر

بعد المواصل والغلا ياشين لحظات الوداع=ياشينها والفرق شاسع في المواصل والهجر

ياما على شانك ركبت الموج واسدْلت الشراع=لجلك ولا كنت احسبنْ قلبك على الفرقا حجر

لو أني أدري ما امرت القلب في حبك وطاع=واسهر على ذكراك حتى يذّن آذآن الفجر

تدري وش اللي ودّي اهديلك قبل فضّ النزاع=تشوفه بعينك وأنا اشوفه ولو شوفي شجر :

خذ قلبي اللي في الضلوع الناحله وامرك مطاع=واتركني ارحل من حياتك وأنت كاسب بي أجر[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]

تهديني الضيقات وأهديك الأفراح=الكل منا مهدي لصاحبه شيّ
والفرق واضح بين ضايق ومرتاح=مثل إفتراق الروح بالميْت والحيّ [/poem]

[poem=font="simplified arabic,5,green,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
ياقلبي اللي تستثيرك لأحاسيس=احذر بموضوع المحبه تساهل

اخاف تكره حظّك وتلعن ابليس=واطيح لك في شخص بالشوق جاهل[/poem]

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
لو شفتهم حولي كثر ، خير ياطير=تكاثر إعجاب البشر لايثيرك

إيماني انك غير واستايلك غير=يبعد نظر عيني عن إحساس غيرك[/poem]

[poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
يضيق صدر ، وينجرح قلب ، واتطيح=دمعـه ، ولكن ما تطيح الكـرامه

ياللي معك وضعي مـ .يحتاج توضيح=لا عاد تسـألني عن الإبتسـامه

في وجهي الشاحب للأحزان تصريح=وفي كل موضع فيه تلقى علامه

اطيح ، لكن بعد ما اقوم ما اطيح=كذا طموح اللي يحب الزعامه

ماكل بابٍ ينقفل يردع الريح=ولا كل زلّه من وراها سلامه

الحب ، مايرحم قلوب الطحاطيح=كم واحدٍ طيّح مقامه هيامه[/poem]

[poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
الحب / دافع يدفعك للتأمّل=في نبض قلبك بـ ( اللقا والتجافي )

ومع كل هذا صعب تقدر تحمّل=تقول لإحساسك من الشوق كافي

في كل شيٍ تستطيع اتجمّل=ألا على حساب القلوب الرهافي

ودّي اكمّل بس ما اقدر اكمّل=مابي ابيّن شيّ في القلب خافي

وأن كانك لبوح المشاعر امصمّل=هاك الكلام اللي يثير القوافي

عش مابقى لك في حياتك وأمّل=واليا جرحك الوقت قلّه عوافي[/poem]

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
سلآم ، كيف الحآل ؟ عطني علومك !=بعد الغيآب اللي خذآك وخذآني

يآ جعل يومي يالغلا قبل يومك=العمر ، وشهور السنه ، والثواني

ما جيت احاسبْك بغيابك والومك=جيت افتتح لأشواقنا عمر ثاني

تعآل واشرح لي وافسّر حلومك=وازهل علي تحقيق كل الأماني

وأن ضقت من وقتك ، وكثرت همومك=خذ ضحكتي واتركني احزن واعاني .![/poem]

ليت لي قلبٍ على الضيقه جسور
مير وين اللي من الدنيا ومن
لو سليت أيام وألا قل شهور
ماتعيّن شخص لأوضاعه ضمن
العمر مشوار ، والدنيا عبور
لو يقول الوقت : يا ابن آدم تمن
حطّها ربّي متاعاً للغرور
للقلوب اللي تعامن وانعمن
يلعن الله كل مختالٍ كفور
وكل منهو حب خضراء الدمن
ما اعتلا طيرٍ مراقيب الصخور
لو وصل في عالي القمّه طمن
الوعد لاجا الوعد يوم النشور
لابدا المحشّر وشبّت في اليمن
واحدٍ في نار لآهبها سعور
وواحدٍ في الخلد يبشر بـ الأمن

خل الذي بيني وبينك صداقه
مابيك بإحساسك تجاهي تهوّر

لو أن قصدي معْك اكوّن علاقه
كان الغلا بيني وبينك تطوّر

ماعاد في قلبي للأشواق طاقه
ومانيب راضي لك غرامٍ مزوّر

الحب طوّقني وشدّد وثاقه
وقفّل علي بيت الغرام المسوّر

شكراً لمن اهداني التصميم

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
ياللي عليك احنّ واخاف واغير=واشتاق لعيونك ونفحة عبيرك

