وشـ (( لونك )) .. ؟؟

:
:

وهذي هي ماجنتها عليكم اختيارتكم :
الانطباعات مكتوبه قبل وليس لها علاقه بالاسماء ..
فقط لمد روح الدعابة والمرح ..
نبي تقسيم على هالورطاااااااااااااااااااااات :

( 1 )
ابيض - عبدالله الزراقي :

كسول ..
يكره الدراسه .. ولد نعمه عنده 10 سيارات .. ثنتين حقيقيات والباقيات لعب كانت عنده وهو صغير .. !!
يحب السفر بالطايرة ..
ولانه يحب السفر يحب يشتري بدل .. لذا عنده 10 بدل فاقد .. !!
يخاف من الظلام لذا مايرقد الا والنور والع ..
احب الاسماء النسائية عنده (( نوره )) والرجاليه نور .. !!

××

( 2 )
اسود - فهد القحطاني :

متفاني في عمله ..
يسمونه (( الدافور )) .. فيه شوية صلع .. يشرب القهوة التركيه بشراهه ..
يحب النظام ولايحب النوم في السياره وهو مسافر ..
يقول له ولد عم يشبهه .. بس هو مايشبه ولد عمه ..
يخاف من (( الأصنصيرات )) ويدبل كبده طلوع الدرج .. !!

××

( 3 )
احمر - النيره :
عصبي ..
يحب الجلاكسي والتويكس ..
متين شوي .. ومايحب يغامر كثير ..
يتابع الكوره .. ويخاف من الهجمات المرتده .. !!
ذوقه عالي ومايحب مزح اليد ..
عنده (( قاعدة )) ان اللي ماعنده حظ ماتقوم لطموحاته (( قائمة )) .. !!

××

( 4 )
أخضر - محمد بن عون :
حياوي القطو ياكل عشاه ..
نحيف نوعاً ما .. يكره الأماكن المزحومه لانه يجيه مواقف محرجه فيها ..
مايأكل بشراهه ويحب الشبس والببسي .. يحب الملابس الفاتحه لانه يكره الغموض ..
مايحب تقول : بعدين اعلمك .. !! وفي وظيفة راتبها محدود .. !!

××

( 5 )
ازرق - متعب الشيباني :
نكتة تمشي على الأرض ..
همه بس يضحك .. قصير القامة ..
طبعاً أحب الألوان عنده الأزرق لانه هلالي متعصب .. !!
سقط سنتين في حياته كلها في رابعه ابتدائي .. أذا طاح مايتعور ..
قلنا لانة قريب من الارض ..
يعني ما هو طويل .. يحب البر ويخاف من الشاحنات .. !!

××

( 6 )
اصفر - صالح سبهان :
بكاش .. ويحب الأفلام ..
ويحب قراءة القصص البوليسية ..
يتمنى انه (( نجار )) لانه يعشق الخشب ويحب التفنن فيه ..
دايم يراجع المستشفى لان عنده مثل الوسوسة ..
يخااااااااااااااااااف من الأمراض خصوصاً اللي يذكرها احد عنده .. !!

××

( 7 )
بني - محمد بن رشيد :
يحب الدراهم .. وأحب الاسماء الرجاليه (( دريهم )) ..
يكره السفر لان فيه خساير .. ويموت في (( العزايم )) بشرط يكون هو الضيف ..
يتفق مع كل الأمزجه عشان مايشغل نفسه ..
الى هالحين مايعرف معنى (( تي شرت )) ..
يتابع (( برشلونه )) ومتعصب له وأذا خسر نتف شعرة واذا كسب نتف اللي حولة .. !!

××

( 8 )
برتقالي - مصلح بن نميان :
نحيل .. طويل .. طيب القلب .. لكنه متردد ..
يعيش في (( الحاضر )) خايف من (( المستقبل )) .. !!
يتثاوب كثير .. وده يلعب في المراجيح ومحرجه طوله ..
وله عاده غريبه في النوم .. لانه يحط المخده على راسه وهو نايم ..
يعجبه صوت المكنسة الكهربائية ..
حالته الماديه مهيب اللي .. يحب البلاي ستيشن وعجز يشتريها .. !!

××

( 9 )
ليموني - محمد بن مصوي :
مصلحجي .. يؤمن بأن الغاية (( تبرّك )) الوسيلة .. مهوب تبررها بس ..
أحب اقاربه يحب عشان اسمه (( مصلح )) ويعمل في (( مصلحة )) الجمارك ..
يحب يسافر بس مهوب على حسابه ..
غير مقتنع بالرياضة .. يحب (( الغزل )) .. بس الغزل .. ما يحبه .. !!

××

( 10 )
رصاصي - عبدالله حنيف :
كشيّخ .. يحب يكشخ .. يحب الأكل .. مديون .. !!
يشجع المنتخب .. ويتابع ريال مدريد .. !! .. من باب الكشخه طبعاً .. !!
في رأسه "فلقه" قديمة .. هو اللي فالق نفسه محد فلقه .. !!
جامعي ويدور وظيفة .. !! ويتلزق بالمشاهير ..
أحب الأسماء عنده (( فرج )) .. !!

