ҳҲҳ لا شيء..! ҳҲҳ

[poem=font="Traditional Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=left use=sp num="0,black""]

انا دموعي فوق خدي والوجع بين الضلوع=ابآ السّعه لاكن يانيّاف ياضيق السّعه
وياللي تنادي صوتك البارح تسمّر بالسموع=ودي تعيدكم مرّه واستلذّه واسمعه
لو كان من صوتك خفق قلبي وهليت الدموع=فيه استلذ لدمع عيني يوم اثرّه واجمعه[/poem]

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=left use=sp num="0,black""]
تحطمت / وصرخت ومابقى في داخلي إنسان=بقى في داخلي همٍ كبير وحال يرثاله
أنا وش لون أبنسى وانت عندي والحياة أخوان=أنا وش لون ابنسى وانت شيٍ ماحد(ن) طاله.!
أنا ابعد من اطراف النجوم / لعالم النسيان=مثل ماخافقي ابعد عن افكاره وعن باله
رحل / في داخله صورة وانا في داخل ولهان=رحل / والشوق يبراله وفال الله ولا فاله
رحل / وعروقي تظم الشعور وترثي الوجدان=خفوق(ن) مابكى عمّه متى يبكي على خاله!!
وأنا مليت من سجن الغرام وضحكة السجّان=اعيش انشد عن احواله / واموت انشد عن احواله
كذا ياخافقي مل الشعور وراحو الخلان=كذا فاحت دلالي والغضي مافاحت دلاله
أنا ابغى اعيش انسان / واتمنى أموت انسان=أبي لاقلت من قاله / تقول الناس من قاله !![/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=left use=sp num="0,black""]
سمار البيد / واطياف السراب / وجرهديّ القيض=ونظرات التأمل / والشعور / وصادق النيّه!
عسى سود الليال تعيش في سد الوجيه البيض=عسى الشرهه على الروحه / عسى الشرهه على الجيّه
وأذا صدر الفيافي بالمواجع والهموم يفيض=تركت هموم صدري فالضلوع العوج مخفيّه
وانا صدري ماعاد يفوح واحساسي ماعاد يهيض=اعيش احلام ورديّه واموت احلام ورديّه[/poem]

الخميس 10 شعبان 1431 هـ


في حفل زواج الأخ العزيز الاعلامي سلمان بن صنهوت








[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
على ذكر النوايا البيض ياسلمان بن صنهوت=لكم وقفه ولي وقفه عسى الله مايخيبها
ابا غنّي على عرسك وابا هيجن واجر الصوت=بيوتٍ ماتشرفني حرام اني مجيك ابها
ابآ اكتب واغنم الفرصه قبل ان الزمان يفوت=وانا ماجيت ابذكرها بوقتٍ مايناسبها
ابآ انحتْها على صمّ الصّفى واسامر المنحوت=وبعض الناس تسمعها / وبعض الناس تكتبها
ليامني مدحتك وانتقيت من الجزال بيوت=تبا تبطي ضعوف الناس مارفّت شواربها
زهاك البشت الاسود وانت تلبس من وفاك بشوت=كذا بعض الرجال بشوتها عزّت مناكبها
اباركلك عسى معك السعادة حبلها مفلوت=عساك ادوم والفرحه تعيش ابك وتعيش ابها[/poem]

لاشيء ..!


إنهم كٌثر ..


وفي وقتً ما اصبحو قلّة





[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
دفنت .! خوّة خوي الدرب مع خالي=الخوّه اللي لها عامين مفطومة
الله يرحم عظام الشايب الغالي=وخوّتْك ياصاحبي ماهيب مرحومة
اللي بوقت الشدايد ماتهيالي=ماهوب من قومي ولانيب من قومة[/poem]

إنهم هكذا .. لأنهم ... لاشيء..!