... الديوان الصوتي الثالث لـــــ سداح ...

الف الف مبروك
والله يسعدك على هذا الخبر يا نواف

وتمنياتي بالتوفيق لشاعرنا القدير / سداح
وبخصوص مضمون الديوان فأرى أن تواقيعه الأخيرة تستحق التضمين بحق وحقيق

خبر عن مية خبر
لي عوده بـ اذن الله

ولي طلب واحد :
ناصر الشيباني يمتلك موهبة القاء عالميه
لازم يشارك .

وعلـيكم السلام ورحمة الله وبركآته

يآ مرحبآ ومسهلآ

خبر يبهـج النـفـس

عز الله اني كـنت أبي أرآسـلك بهالخصوص

الله يعـطيك آلف عآفـية ولآهنت

بس عندي طلب

البيتين اللي قصف بها الدعم الفني لآ تنزل في الديوآن هههههههههههه

بآذن الله ان لي رجعـة

وعلى كلآم الاخوآن ,, لو تم الاختيآر بشكل عشوآئي رآح يطلع الديوآن على أروع مآيكون

لآهنت نوآف

ياطيب عينك يانواف
أبك ايه تسثّر من هالعلوم العالميه

والتختور يستحق أكثر وأكثر ، وعنمّا تفويضه للمرقابيين
لتكوين مادّة الديوان الثالث فهو ليس بمستغرب على شخصه النبيل

فهو المؤسس الرئيسي للولاء المرقابي ..

تحيتي لك وله



الحقيقه كما ذكر الاخوه عندما تختار من الإبداع " السداحي " تحتار ،
وأظن أن أول من جمع بين الكثرة والجودة هذا الشاعر العملاق


لكن إذا لم تكن هذه القصيده في الديوان الثاني فأنا أقترح إدراجها في القادم

<- دليل على انه ماعاين في " أقرب جهاز "



هذا رابط القصيده اللي ماجاء زينها


http://www.montada.mergab.com/showthread.php?t=45201



...........

خبر عن اخبار العالم كله من عام التسعين الى الحين ..

اي بالله خلونا نطرب مع ابداع الدكتور .. يعلم الله مشتاقين لـ ديوانه الثالث والرابع والخامس ,,

ماعلى خير تخيير وزي ما قال ابو حوا الله يحفظه ان سداح استاذ الولاء المرقابي ,,

يبي لي اجرد تواقيع الاعضاء وملفه ونجيب باللي ييسره الله .. لو اني متاكد اني بانسخ الملف كله هنيا ..

ابو غرام : لو كان الوفاء انسان لاقسمت بـ الله غير حانث انه انت .. الله يحفظك للمرقاب ولنا يا صديقي

على كذا انت تبي تطبخنا حنا

والله انه صعب الاختيار لأن كل قصيده اجمل من الثانيه .

مشكور يا بو نايف

تقديري

•
قصآيد سدآح كلهآ روآئع ماشاءالله واحترت بالاختيآر
وانا على ذوقي اخترت هالقصيده :

(( هنــآ ))

والتوآقيع كل توقيع أحلى من الثآني ولانه الشرط مو اكثر من 3 ابيآت
اخترت هالتوقيعين :

(( 1 ))

لا خلا .. يا اغلى حبيب ولا عدم
لا عدمـت عيونـك و حجانهـا

واقف ٍ شوقي على ساق وقـدم
والمحبّـه ثابـت ٍ برهانـهـا

الجفيّـا مـا تجيـب الا النـدم
لا تعلّقنـى علـى بيبانـهـا !

(( 2 ))

أي والله .. أغار من عقدك وسلسالـك
مجنون مانيب صاحي يا الله الخيره !

مـرّن علـى عنقـك ولا مـرّ فــي بـالـك
أنّـي مـن أسبابهـن تذبحنـي الغـيـره

لا ينكسر خاطـري .. غطيّهـن بشالـك
كم خاطر ٍ لا أنكسر يا صعب تجبيره

بالتوفيق لـِ شاعرنآ الكبير " سدآح "
وبانتظآر الديوآن

شكراً يَ " نوآف "

موفقين ان شاءلله يا نواف

وعسا سداح من نجاح الى نجاح

لا عدمتكم كلكم

براحتكم لا تختارون شي

راح انتظركم لو يجلس الديوان سنة كاملة في اختيار القصايد


بالنسبة للي اختاروا حفظناها في الملف

معلومة مهمة : بعض التواقيع تعبر قصايد كاملة الدسم ونحتاجها وكل انسان وذوقه

والتواقيع القصيرة لحد 5 أبيات تمشي

صحيح الحبّ الأعمـى خالقـه ربـي بـدون عيـون
لكنّـي شايـف الـلـي فـيـك يــا خـلّـي محبّبـنـي


