مرثية .!

مرثية في وفاة الشيخ/ مسلط بن سلطان بن مصوي(أبو خشمان).....


وفي وفاة الشيخ/ عائض بن عوض بن مصوي(أبو فهد)....


والذي لم تفصل بين وفاتهم سوى اسبوع واحد.....


تغمدهم الله بواسع رحمته......

[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]



الله من عيـن" كراهـا حربهـا=والله من قلب" بدنيا الشقـا هـام
العين عمست والرمد فـي هدبهـا=والقلب قامت تصطفق فيه الاوهام
ياللي تقول النار زيـدوا حطبهـا=النار غير النار لـو ضوهـا قـام
ماكل نار" يصتلـي مـن قربهـا=ولاكل طير" بالفضا لابغى حـام
النار راح اللـي يولـع شهبهـا=مع كل بادي فجر والعالـم نيـام
كم حزمة" يرمي بها فـي لهبهـا=ناره توهجر دوم في كـل الايـام
كم دلة" بالصبح ضيفـه شربهـا=وكم جلسة" فالصبح عنده للاكرام
في مجلسه تلقى النشامـى طلبهـا=لين جنـاب وفالمواجيـب همـام
كم حايل" يزمي عليهـا عصبهـا=للضيف والخطار يبدي بها شمـام
بدسم الصحن لقب وفعله غلبهـا=ريف الطراقي والهجافا والايتـام
نفسه على فعل الجمايـل وهبهـا=تشهد له الجيران والخاص والعـام
هذاك ابو خشمان مطلق نشبهـا=اللي على وضح النقا ودين الاسلام
أقفـى وخلاهـا وخـلا تعبهـا=يومنها وقفت ووقـف" الاقـلام
وخطل اليمين اللي يده ماقضبهـا=ابو فهـد هـداج الايـام عـزام
راعي هـلا يامرحبـا محتسبهـا=للضيف والعاني وفي ربعه حـزام
اليا وقف فـا لازمـه ماعقبهـا=منصى الرجال وفالمواقيف ضرغام
كم من حمول" شالهـا ماحسبهـا=وكم من صعيبه حط في زقمها لجام
أقفت بهم دنيا" مقـف" ركبهـا=وحنا عليهم مثل طرش" سرا حيام
ياوجد حالـي يالبيـوت وعربهـا=وياوجد روحي يامداهيل الأحشام
وياحيف يادنيا" كثيـر" عجبهـا=تقفى على كل البيارق والاعـلام
كم لحية" تومي بها مـع شنبهـا=ماتاخذ الا كل طيـب وجـزام
يالله يامرجـي النفـوس لسببهـا=وأنت الذي عن غيب الايام علام
تغفر لهم كل الذنـوب وكربهـا=وتدمح لهم كل الخطايـا والاثـام
وتظلهم في رحمتـك وبسحبهـا=يالغافر الرحمن يامجـر الأحكـام
وايمانهم تجعـل كتبهـم نصبهـا=وقبورهم روضه ونـورك بهـا دام
واسكنهم بجنـات خلـد" تهبهـا=للي بفضلك فاز وبعفـوك التـام
النفس ياخشمان عافـت طربهـا=ماعاد يهناها مشاريـه وأحـلام
والعاده اللي راح من هو جلبهـا=لاتندثر يامسندي عوق الاخصـام
حيث انها معروفة" مـن كسبهـا=ولاغيرك أحد" يحتميها ليـا قـام
مثلك يميز فضهـا مـن ذهبهـا=ساسك عريب وللمهمات مقـدام
واختامها اعـداد ماثمـر عنبهـا=واعداد ماتذري الهبايب والانسـام
صلوا على اللي بالرسالـه ندبهـا=شفيعنا يوم الحشـر خيـر الانـام [/poem]




الشاعر/
عثمان تركي بن مصوي

اللهم صلي وسلم على محمد...

ونعم بالكرام ان حل ذكرهم

نسئل الله ان يرحمهم ويرحم موتى المسلمين

هالقصيده يامحمد من روائع المراثي اللي قريتها في السنين الاخيره


سلمت على النقل يامحمد والله يرحم موتى المسلمين

شعور صادق

وابداع شاعر متمكن

رحم الله الاموات

محمد شكرا للنقل .

رحمة الله عليهم جميعااااا

نص معبر يعلم الله ومؤلم ,,,,,,,

ابو ليان شكرا جزيلا يا باشه

عليه الصلاة والسلام

الله يرحمهم ويغفر لهم

لا هنت على نقل القصيدة يا محمد

عمر عبدالرحمن


هلا بك .. وشكرا لمرورك


تقديري

الله يرحم من مات ويطول من بقى

شعورصادق

وعذب

ولاهنت

ياخوي محمد