صوت وصدى بين علي أبوثنتين ونواف الشيباني

أعضاء منتديات الكرام الاعزاء أقدم لكم هذه المراسله بيني وبين الشاعر نواف الشيباني ،،، فقد اسند علي الزميل نواف الشيباني يوم أمس قصيده وقمة بالرد عليها هذا اليوم ،،، وانقلها لكم وأمل أن تحوز على إعجاكم ،،،


ياراكب اللي تو جاء تصديره=صنعة يهود(ن)يشربون البيره

جيب(ن)جديد(ن)مامشى عداده=مادارت اكفرته ولا تدويره

اليا وقف مثل البعير الواقف=ودك تشوفه دايم(ن)وتديره

وان دق سلفه قلت ياماشا الله=اليا اشتغل تعجبك دورة سيره

واليا نحرته كنه الاصيله=اللي على العدوان جات مغيره

واليا قفيته كنه الشيهانه=في خايع(ن)مخضر يحلق طيره

من الهميج الصبح يسرح بدري=اليا اهتنى الهلباج بالتصفيره

واليا استوى الخط انهمه ثم تله= ادراه ذنب وتلته تكفيره

خله مع المشوار ياخذ سجه=يطوي المسافة من صفاوة قيره

ثم نحره دار الوفاء والهيبه=ياديرة(ن)ياحيها من ديره

هذي عفيف وحبها باعماقي=اللي غلاها ماانهدم تعميره

وعده على اللي فالمواقف ثابت=راع الوفاء طيب النباء والسيره

الشاعر اللي يعجبك باامثاله=يصخر القيفان من تصخيره

قرم(ن)على وقت الشدايد وافي=لطيب والماجوب شب النيره

تلقاه في بيته ليامن جيبه=يضحك حجاجه والسعد تبشيره

وان قيل من هو قلت راع الفزعه=علي العطاوي ياعرب ماغيره

من عزوة(ن)وقت اللقاء لطامه=اتقنع اوجوه العداء بالعيره

آلاد روق امزبنين الجاني=اهل الشهامه محتمين الجيره

عطه الرساله واشرح اله الدعوى=العلم صعب وفي يده تفسيره

قله ترا نواف حاله قاضي=يشكي عليك الحال من تقصيره

حالي قضى عقب الهنوف الطرقا=بنت الدلع وام الدلع وأميره

ان جيت اجيها ماقدرت أجيها=جرف(ن)وراه مهايل(ن)دحديره

أخشى من النمام وأخشى نمه=اللي ورى العربان ينقر زيره

عيني بعدها ياعلي سهرانه=والراس شايب من كثر تفكيره

واليوم انا ناصيك وابغي شورك=نواف جاك ومن عليك اتشيره

نواف الشيباني

وهذا ردي على المبدع نواف ،،،،



يا راكب اللي ما تزعزع سيره
ما ينشرى بجنيه والا ليره
ملااكه أمن أهل الريال النايم
شرايت السلعه بلا تسعيره
لكزس مديل الفين عقب العشره
من ورده تفنن بتطويره
اليا وقف تقول وقفة حاكم
واقف بعد ما أوحى كلام يثيره
واليا نحرته قلت كنه جادل
يا الله لا تجيب الها التكديره
واليا قفيته قلت شيخ(ن)خاشع
ودك معاه تردد التكبير ه
واليا نهمته وأحترك ماطوره
فالارض فز وزود التغبيره
ما كنه الا كوكب(ن)متحرك
كل من يشوفه يرغب بتصويره
واليا مسكله خط كنه طلقه
إيزود في نفس العذول الغيره
واليا أعترض كنه غزال(ن) شارد
من عقب ثارت يمه التثويره
ممشاه من داورد وقت الجهمه
قبل طلوع الضوء والتنويره
أمنحره دار(ن) غلاها زايد
دار الا مشيب طيبين السيره
أهل الكرم والطيب وأهل النخوه
قبيلت(ن)عبر الزمان اشهيره
وإن جيتهم دور ولد عبدالله
الصاحب اللي ما نقص تقديره
نواف واليا من لقيته قله
يهديك أبوثنتين في تقريره
سلام(ن) أحلى من حليب الوضحى
مثل العسل لامن مزج بالشيره
ومن عقبها لنكان وقتك جاير
وأرسلت تبغاء راي(ن) الك اشيره
يا مرحبا بخطن لفى مضمونه
يشكي علي من الوله والحيره
إن كان يا نواف تبغاء شوري
أنسه ترى النسيان يمكن خيره
قبلك مشينا فالهوء ودروبه
ولا فادنا الا زود التحسيره
أصبحت من فرقاه في غيبوبه
وعيني بعد ما غاب دوم سهيره
زادت جروح الشوق عقب الفرقا
ولا كني الا بحالت التخديره
وجرح المشاعر لو تذوق طعونه
معاد يقنعك الغلا وتبريره
وأن طعتني جنب مدامك بادي
قدم الهوء تاقع بجمت بيره
ما من ورى طرد العذارى مكسب
هذا جوابي ومحتوى تعبيره

علي أبوثنتين

صوت وصدى
( غاية ) في الإبداع

تقديري لكما

صحّ لسانك ولسانه

إبدآع وحضور رائع

سلمتوا ولا هنتوا


تحياتي