مســــــــــــــــــتور والمســـــــــــــــعودي

هذه محــــــــــاورة أوردها الإستاذ / عائش السفياني


في مرقاب المسعودي وبما أن مستور العصيمي طرف فيها حبيت نقل نسخة منها في مرقاب مســــــــــتور


شكراً جزيلاً للإستاذ/ عائش على جهوده الطيبة.



المسعودي
واحدًا جابوه ودّوه مدري كيف قال *** من هو اللي دفّ مستور وندفّه وراه
أخوياه ايدوّرونه وهو رايح لحال **** ما خبرت اللي يبا يروح ويكبّ أخوياه

مستور
ما خبرنا اللي يضيّق سريع الانفعال *** من يقول العلم جاني منين العلم جاه
واشكل الاقوال يا ذيب ماهي راس مال***من ظما لو يشرب البحر ما يروي ظماه

المسعودي
الخبر والعلم تحت العمامه والعقال *** والعقال مع العمامه على راسك هذاه
من زعل قلة سعة يشتري له وسع بال *** قبل يقعد له زمانه على راس الحصاه

مستور
ما على راسي يقع ما على روس الرجال***والعميل الوافي الناس ما تنقص وفاه
الزعل طيّب ومكروه في بعض الحوال *** والامانة ما تضيع على طول الحياة

المسعودي
أنت فيك طبيّعة من جدودك والخوال *** لا غريبة تعجب الناس من قدر وغطاه
إن عطتك كتوفها ما تربّطك الحبال *** وإن توجّه لك نحرها تلحفت العباه

مستور
وإن بدالك عوجة العوج في رقاب الجمال***مير من عارض بماعونه السيل امتلاه
من تملت له غروبه تضارس به محال *** كل ما أوحى له منادي ينادي قال هاه

المسعودي
ما معي ماعون والوادي الممطور سال *** وانت كيف يسيل واديك وخيالك صحاه
والحبوب الصم لو قيمة الحبة ريال *** ما بلعــــــــها غير من تطحن الحبّة رحاه

مستور
لو زهمت أبكم يجاوب على هذا السوال *** كيف عاقل يلتبس ثوب ما فصل علاه
لن وصلك العلم عندك محايل واحتيال *** حيلة الحصني ليا شاف سبع الليل جاه



__________________

فار س دام ابداعك وعطائك
ولاهان عائش السفياني ..

محاوره متميزه ..وجميله جداً

تحيااتي لك

فاارس لاهنت



تحياتى لك