قبل تقول لصاحبك : يامساء الخير=على التجافي كثّر الله خيرك

اهديتك اشواقي : معزّه وتقدير=واهديتني بالصدّ : لاهب سعيرك

رسايل الصادر : سلام ومعاذير=ورسايل الوارد : شكت من هجيرك

خذ موجز اخباري فدتك التقارير=وانقل تفاصيل الغلا عبر اثيرك :

لو شفتهم حولي كثر خير ياطير=تكاثر إعجاب البشر لايثيرك

إحساسي أنك غير وإستايلك غير=يصرف نظر عيني عن إعجاب غيرك[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
لاغبت ، جتني في غيابك طيوفك=تقول : مايقدر على البعد ينساك
من كثر مايكتب بقلبه حروفك=قامت كُرّيات الخلايا تهجّاك
لو هدّت جسور التواصل ظروفك=وقّف على بوابة الوصل لرضاك
يانور عيني هدّ روعك وخوفك=لولاك مابعت المحبّين لولاك
سلّمتك كفوفي وعطني كفوفك=وخذ زبدة الموضوع يازين لاجاك :
قمّة سعادة خافقي يوم / اشوفك=وقمّة تعاسة خافقي يوم / فرقاك [/poem]

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
إحساسك المفُرط معي ويش اسمّيه=إعجاب / وألا / لعب / وألا / محبّه ؟
إن كانه إعجاب بقصيدٍ نغنّيه=فوّح ابريق إعجاب قلبك وصبّه
وكانه لعب : مالي ومال المشاريه=من جاء على درب الخلايق تسبّه
وكانه محبّه : ما بقلبي يكفّيه=رح شف لك أي إنسان ثاني وحبّه [/poem]

[poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
ياسيّد الملح ياشيخ الحلا والدلال=نظرة عيونك تبدّد لي خصوصيّتي

ياناعس الطرف يامضرب مثل للجمال=مع دِكتاتوريّتك حصّلت حريّتي

حبك مثال وعليه إضرب لحبي مثال=بتشوف كيف أني آحبك بعفويّتي

لا شفتك وقلت ابكتب فيك شعرٍ يقال=فقدت فكري وشعري وإحترافيّتي

ما شدّني كل حبٍ يستثير الخيال=معْك أنت بالذات متمسّك برجعيّتي

غزيت صدري بجيش الحب والإحتلال=ومع كل ذا / دونك استخدم أنانيّتي

وابيع غيرك واحطك للغلا راس مال=عشوائي ,, ألا معك تظهر مثاليّتي

قلبي يتابع ميولك وين ماملت مال=لا حظ معي كيف تأثيرك بشخصيّتي :

كثر ما احب النصر ،، لو قلت : حب الهلال=اعلن على طول لعيونك هلاليّتي !![/poem]

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
يدفعني الخفاق لك / واشتاق لك / وانساق لك=ياسيّد الذوق الرفيع ، وسيّد الحسّ الفريد

أن جيت قلبي فزّ لك ، وأن رحت صدري ضاق لك=بُعدك : عزا ، وامقابلك يانور عيني : يوم عيد

ودّي اقول : ((أني احبك , واعشقك , واشتاق لك))=وكل مانويت اقولها قال الفكر : مابه جديد !![/poem]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]


الصداقه كنز ،، يامال الغناه=والنشامى في الزمن منجم ذهب

السنافي يرفع الله مستواه=في المواقف ماتخاذل وارتهب

والوفا عند الوفي مثل الصلاه=وأن فعلت الطيب في الجاحد ذهب

والرجوله سهم رابح في الحياه=والله الواهب ولا غيره وهب

ياعسى راع الوفا ،، الجنّه جزاه=والردي ،، في النار يصلاه اللهب [/poem]

^

^

مجاراة الشاعر القدير / بدر بن فهد بن مويعز العجمي ،، للأبيات السابقة :
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
في القدم من محترف وألا هواه=غير ماجد ماش سهمٍ ملتهب
والشعر شيخه شمال من السراه=اشمل من ابها قبل مهد الذهب
والقصيده ذي تشدّ الإنتباه=مثل ماشدّت هل الظفره نهب
انجذبت وجبت بيتٍ ماوراه=ان صلح وألا ياهاجوسي اهب :
من تردّى وهو يقدر لعنباه=لو هو يكره بوش وألا بو لهب [/poem]