نزاهة روحك و نـدرة وفـاك وعرضـك المصيـون
وطهـارة قلبـك وسطـوة حــلاك الـلـي معذبـنـي


وذكاك ومنطق أسلوبك لا سولفت بغـلا مجنـون
هـذا غيـر الـوصـوف الـلـي مخبيّـهـا وتعجبـنـي


أنا ما ودّي أبحث في خبايا الشكل والمضمون
أقول المختصـر .. كلّـك علـى بعضـك تناسبنـي


أنـاظـرك وتناظـرنـي ونـظـرات العـيـون تـمـون
لا قمـت أسألـك بعيونـي .. وبعيونـك تجاوبنـي


أحبّـك كثـر مـا قلبـي يـدق وخاطـري مشحـون
وأحّبـك كثـر مـا طيفـك علـى طاريـك يجذبـنـي


وأحبّك كثر ما شابـت مـن لحـون الغـرام لحـون
وأحـبّـك كـثـر مــا تقـرانـي عيـونـك وتكتبـنـي


رميـت بفلسفـة عشقـك علـى سقـراط وافلاطـون
ولا فكـوّا رمـوز ٍ فــي غـرامـك بيتـهـا مبـنـي !




تغيب ويمتلي صدري من الشوق ويضيـق الكـون
تقـول أنّــك مــع غيـابـك عــن الدنـيـا مغيّبـنـي


أخذنـي معـك يـا سيـد الحبايـب لا تقـول شلـون
علـى كـف المحبّـه ودّنـي فـي قلـبـك وجبـنـي !


لا تتركني تحت رجوى وصالك والجفاء ملعـون
عقوبـه .. مالـي ومــال العقـوبـه .. لا تعاقبـنـي






( 2 )


يا حبّنـي لـك .. وأنـت غالـي ودلـوّع
كـــبّ التـغـلّـي .. والـدّلــع لا تـكـبّــه


منك الدلع مسمـوح ماهـوب ممنـوع
يـلـوق لــك .. وتـلـوق مـعـك المـحـبّـه


الله عطاك أنفاس وإحساس وطبوع
و فيـك الـحـلا سبـحـان ربّــي وربّــه


تفرق عن الخفـرات بالشّكـل والنـوع
لــو فـيـك ربّـــات المـفـاتـن تـشـبّـه !


حبّـك نـزل فـي قلبـي ولاعنـي لــوع
قـام يتسلقـط فيـه .. حتـى نشـبّ بــه


تقول ينبـت لـي مـع ضلوعـي ضلـوع
لا شـفــت زولـــك والهـبـايـب تـهـبّــه


لعيونـك النعـاّس مـيّـت مــن الـجـوع
مـتـى تـحـسّ ومــن يحـبّـك .. تحـبّـه


زوّدتـهـا حـبّـه .. مـثـل حـبّـة الـكـوع
وعلـيـك شـوقـي زاد تسـعـيـن حـبّــه


وأصبحت أنا وياك طامـع ومطمـوع
لـبّ النـدا .. يــا جــرح قلـبـي وطـبّـه


أقابلـك ساعـه مــن سـبـوع لسـبـوع
مــوقّــتــه وضــروفــنــا مـسـتـتـبّــه


علـى بدايتهـا .. شـذى ورد وشـمـوع
وعـلــى نهايـتـهـا .. يـــدقّ المـنـبّـه !



ولي عودة بعد

888

الاولى سبق اختيارها وذوقك راقي

في انتظارك وانتظار غيرك من حبايبنا

لايختلف إثنان على قوة سبك قصائد سداح و وتناغم القصيد و ملامسته إحساس متذوقين الشعر ..

لذالك رأي ,, فقط أن يطبخ العمل على نار هادئه ... حتى يكون في أجمل صوره ..



