ܓܨ[ تلويحات !! ]ܓܨ

[poem=font="Traditional Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اضمر لك الخير وانت البعد تضمر لي=ناوي على ويش ولا ويش بي ناوي !
ما جيت ادورك جيت ابغى تدور لي=على ضميرٍ من شعور الوفاء راوي
يا كاسر الحكي صمتك لا يعبر لي=عن جرحك اللي جديد وماله مداوي
مليت اداري غلاك اللي يفسر لي=البعد من ود لو الشوق ما ياوي
واللي على شاشة افكاري تصور لي=انك على الكبر لا قادر ولا قاوي
من راحة البال ناولني ومرر لي=الحب ما يعرف هلالي ونصراوي !
[/poem]

[poem=font="Traditional Arabic,5,firebrick,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
نزف القلم يعكس مدى نزف الشعور=يا أهل الشعور الحي وش حال القلم
ما عاد يكتب له سنين وله شهور=قاف الامل يشكى . طغى قاف الالم !
كثروا قليلين الادب بين السطور=رزوا لهم في داخل الساحه علم
تهبون يا شعّار من شان الظهور=دام الشعر من ما تسوون انظلم !
[/poem]

من الارشيف

[poem=font="Traditional Arabic,5,sienna,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
اي والله الا احيه واحوه واحاه=من جمرةٍ ورى الضلوع احرقتني
شبت على قلبي وجتبه من اقصاه=صديت عنها مير جات ونصتني
ياشبه ريميه عن الماء مذراه=شمت وسمعت قانص الصيد يتني
نارت بعد ثارت وجارت على شفاه=وانا منير مشابهتك انفعتني
ما يجعل الرجال يكشف خفاياه=الا مهاويلٍ جرت هولتني
يا عاذلي ماهي بالمال والجاه=انا صواديف الغرام صدفتني
وان قلت لي قلبك جويده عناياه=قلت البلا اللي بالغلا جودتني
وان قلت راسك قاسي الوقت قساه=قلت الليونه من قسى لينتني
وان قلت وش جابه لدربك ووداه=قلت الليالي فيه غصب جمعتني
يا ماحلا طرياه دايم وابوياه=ان كانها جمرة فراقه كوتني
لا وابري حالي من البعد برياه=شهب الليالي في بحرها رمتني
ما عاد تنفع ليت ليته وعزاه=مالي عذر من ليت لو ما اسعفتني
ياليت قلبي سالمٍ من هواياه=ما كل متنه .. مثل ما كل متني !
[/poem]

[ALIGN=CENTER][TABLETEXT="width:50%;background-color:silver;border:4px double silver;"][CELL="filter:;"][ALIGN=center]

الـــورد وكتــاب الامانـي وطاريـك
............. أجمـــل صبــاح يجيبكـم يا ثلاثه
شمسك تجيني مع جميع الشبابيك
............. تشرق على جدران قلبي واثاثه

.

[/ALIGN][/CELL][/TABLETEXT][/ALIGN]

[poem=font="Simplified Arabic,6,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الشعر تال الوقت معاد به خير=دام المهبل فالمحافل تلوكه
تشيله تحطه على غير تقدير=حتى تغير عن سلوكه سلوكه !
[/poem]

[shfaf2]http://t0.gstatic.com/images?q=tbn:ANd9GcRhdZzK3otkBzDr1ytJvFTFHlOxPuabK hewDRPa5C1oM15uEJmIXw[/shfaf2]

[poem=font="Traditional Arabic,5,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يا بيت الطين راحوا مابقى الا وارف ظلالك=تحت شمس العصر دقايقك تشبه ثوانيها
يا بيت الطين كانوا في ذراك وصرت بلحالك=يا بيت الطين سبحانه مميت الناس محييها
تحديت الظروف وحدتك وامسيت متهالك=وصرت العبره اللي سولف اولها لتاليها
هنا كان الزمن وقت الصبا اللي فات يهنالك=وهنا كانت مسافات الوفاء تصدق خطاويها
وهنا ما كانت الدنيا وغرتها على بالك=ولا كانت تفاصيل الردا تسند لك ايديها
هنا طهر القلوب اللي تغذى صادق وصالك=وهنا كم كانت الفرحه ولا كانت مأسيها
زمن راح وبقى منظر ولا ادري ويش يبقى لك=بعد صار التطور ينفض الذكرى ويطويها
على الله كلها دمعة حزينٍ جاء وغنا لك=على لحن الحزن يجدل من انفاسه لماضيها !

