خلاص جزنا من المحبه وتبنا

[CENTER]السلام عليكم ورحمة الله وبركاته


صباح / مساء . . . جميل على الجميع

قصيده قد لا تكون الأقوى لكن ربما الأقرب إلى القلب

أحببت المشاركه بها وكلي أمل أن تنال بعض من إستحسانكم


خلاص جزنا من المحبه و تبنآ
.................تسكرت عن وجهك السمح الأبواب
يكفي من أكواب القهر ماشربنا
.................بعنا الغرام و لذة العشق بتراب
روحي عسى الله مايخيب تعبنا
.................في بحر فرقانا على مركب أغراب
وإن هب نسناس الغرام وكتبنا
.................شعورنا بـ نزيّـفه لين يرتاب
طيفك ليا منه لفى ماعجبنا
.................نتجاهله ماعاد نحسب له حساب
وليا لفتنا صورتك ماحسبنا
.................موتي ولا ياصلك من عندنا إعجاب
جمال ..! ياكثر البني في عربنا
.................بس المضاهر حسنها حسن كذاب
زينك مع إنه مختلف ماغلبنا
.................ماننحني لو تنحني روس و أرقاب
الله من العزه عطى ثم وهبنا
.................طبع ٍ يميزنا على كل الأشناب
يامترفه لأهل الكبر مارغبنا
.................من يامن الحيه ومن يامن الداب
على التواضع من ولدنا وشبنا
.................مهما إرتفعنا ماتجاهلنا الآداب
و من البشر ياما إنكسرنا وطبنا
.................بس الغريب إنا نسامح بلا أتعاب
نعفي عن إللي جار أمس وحرَبنا
.................إليا قدرنا ماتتبعنا الأحزاب
وإن زاد في حده و زود غضبنا
.................يشقى ولا يطلقه فكاك الأنشاب
ناطى على غاربه ويذوق غبنا
.................وليا سلم من ناب يبشر له بناب
للطيب باب وللكرامات مبنا
.................وفرخ الصقر ماتنتجه بيضة غراب
اليوم من سمر القساوه حطبنا
.................وحبك على نار التجافي ترى ذاب
ماهي حلآ لا من رمشك جذبنا
.................ترميننا بدرب المعاناة طلاب
جيناك بإخلاص و وفاء ما لعبنا
.................وجيتي بطاري صد وجروح وغياب
عبّرت أنا وقلبي عن إللي خطبنا
.................من هاجس ٍ بدعه تحيّر به ألباب



وسلآمتكم


fahad-34@hotmail.com

[/CENTER]

.
.

جيناك بإخلاص و وفاء ما لعبنا
.................وجيتي بطاري صد وجروح وغياب

.
.

جيناك بإخلاص و وفاء ما لعبنا
.................وجيتي بطاري صد وجروح وغياب

مبدع مبدع يافهد ، وفرحت بإسمك هنا يامبدع
تحيتي لك ، ,صح لسانك ملايييييين

.
.

صحّ لسانك يا فهد

يعطيك العافيه و لاهنت

تحياتي لك

صحّ لسانك يا فهد

رااااائعه جداُ

تحياتي

الله الله

صح لسانك ولاهنت

عليكم السلام ورحمة الله وبركاته

على التواضع من ولدنا وشبنا
.................مهما إرتفعنا ماتجاهلنا الآداب

على التواضع من ولدنا وشبنا
.................مهما إرتفعنا ماتجاهلنا الآداب


صح لسانك يـ الشاعر

ولاهنت,,نص فااخر وشمووخ وأبدااع مميز

تقديري واحترامي لك,’’

جيناك بإخلاص و وفاء ما لعبنا
.................وجيتي بطاري صد وجروح وغياب


الله الله الله


مبــــــــــــــدع للغايه


لاهنت

هلابك يا فهد ومنوّر المرقاب يالغالي

لله درّك والله لا يضرّك

قصيدة جزله جزله ، أفكار وسلاسه وعذوبه متناهيه

وإكرر الإعجاب بك وبها هنا ، ونتمنّى نشوفك إن شاء الله في المرقاب الشعبي

صح لسانك وعلا شانك +



//

تحياتي وتقديري

خلاص جزنا من المحبه و تبنآ
.................تسكرت عن وجهك السمح الأبواب
يكفي من أكواب القهر ماشربنا
.................بعنا الغرام و لذة العشق بتراب



الحقيقه ابيات من الطراز الأول



ويفتخر المرقاب اذا سجلت فيه ..........لأننا نسعى الى انضمام المبدعون .



صح السانك