وهذي مجاراة الشاعر المبدع / فهد بن شليّل المقابله ، للأبيات السابقة :
[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
الصداقه عندنا مثل الوصاه=والوفي ممشاه للوافي شهب
والردي لو رزّ قصره واحتماه=والله أن يطيح به بأول مهب
الخوي ياصاحبي ناسم عصاه=محتمينه يومها طعن ونهب
نجلي همومه ونرضا من رضاه=وأن زعل نصلا على الجمره لهب
والردي لامات ماحيٍ نعاه=موتته ماهزّت جبال القهب[/poem]

طعم الخساره مايقارن مع الفوز
والمنتصر مايلغي الزيف نصره
لا ساد بشهور السنه شهر تموّز
هذاك هو سيّد غنادير عصره
بين الحنايا بيرق ارضاه مركوز
ومشيّدٍ في داخل القلب قصره
ومكانه بصدري على طول محجوز
خلّوه يسرح في المعاليق بصره
اليا تبسّــم يثــمر بخـدّه اللــوز
واليا تثنّى عانق الريح خصره
منجم ذهب تستخرج بزينه كنوز
مهما وصفته يعجز الفكر حصره
يعني مزايا وصفه رموز برموز
واخير من طول الحكي فيه قصره

[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
شذّابة المقفي ، لـ /قفّى تقفّوه=ونفوسهم دايم على الشر عجله

مافيه علمٍ خابرينه ماقالوه=قلوبهم ماهيب لله وجله

لو هو مديحٍ مع هل المدح ، ذمّوه=ولو العمر بيدينهم جابوا اجله

وألا الرجال اتصدّ عن كل مشبوه=وعلى الوفا تِقدم ولاهيب خجله

وتشوم عن فعلٍ يجي فيه مشروه=وعلى الخوي نهرٍ مثل نهر دجله

ولجل المراجل كل ماكاد سوّوه=الطيب : راع الطيب يتعب من اجله

أما ايتحيزم للرياجيل لا جوه=وألا لايِتعب في المراقيب رجله[/poem]

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]

برق التغيّر على غيم العروبه يلوح=طاحت سياسات روس الشلّه الجايره

ابن علي راح ، والحصني وراه ابيروح=والدايره بين حكام العرب دايره

من لايخلّي الكبر ، والغطرسه ، والجموح=بيجيه يومٍ يطقّ ابراسه العايره

الشعب ثاير ، ويدفْعه الفقر والطموح=وادميّهم من سياسات القهر فايره

والغرب شعبه على شتّى الوسايل يبوح=ومطالبه لا طلبها صايره صايره

إلى متى الظلم ، والتبذير ، واللا وضوح=وإلى متى والشعوب بدارها حايره

بالدين والعدل نبني شامخات الصروح=ونثبت مثل ماثبت سنجار والصايره

الله يطوّل بعمر اللي يداوي الجروح=لو ان بعض الجروح المبطيه غايره

ياليت بعض البطانه تآخذ امر النزوح=تركب على اليخت وألا تركب الطايره

المملكه مع قيادتها : جسد فيه روح=غصبٍ على العالم اللي بالبلد بايره[/poem]

^

^


مجاراة الشاعر / سالم بن عبدالله العرجاني

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]

لاهنت .. لاهنت ياراعي الضمير النصوح=عساك تبلغ مرام الشور ياشايره

هيّضت لك هجس صدرٍ له ليالي يفوح=ما سار له مع بيوت اهل الشعر سايره

والله ما تلّ قلبي صوت ورقٍ ينوح=ولا مهاوا شبيه الإدمي الذايره

اقول : ماعاد في الدعوا صدود وجنوح=العالم اليوم تفهمها وهي طايره .!

لا ياوساع البطون ، وياقصار الشبوح=وش عذركم من يتيمٍ دمعته حايره

حكّام بعض العرب مثل البعير الرموح=ولولاه مالحق شعبه في زمانه بايره

يابوي وين الشفافيّه ووين الوضوح=اقول : ساير زمانك مثل من سايره .![/poem]

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]

حسني مبارك ,, تنحّى في مصر عن مصر=وأنا عن اللي هويت آموت ولا انتحيت

اللي بنى له بوسط ضلوع صدري قصر=ماهوب باني بوسط الصدر فلّه وبيت .!

عيون النداوي عيونه ، والنحر والخصر=صوره خياليّه تعبّر عن الإتكيت

لو ينحصر كل شيٍ في العمر مـ/انحصر=غلاه , لو اكتب بحبه 80 بيت

الزبده انْ حسني مبارك رحل عن مصر=وأنا لو آموت مـ/ارحل عن هوى اللي هويت[/poem]