××

( 11 )
وردي - دارين :
يقول انه رومنسي .. يحب يقنص الضبان ..
ويعرف يطبخها (( مسلوقه )) ..
ما عنده جواز سفر ودائم يتكلم عن فرنسا .. !!
يحب يسمع لـ سلامه العبد الله وعدويه وأحياناً فيروز إذا تنرفز .. !!
يحب يتمشى فالمستشفيات .. يقول عندة - أرق مزمن - مع أنة ينام الساعة 10

××

( 12 )
زهري - محمد صالح العتيبي :
يهوى ركوب الخيل .. رغم انه ما سبق وشافها ..
عشان كذا يعشق أغاني (( جواد )) عشان اسمه ما هو عشان صوته ..
ويحب (( اصيل )) عشان صوته .. تعجبه ألحان راشد (( الفارس )) .. !!
يعشق المسلسلات البدوية ويحب بطلاتها من جد ويبكي اذا جت الحلقه الأخيره .. !!

××

( 13 )
موف - عيسى الشاطري :
انطوائي .. يموت في المسلسلات المكسيكية .. يلقبونه بفرناندو الصامت ..
احساسه مرهف يكتب الشعر ويستحي يقوله .. !!
ويحب تربية القطاوه البيض فقط .. لانه يكره اي شي اسود .. !!
يحب الروايات الرومانسية ويبكي احياناً وهو يقرأ لانه يتأثر بسرعه ..
احب الاسماء عنده فريد .. !!

××

( 14 )
بنفسجي - مخايل :
ثرثار .. ما يسكت حتى وهو نائم .. وكثير التفكير ..
يعشق (( ميسي )) ومتعصب لـ أنترميلان .. !!
يعشق الكبسه بجنووووووووووووووون .. وهي متضايقة منه ..
يكره (( احلام )) اليقظه .. لانه يصدم دايم بـ (( كوابيس )) الواقع ..
عشان كذا يكره اغاني أحلام .. ويحب اغاني (( نوال )) .. !!

××

( 15 )
بيج - نياف العضياني :
مهايطي .. يحب الأسواق والسفر ويعلن اعجابه برامي عياش وهو فالسر يعشق (( خالد الملا )) ..
يموت في الأرقام المميزة عشان كذا طلب يخفضون من راتبه ميتين وخمسة وأربعين ريال عشان يصير راتبه - 5555 - .. !!
فتح له محل هدايا عشان يقنع اصدقاه انه مولود في عيد (( الحب )) ..
فيه (( مرارة )) ويقول خايف اشيلها ويجيني (( سكر )) من حلاي .. !!

××

( 16 )
رمادي - محمد السبيعي :
منحوس .. من وين ما طقها عوجاء ..
قاعدته في الحياة - يجي لها يوم وتلقح -
له تقليعات غريبة يعني ممكن يصب شاهي على الرز ويأكله ..
يقول عن نفسه من كثر التفكير (( ضرب )) مخي .. و (( بكيت )) .. !!
يحب الاسماء الأنجليزيه .. يتابع الأفلام المترجمه ولايستوعب قصصها .. !!

××

( 17 )
زيتي - محمد بلال :
شررري وراعي مشاكل ..
هوايته جمع الطوابع والمراسلة .. يحب السباحة ضد التيار ..
عاطل بعد ان طرد من اكثر من وظيفة ..
يحب الجموس الحمر .. يخاف من (( الأبرة )) وبواردي (( نظل )) ..
يعني عوينته حااااااااااااااااااااااااااره .. !!

××

( 18 )
ذهبي - ياسر العتيبي :
خدوم .. نشيط ..
يلبس نظارة طبية ..
وسيارته كريسيدا من كثر النشاط اللي فيه ممكن يسوى ثلاث شغلات وهو جالس ..
يحب الايسكريم ويكره العسكريم .. !!
لان الايسكريم من مكائن المحلات والعسكريم من (( تبريد )) البساطات .. !!
يقرأ جميع الجرائد ويحب (( التنظير )) .. !!

××

( 19 )
فضي - سنجار :
محظوظ جداً ..
اموره سالكه رغم انه فوضوي ولعاب ونصاب يحب متابعة مصارعة الثيران ..
والبرامج الوثائقية .. يكره قناة الجزيرة والعربية لانه يبغض السياسه ..
يتمنى يكون عنده منتجع في شرم (( الشيخ )) والا برطم (( الراعي )) .. بس منتجع .. !!

××

( 20 )
سماوي - عايض النفيعي :
متأفف .. ناقم دائمـاً يردد : أأه .. ويا قهرررري .. قهرااااه..
مايعجبة العجب ..
ولا عصير العنب.. يحب الورود الذابلة .. أحياناً يستلذ بدهس الاشواك .. حافياً .. !!
في طفولته كان يجري على الجدران بسرعه هائله ..
كان متفوق في دراسته وهالحين ماعنده عمل ..
يحب مسرحيات عادل (( أمام )) وقصائد (( خلف )) بن هذال .. !!