[/poem]

[poem=font="Traditional Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا زين يا مملوح يا فتنة الجيل=يا ابوالطغى على جميع الصبايا
ان جيت بين الناس كلك تفاصيل=وقامت تحوطك من جميع النحايا
سولف لحالك عن غسول الفناجيل=لا صار مالك في جمالك حلايا
أقبال نور ومن ورى مطلعه ليل=سبحان من ميزك بين البرايا
بعض الوجيه توسع الصدر بالحيل=وبعض الوجيه الله يعين المرايا !!
[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
الوقت هذي مقاديره وذا فعله=والناس فالوقت منهيه وماموره
بصم بأصابعك في طوعه ووقع له=وان طعتني شور لا تطلع على شوره
ماني بثبط عزومك واطفي الشعله=لا والله الا معك والنفس مسروره
اوجهك للطريق الصح واسرع له=الصدق دربه يضم العشب وزهوره
الطيّب يسود والرايات ترفع له=والخايب يدور دولابه 100 دوره
كم خايبٍ شلته دايم ترفعّ له=واليا ارتفع بعدها يبرك على زوره
وأن خيم الليل قم للقاف وابدع له=( متى يبين القمر واسري على نوره ! )
[/poem]

[poem=font="Traditional Arabic,6,gray,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الطيبين اللي تواصلهم يزودنا شرف=رسالة الجوال يعرفهم زرار ارسالها
حتى الرسايل تحفظ الاسماء الكبيره وتعرف=تحطها بلحال والاسماء الصغار لحالها !
[/poem]

[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
فكرت في كيف انهي اللي بديته من شعور=لقيت فالتفكير حاجه وحاجه ما لقيت
والحاجه اللي غايبه من سنين ومن شهور=هي سبة التفكير في كل شطر وكل بيت
الله يعين القلب .. ياللي على ولفه تجور=تدري عن اللي فيه حاصل وكنك ما دريت
لي فيه ودك وانت لك فيه تسجل الحضور=سجل حضورك كل ما جابك احساسك وجيت !
[/poem]

من حبه الله .. يسر أمره وعافاه
................ وحبب جميع الناس في شوف زوله
ومن أبغضه .. ياكبر همه وبلواه
................. يصعب على من يذكر الله قبوله !!

[poem=font="Simplified Arabic,5,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا ركن الاحباب خلوني ولا جوني=من ساعة الضيق لين الشوق وانفاسه
ياليتهم مثل ما اذكرهم يزوروني=ما كان قلبي شكى بالي وهوجاسه !
اموت في حبهم ما ادري يحبوني=والا يحبون بدع الشعر واحساسه
قلبي بلا ذنب وعيوني هي عيوني=ومشاعري من شعور البعد حسّاسه
اقول راحوا وانا في زحمة ضنوني=اجدل من العين بحر الدمع بالكاسه !
[/poem]

تواصل مع الاصدقاء في اكثر من مقطوعه قديمه :-

قبل فتره نمت بدري ولا صحيت الا الفجر
ولمى صحيت لقيت اكثر من اتصال في الجوال فكانت هذه البيتين :

[poem=font="Traditional Arabic,4,gray,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
العذر منكم واعذروني يالربع=ياللي غلاكم فالضماير منبعه
البارحه راقد من الساعه سبع=ولا صحيت الا على حدود اربعه !
[/poem]

- احدى الزملا متواصل تواصله اما بالاتصال او بالرسائل :

[poem=font="Traditional Arabic,4,gray,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]

يبقى للاحباب ذكرى تبهج الخاطر=ما تنمحي لو ظروف الوقت تبعدنا
يا مرحبا يا هلا يا ذكرك العاطر=يالصاحب اللي على وصلك معودنا
يشبه تواصلك وصل الغيم بالماطر=والغيم يسعد عبادالله ويسعدنا !

