آخر توآقيع الهجوس المناديب ...!!

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هذا الشتاء يكتب وداع المحبين= على صدر عمر الزمان المشوه
ودع وخلانا على سكة البين = نقول قو الحزن ويقول توه
توه يجر أعنان خيله مصافين = تجمح على درب الصلاح وتسوه
الحزن ما خلا لنا موردٍ زين = ما بينه وبين الحنايا عنوّه
وش عاد لو نضحك مع المستريحين = الضحك من باب الادب والمروه
والا القلوب الغامضه فالها شين= من يوم خلق ادم ومن خلق حوه
لا باس ياللي مسكنك فالشرايين = لا باس يا تاج الغلا والمنوه
الله يجيرك من عنا وقتك آمين = والله يزيدك فوق قوتك قوه
حزنك محملني من الهم والدين = وانا كفيل بحمل حزنك وسوه
ما فيه داعي تنطلق دمعة العين = دمعك عذاب وصوت حزنك مفوه
لا يشغلونك كلبوهم مساكين = واعمالهم ما تستحق التأوه
يكفيك يا تاج الغلا خصلة الدين = ويكفيك ما تملك جمال وجروه
ويكفيك قلب ما خلق غير لاثنين= قبلك وصرت الغيث ديمه ونوه
ما داس دمه غير يا زين شخصين= ابوي وامي جعل عمري فدوّه
لتراب رجليهم ويبقون حيين = ويرزقني الله برهم والحنوه
والا انت يا تاج الغلا سكتك وين = زاحمتهم حب الخفوق وسموه
انته بحر وامواجك يسار ويمين = وانا غريقك بس حبيت انوه
قلبي فدا روحك مسافات وسنين= واللي تبي تسويه يا زين سوه

[/poem]