(*(( شاعر الملك ))*)

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الشعر وهبه ، والمشاعر دَين ، والشاعر شعور = وانا ، لي اكثرمن ثلاث ايام ادربي في رزاح
غصّاب ياالماقف ، وانا دمي على الجزله يفور = والفكر محرمني بنات الفكر ، وكفوفه شحاح
والهاجس ، ان كبرت عليه ثيابه ..قصيّر شبور = خصاً ليا كانت خيوطه حُب ، وقماشه براح
والصدر ، جنّه من وطن عملاق ، والاوراق بور = والقلب ، لاهبت رياح الكايده ..ريشة جناح
والسالفه ، هيبة ملك حوله من الاظلاع سور = مالت له القمرا ، وغنّت له عصافير الصباح
وشلون اعبّر ؟ والمحبة جمر واحساسي بخور =واحساسنا ، بعضه حرام يلامس الهرج المباح
كنّ القصيده صيدة الصياد ، وحروفه طيور = وكنّي مثل من يسحب الغيمه ..من يدين الرياح
تفدى هدب عين الوطن ..روحي ، وانا كلي قصور = في ظل ابو متعب ، تحت راية بلال بن رباح
في غيبته ، كن الحياه الموت ، والاحيا قبور = وكن السعاده حزن ، والدنيا لياليها جراح
كلٍ فقده ، الناس والاجناس والما والزهور = وكلٍ دعى له بالشفا والعافيه.. من يوم راح
والحمد لله عوّد ، وغنت له الدنيا : طهور = لنّه ملك ..ماهو ملك تاج ودنانير ووشاح
ملك ملك .. في هيبته حكمه ، وفي حكمته نور = تجلى الظلام ، وتسقي الترياق للسمّ الذحاح
ملك ملك .. تواضعه كسّر مجاديف الغرور = والطيب ياصل بك هدف ..ماتاصله روس الرماح
ملك ملك .. يزرع نخل خيراته ، ويجني صدور = ويعلّمك معنى .. التسامح والوفا والارتياح
ملك ملك .. ربه يحبه ، والمحبه ما تبور = والله ليا من حب شخص .. يورّده جمٍّ قراح
اي والله احبه ، واجلّه ، واتغنى به فخور = سيف العرب ، درع الجزيره ، منية الخود الملاح
راع السلام ، مبرّك العدوان ، جبّار العثور = زبن المجنّى ، قايد التطوير ، ربان النجاح
خادم بيوت الله ، نصير الدين ، حلال الامور = واكبر عدو .. للفقر ودموع اليتامى والنياح
مااقول غير الله يطول عمر ابو متعب ..دهور = باسمي ، نيابه عن جميع اهل المعاليق الصحاح
والشعر وهبه ، والمشاعر دين ، والشاعر شعور = ليته ليا ماعبّره ، ريّح قصيده واستراح
[/poem]

،



مافي طول الكلام وقصره فايده .. وسلامتك .!
إلا إني أقول الله يطول عمر ابو متعب لنا ولكم
وجعل لسانك ما ينشب في جماك . وكفى .!

لله درك
لله درك


أخوك

الله الله الله


فارقه .. يا صباح الشعر .

فيصل السواط


اجزلت وابدعت

واطال الله عمر ابو متعب

وصح الله لساااانك وجااااد بياااانك

دمت بخير

المشاركة الأصلية كتبت بواسطة فراج القرقاح

،



مافي طول الكلام وقصره فايده .. وسلامتك .!
إلا إني أقول الله يطول عمر ابو متعب لنا ولكم
وجعل لسانك ما ينشب في جماك . وكفى .!

لله درك
لله درك


أخوك

اخوي فراج اشكرك على تعليقك
والله يحفظ حكام الخليج والخليج أجمع واهله ، وكفانا الله شر الفتن


دم تا / بخير

محمد

كنت انت شمس الصباح المشرقة ،
التي اضفت على المتصفح الكثير من الألق والنقاء


دم تا / بخير

المشاركة الأصلية كتبت بواسطة كديميس السيحاني

فيصل السواط


اجزلت وابدعت

واطال الله عمر ابو متعب

وصح الله لساااانك وجااااد بياااانك

دمت بخير

اخي القدير والشاعر الجميل كديميس السيحاني

شكراً لك الحضور والتعليق

وحفظ الله خادم الحرمين والوطن والشعب فرداً فرداً


دم تا / بخير

الله الله الله علييييييك يا فيصل والله انها متوشحه الجمال من اولها الى اخرها
مبدع مبدع الله لا يضرك

فيصل .. صح لسانك

انت شاعر ... والملك يستاهل بكل تأكيد ...

ملاحظة:

بالنسبة للتوقيع .:

إذا المرء لا يرعاك إلا تكلفا ...

