الف ليل ..!

المشاركة الأصلية كتبت بواسطة عفاس بن حرباش

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لو سولف الحب عنا يالكثير القليل = ماغرّقته المشاعر في بحور الخليل !
الصبح ادور وجودك واكرهه لا انتهى = ونوم المساء تاركه والله يعين المقيل
نبضات قلبي قبل لا اناظر رسالتك = ماهيب نبضات لا والله مركاض خيل
انتي كريمه واحاسيسك وقربك عطا =وانا مع اللي احسه في كلامي بخيل
من كثر ما اخفيت حبك امتلى خاطري =وازريت اصرح (بحبك ) لو صوتي طويل
دام اجمل ايام عمري بعد حبك وجاي = وشلون ادور بعد ماشبت احبك بديل
حتى وانا خاينك جيتك وخنتك معك =مالي على حب غيرك ياحياتي سبيل
مشاعري باقيه وايامنا فانيه = والمستحيل اني القى بعدك المستحيل
هاتي لي احساس يشبه وجهك ليا استحى = واجيب لك الف عذر لزلتي والف ليل
اسهر بها كلها واعشق بها كلها = واعلم القلب وش معنى الشعور الجميل
خلي النسيم يتسلل داخل ارواحنا =ارواحنا مستحقه للنسيم العليل
لاتكثرين الظنون وتكثر همومنا = لولا التسرع يعيش الحب ماله قتيل [/poem]


ودني للزنزانه ياظابط خفر

يخرب بيت عدوك

اقسم بالله انها من اجمل ماقريت من مده

كل بيت يقول الزود عندي .. صح لسانك وسلم فكرك يامبدددددددددددع

ودي استرسل لكن ( انا مع اللي احسه في كلامي بخيل ) لان الكلام يقصر عن اللي في خاطري

سلامي واعجابي اول وتالي
<<< راح يجمع المراشده .. اليوم مطلعينك مطلعينك بالسماح ولا بخشم السلاح