[/poem]

- ومن باب التواصل كذلك :-

[poem=font="Traditional Arabic,4,gray,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
يسعد قلوب احبابنا الغالين=اللي لهم فالبال تلويحه
منزالهم فالقلب قبل العين=هم لا اظلم العالم مصابيحه !
[/poem]



+

[poem=font="Traditional Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياللي على عيوني تمر وتدرّق=القلب لحمه والمشاعر رقاقه
واللي بعد ما بنت كح وتشرّق=من روس قوم ووسط بوكه بطاقه
لد النظر فالوضع واحسب وبرّق=يمكن تحصلك من الورد باقه
لا تفجعه بموادعه والتفرق=يكفيه من وقته ما شافه وذاقه !
[/poem]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أن جابك الشوق بالله حب لي راسه=يستاهل الحب والتقدير لن جابك !
الوضع حساس مير القلب واحساسه=مصمم القلب تشقى به ويشقابك
وش حد الانسان ما يصبر على ناسه=الى هنا وانته اولابي وانا اولابك

[/poem]


خارج التغطيه


[poem=font="Simplified Arabic,4,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
معاد باقي معاك الا اقلب الطاسه=وانفز على طاقتك وانقز على بابك !
[/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
قربك من القلب من قربك من الخاطر=وبعدك العين مدري وش تواليّه
ادخل على القلب تلقى ذكرك العاطر=مسبب بمنتدى قلبي شلاليه !
تراك مثل السحاب ووصلك الماطر=يا ابرك نهار المطر وابرك لياليه
تعال يا ألذ وأحلى من لبن فاطر=وأغلى من أغلى الشركات الدواليه
تعال كثر العتب من غلطة الشاطر=وأجيك كثر الجماهير الهلاليه !
[/poem]

[poem=font="Traditional Arabic,5,gray,bold,normal" bkcolor="transparent" bkimage="" border="none,4,gray" type=2 line=0 align=left use=ex num="0,black""]
لو كان قلبك يشتكي قسوة البين=ما قلت لـأنصاف المعاذير صعبه
ياللي نزلت العين قدرك من العين=حاكم وصار الدمع فالعين شعبه
حققت رغبة عالمٍ لك موالين=وأقفيت ما حققت لي فيك رغبه !
[/poem]

[poem=font="Traditional Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""]
من مبتدى الضيق رحت وجيت من منتهاه=حسبي على الضيق طوّل ما بغى ينتهي
ياللي خذيت الحلا واخذت قلبي معاه=سولف على ما تبي واشر لمى تشتهي
عطني يدك لا يموت الرجل ما ادرك هواه=عن ود الانفاس والاحساس لا تلتهي !
[/poem]

[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

كل ما دقت هواجيسي=ارفع السبحه واوطيها
الذهب مصروف من كيسي=علم الفضه وراعيها
عادتي كسب النواميسي=يوم ولد اللاش يخطيها
ارفض وجيهٍ معابيسي=والوجيه البيض احييها
مير هبي يا نسانيسي=نعنبا الفرقى وطاريها
جات وضلوعي مقاويسي=وأنتحت بي مع نحاويها !!
[/poem]

[poem=font="Traditional Arabic,5,purple,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
هلاك تفرق عن هلا غيرك كثير=هلاك يوم تقولها يا زينها
كنك تمرر جوهره على حرير=وكن الحياة تمد لي كفينها
يا اندى زهر واحلى عسل وازكى عبير=يا فل هالدنيا ويا يسمينها
وقتي معك دايم ولو طوّل قصير=واوقات غيرك كم طويلٍ حينها !
[/poem]

[poem=font="Simplified Arabic,4,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شوفتك عندي غاليه وانت غالي=ولولا الغلا ما شفت للعذر بيبان
الله يديم الوصل طول الليالي=اقولها فالحب من قلب ولسان !!
[/poem]

[poem=font="Traditional Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num=",black""]
اعلمك وافهمك واشرح لك الاوضاع=وتخطي وخطوة شيمتي عنك تمشي بي
سلامات يا وجه الرضى والطعون وساع=ليا قامت الذكرى تمرك وتسري بي
اقول الغلا لا مال غصنِ من النعناع=وادوّر دواليبك وتوقف دواليبي
تعلمت ما ارسم فوق وجه الشعور قناع=ولا اخون تربيتي ولا اخون تأديبي
اهش بهواجيسي على بسمة المرباع=لو اني لقيت الصبر في عاتق الذيبي
ولا همني لو صار دربي عليه سباع=عيون السباع ادقها بالمناسيبي
خلقت الكريم اللي خذا مد واعطا صاع=ماهو فضل مني فضل من عالم الغيبي
ترى الحب ماهو ضحك ساعه وطق اصباع=ولا ادمح عذاريبك وتدمح عذاريبي
ترى الحب نقش الشوق في رابع الاضلاع=بعيدٍ عن التسويف والشك والريبي
وانا والله اني كل ما غبت صبري ماع=يوايق علي الهم واحضر واغيبي
ادورك واوافق عليك انت بالاجماع=ويجرحني اللي جارح الشارع الليبي !
[/poem]