الشعب من زود الكرم صار محسود

السلام عليكم ورحمة الله مبركاته

صباح / مساء
الخير



مشاركه بسيطه بمناسبة احتفالاتنا الوطنيه عل وعسى تكون في المقام








ياكويت خيرك بين الأوطان مشهود ,

خيرك وصـل يـم الديـار البعيـده ,


والشعب من زود الكرم صار محسود ,

واللي حسدهم جعـل ربـي يبيـده ,


حنى ترى من دونك اسلاح وجنـود ,

ولشيوخنا اللي حافظيـن العقيـده ,


والطيب فأهل الطيب واضح ومردود ,

ومن يزرع المعروف يجني وليـده ,


وأحمد زرع في ديرته بذرة الجـود ,

واللـي جناهـم حققـوا مايريـده ,


جابر يحل الصعب لو كـان معقـود ,

ولو الوطن مثلي بشـر قبـل أيـده ,


حرر دياره من غثـى كـل مقـرود ,

وحبه لشعبه جاري(ن)فـي وريـده ,


في غيبته كل الليالي غـدت سـود ,

العين تشهـد والصـور فالجريـده ,


والشيخ أبو أحمد فهد خلف فهـود ,

أفعالهـم ماهـي عليهـم جـديـده ,


متوارثين الطيب والطيـب محمـود ,

من فارس(ن)كثر البكـي مايعيـده ,


ونـواف طيبـه مالقينالـه حـدود ,

ولو أمدحه ما ألحق مداه بقصيـده ,


ومن قال جابر مات أنا اقول موجود ,

قلبـه وفعلـه والعلـوم الحميـده ,


صباح هو جابر لكن ماهـو بعـود ,

يارب طـول فـي حياتـه وزيـده ..



..


..

الله يديم (( أعياد )) الكويت الحبيبه

تقديري لك ياعبداللطيف

الله يديم الأفراح في ارض الكويت الغاليه على الجميع


صحّ لسانك يا عبداللطيف


دمت بخير وسلامه


تحياتي لك

الله الله يا عبداللطيف


اسم معروف وفارض نفسه


وقصيده جميله و الكويت تستحق الكثير و الكثير من شعر ومن عطاء


تقبل مروري


كل الود


آخوك

..

متوارثين الطيب والطيـب محمـود // من فارس(ن)كثر البكـي مايعيـده ,

..

أنا أشهد أنا أشهد والله ونعم !!

..

يازينك ويازين جآآرتنا الغالية
..
قصيدة سامية بسموّ كاتبها ومضمونها
..
صح لسآآنك ياشحيماان
..
إحترآآآمي

..