××

( 21 )
عشبي - ناصر الشيباني :
فهلوي ..
يلعب بالبيضـة والحــجر.. قلبــة حجــر وقاسي ..
لا يعترف بالعواطف .. أنتهـازي .. قاعدتة - تغد باللي قدامك قبل يتعشى بك -
ودايم يزرفونه في (( الفطور )) ..
وده يشتغل في (( العقار )) لكنه عجز لذا كل ماشاف عماره قال : ليتها لي .. !!

××

( 22 )
عنابي - فارس بن مرداس :
خفيف الظل ..
ثقيل الوزن .. سريع البديهة وسريع الذوبان مع الناس ..
على قولة اللبنانين مهدوم كثير .. حاول يغازل وفشل ..
عشان الشكل والسيارة ما تجمل (( فتيت )) بلوت ...
ويحب بنت الهاص .. وهي مترددة ..
في اربع (( كوايا )) في علباه .. ويقول : هي اللي مخربه وسامتي .. !!

××

( 23 )
تفاحي - خالد السيحاني :
مطفوق .. وعجل جداً .. ودائم يجيب العيد ..
وأن ما جاب العيد جاب (( الطعه )) .. تعرض لصدمه عاطفيه سببت عنده التماس ..
ياكل اظافره يخاف من شي ما يدري وش هو .. !!
عنده عقده من (( الملاهي )) والقصاصيب ..
يكتب خواطر تكسر (( الخاطر )) .. !!

××

( 24 )
خاكي - طالا الجميلي :
متجهم .. عبوس .. ما يضحك ..
ضحك مرة وصاروا يؤرخون بها يقولون سنة يضحك (( فلان )) .. !!
يكره كل شي دائري لان الأرض (( كره )) والدنيا تدور ..
يكره ان تقول له نكت .. !!
تزوج وطلّق .. ولايفكر في الزواج عشان مايعصب .. !!

××

( 25 )
قرمزي - عبدالرحمن حمد العتيبي :
قلبه فضيخ .. ليس له قضية محددة فالحياة رغم انه حريص على تحديد سكسوكته ..
لماح .. وملكع.. يعمل في حرس (( الحدود )) .. وغير حاد في أراءة .. !!
يلعب كرة القدم بشكل مميز .. يحب الأتحاد بس وده يسجل في الهلال .. !!

××

( 26 )
فوشي - ريمانا :
راعي مقالب من الطراز الأول ..
وأحياناً هو ضحية مقالبه .. !! يسمع لعبد الحليم فالليل ..
أما فالنهار فعزازي وبس .. !!
أحياناً يهايط .. يكره انه يكون في غرفه بابها مسكر نتيجة عقده سابقه ..
يعمل مدرس تربية فنية .. !!

××

( 27 )
كحلي - محمد السواط :
متوازن نفسياً .. رزين .. ثقيل .. في كلامه أنيق في لبسه ..
مشكلته انه كل ما قالوا له : كيف الحال .. ؟! جلس يضحك بشكل هستيري ..
يلبس نظاره من باب الكشخه فقط ..
يحب الالوان الصارخه .. واحب الاسماء عنده (( هادي )) ..
يعمل على بند الاجور .. !!

××

( 28 )
لؤلؤي - ناصر تراحيب :
يقولون عنه : انه منسم صوته جهوري .. اناقته كيف الحال ..
يحب الأكل بشراهة منحوس شوووي ..
عزوبي .. يكره الزواج .. والزواج يبادله نفس الشعور ..
حاول يجرب (( الحب )) لقاه مالح فهرب منه لأن معه (( ضغط )) .. !!
وضعه المادي (( زين )) ورقم جواله من (( موبايلي )) .. !!

××

( 29 )
سكري - عفاس بن حرباش :
طويل القامة .. عريض المنكبين ..
عسكري برتبه عريف .. يحب هالرتبه لانه كان (( عريف )) الفصل أيام الدراسة ..
أحب الأسماء عنده (( فراس )) .. يقول طرا في راسي وحبيته ..
مدمن مكاشيت البر يهيجن بأغاني (( نانسي عجرم )) فقط .. !!
ويحب اغانيها لان اسم ابوها على اسم خاله (( صنت )) .. !!

××

( 30 )
فيروزي - سداح :
ودود .. لطيف .. يحب الورود ..
(( دقيق )) في مواعيده عشان كذا يموت فـ (( المعجنات )) وعنده ساعتين غير ساعة الجوال ..
عشان يآمن لدغة عقارب الساعة فالتاريخ يكره شخصية (( عرقوب )) يحب البحر لانه كل ما جاه لقاه ..
واحب البرامج عنده الأخبار لأنها تجي بوقتها بالتمام .. !!
لايحب انه يتزوج (( ثانيه )) .. !!

للزميلات المرقابيات :
فقط اقلبن صيغة المذكر الى مؤنث فيما يخصكن .. !!