ليست للمتنبي على ما اظن ........ بل للإمام الشافعي .. والله أعلم

حبيت اصحح المعلومة ... ولك تحياتي

فيصل السواط [ انا من متابعينك ] من قبل اسجـّل ، فـ المنتدى وابدأ بالمشاركه ومن المعجبين بـما تكتب

وافتخر إني اعبّر عن رايي بـ قصيده من قصايدك ، لذلك صح لسانك .. مدد بلا عدد

ولآهنت على القصيده الجزلَه ، وعسى فالك التوفيــــــــق

اخوك / ضيف الله العـالي ،

حجز مادري كم .. بس حجز يا ابو عبدالله

:



الله الله الله الله
الله الله الله الله

اولاً .. نوّرت بعد هـ الغياب المر
على قلوب محبيك و معجبيك و متابعيك وانا اولهم : )

ثانياً .. لـ الشعر معك حضور مختلف ..
نادر ان نرى مثل هذا الابداع في غرض .. رسمي !
شاعر .. تحترم الشعر لـ انك منه و فيه ،
فـ تجبر كل مهتم بالشعر على إحترامك !



لله درك يا بو عبدالله لله درك !

لله درّك يا بوريما

مبدع و ( شاعر ملك ) ممتعه وفوق الوصف والاشاده

صح لسانك والله يطول بعمر أبومتعب ويديم عليه العافيه



محبه وتحيه من القلب

السواط

انت تحضر

والشعر يحضر معك

لله درك

والهاجس ، ان كبرت عليه ثيابه ..قصيّر شبـور
خصاً ليا كانت خيوطـه حُـب ، وقماشـه بـراح

والصدر ، جنّه من وطن عملاق ، والاوراق بـور
والقلب ، لاهبت ريـاح الكايـده ..ريشـة جنـاح

والسالفه ، هيبة ملك حوله مـن الاظـلاع سـور
مالت له القمرا ، وغنّت لـه عصافيـر الصبـاح

وشلون اعبّر ؟ والمحبة جمر واحساسـي بخـور
واحساسنا ، بعضه حرام يلامس الهـرج المبـاح

كنّ القصيده صيـدة الصيـاد ، وحروفـه طيـور
وكنّي مثل من يسحب الغيمه ..من يديـن الريـاح

تفدى هدب عين الوطن ..روحي ، وانا كلي قصور
في ظل ابو متعب ، تحت راية بـلال بـن ربـاح

في غيبته ، كن الحياه المـوت ، والاحيـا قبـور
وكن السعـاده حـزن ، والدنيـا لياليهـا جـراح

فيصل السواط

لن أقول للإبداع هنا بصمات بل له روح وذات

وصولات و جولات

صح لسانك ملايييين

تحياتي لك

فيصل الصواط

صح لسآآآآنك مــدد مــدد .. ولاهنت

والله أنّها فارقه والحالها والي مجمّلها انها في حبيب الشعب الله يحفظه

لله درّك وبس

تحيتي

وشلون اعبّر ؟ والمحبة جمر واحساسـي بخـور
واحساسنا ، بعضه حرام يلامس الهـرج المبـاح

كنّ القصيده صيـدة الصيـاد ، وحروفـه طيـور
وكنّي مثل من يسحب الغيمه ..من يديـن الريـاح

ماجيت هنا علشان أقول صح لسانك
أنا هنا لأستفيد منك وأقول صح لسانك ومتابعتي وإعجابي
من زمان

تقديري لكلك

غير غير الله لا يضرك يا السواط


جعلك ما تلجم وصح الله لسانك ولا هنت

الشاعر :المميز فيصل السواط
باسقة لها ريح العطر وأنفاس المطر
يعطيك الف عافية على هذا التجلي الغير مستغرب من قامة شعرية بحجمك
دمت بود

الله أكبر ، الله أكبر

ما شاء الله تبارك الرحمن يا أبو عبدالله
قصيده غير القصايد كلّها ..

تجبر القارئ على الدخول في جوّها وشعور شاعرها ..
مدري وش أقول بصراحه

لكن الأكيد إن القصيده هذي تتحدى .. وهي بمثابة التصريح ناري

لله درّك

والله يوفقك يا أبو عبدالله وإلى الأمام إن شاء الله

الإعجاب لا يخفاك ولكن أنا هنا للفائده والمتعه

شاعر كبير
وقصيدة بحجم شاعرها
وكتبت في شخصيه كبيره
صح لسانك يافيصل مدد.

الله الله


انت شاعر غير يافيصل الله لايضرك


اشهد بالله انها قصيده جباره من اولها لين اخرها


تمنياتي لك التوفيق


تحياتي