السوق الأن ممتلئ من الدوواوين الصوتيه المنشده والملقاه القصيد هوهو ,, والأصووات هي هي


الأمل فالديوان الثالث لسداح كبير ,,,, فـ نحن بإنتظاره

ابيض وجه يانواف



خـلّ السيـاسـه تستـعـدّ وتستـريـح وتستـديـر
يـا موجـز الأخبـار سلّـم لـي عـلـى تفصيلـهـا
،
مانيب يمّ اللّي حصل واللّي بعـد يمكـن يصيـر
جـوارحـي مشغـولـه بمنتـوقـة ٍ تـومــي لـهــا
،
الجـادل اللـي تلّـنـي لعيونـهـا سـلـك الحـريـر
قامت محاجرها تحاصرنـي وتسـرج خيلهـا
،
أفرد لها صدري وأقلّطها على الضلع القصير
حطيتـهـا بـيـن الضـلـوع ولا قــدرت أشيـلـهـا
،
الله خلقهـا عـن بنـات الجيـل فيهـا طبـع غيـر
والطبـع خلاّهـا بعيـنـي فـارقـه عــن جيلـهـا
،
بالشكل والمضمون فازت ربّة الحسـن المثيـر
واللي تنافسها على عرش الحلا يـا حليلهـا !
،
أحبّهـا .. والحـبّ مستكبـر وأنـا قلبـي كبيـر
يمنعني أحكي عن غرابيل الهوى وأشكيلهـا
،
أخشى عليها من زمـان ٍ فيـه شـرّ وفيـه خيـر
وأخـاف منـهـا بـيـن عــدلات اللـيـال وميلـهـا
،
إليا عرض لي طيفهـا خبيّـت مكنـون الضميـر
وغمضّت عيني ثم نطقت بهمس .. يا حبيّ لها



الثانية

عسى فداك الصدر والسيستاني
وكل الروافـض واليمـن وزيـوده
..
خـلّ السياسـه يــا بـعـد خـلاّنـي
مــع طلّـتـك بيبانـهـا مـســدوده
..
سولـف عليّـه ينتـعـش وجـدانـي
صوتـك يحـلّ الضيقـه المعـقـوده
..
متـى يوافـق طرفـك النعسـانـي
وأسمـر معـه دقـايـق ٍ مـعـدوده
..
كلـمـة أحـبـك ناشـبـه بلسـانـي
وبين الضلـوع حروفهـا ممـدوده
..
كلّي على بعضي غلا مـن دانـي
والحبّ في عيني تشوف شهوده
..
أزريـت أقـاوم زيـنـك الربـانـي
سحـره حـلال وفتنتـه محـمـوده
..
ماشاء الله وبسم الله الرحمانـي
مافيك حاجه ماهي ابمحسـوده
..
بالمختصـر يـا المتـرف الفتانـي
سـداح بسـلـوك الحـريـر تـقـوده
..
وأن كـان ودّك تقهـر العـدوانـي
أختم على قلبي بختم الجـوده !!

ماعندكم مشكلة ننتظركم لو تطول المده ايزي



بندر المرشدي لاعدمتك ولاعليك زود ولاهنت

,

الله يوفقك يا نواف ..

عمل رائع ,, وتواصل لتميزك المبهر ..

سداح يستاهل كل خير ,, ولنا الشرف بالمشاركة ..

,

ياحلو هالخبر وياحلوكم ياأصحابه
.
خبر أسعدني كثير وأنتظرته من قديم
.
لذلك نبآرك للشعر وأهله بإصدآر ديوان 3 للدكتور
.
هذي إقتراحاتي لكم بروابطها

ونّآنة الإسعآف

عتيبيّة

ويعلم الله إنه محيّرنا في الإختيار كل وحده تقول (( أنا أنا ))
.
إحترآمي
.

888

لا عدمتكم كلكم


ياليت تختارون قصيدتين غزل فقط


ثنتين بس

48 ساعة وراح يقفل الموضوع ونبدأ مرحلة أخرى بخصوص الديوان

الي عنده شي يعجل به

مصدقين اني ابي اطبخه على نار هادية وانا حجازي خالص


وأكرر نبي غزل

^
دوك دوك ولاتنسآنا بنسخة
.
هذي الغزليّة وعلّم الدكتور يكثّر منه
.
تلويحة العشاق
.

1365
.

ما شاء الله عليك يا نواف دايم مبدع واختياراتك موفقه

والاهم من هذا كله التنويع بالالحان لأنها قد تقتل بعض القصائد

دوك هالغزلية

http://www.montada.mergab.com/showthread.php?t=24167

اي والله نحظر ونشارك ونختار

وأبرك الساعات والله

ولو انه فالوقت بدل الضائع

تفضل يانواف
http://www.montada.mergab.com/showthread.php?t=24167

والثانيه
http://www.montada.mergab.com/showthread.php?t=47679
وسلم لي على نفسك وعلى رمز المرقاب


والله يبيض وجهك وبالتوفيق لديوان شاعرنا



والمعذره على التأخير

لا عدمتكم يوزر يوزر

والله يكتب الخير والخيره