مسج ( مرقابي ) ..

مسج الى كل مرقابي يبي يعرس مستقبلاً..


اللي يبي يحيي حفلته محاورات عالميه و أمسيه تفوق الخيال

يعزم شعراء المرقاب... عز الله يبون يجون و يحيون المحاوره
و بدون فلوس.. لا و يدفعون العانيه بعد.. من لقاها...

و فوق ذلك صفوف ملعبه جاهزه و لا حتى صفوف السوطه..


صراحه اللي شفته في عرس خالد السيحاني شي غير طبيعي ...

حرام بالله يا الطواريق انها قدح زناد.. و البيت ما يلحق البيت
و الصفوف ادّهار على مدار الساعه..


اكتشفت ان عبدالرحمن حمد راعي صفوف بدرجة امتياز.. و الله يا هو يلعب ما شاء الله عليه.. الله لا يضره.. ثلاث ساعات متواصله على قدم و ساق..


اقوى المحاورات كانت بين ( محمد السواط & محمد آل عبدان ) و ( مشعان البراق & عيسى الشاطري ) محاورات حرييييييييييييييييييييق

و اخبثها بين ( عفاس بن حرباش & مشعان البراق ) ..

و اشرسها بين ( كديميس السيحاني & سعود النفيعي ) .. المحاوره الإفتتاحيه..

ترتيب الأسماء بحسب البدع..


فيه موقف حصل آخر الليل.. و لا كمّلته لأني سريت .. لكن ابي اذكر مشاهداتي..

جاء عيسى الشاطري و طلب طلال الجميلي.. و جاب له بيت هز الصاله كلها..
و فيه عود ٍ عمره يمكن في الثمانين.. قال الشاعر هذاه وشنهو؟؟ قالوا مطيري
قال انا ولد ابوي ههههههههه و هو يقوم بخيزرانته يبي يلعب مع عيسى و مشعان
يحاول فيه و يقول لا اجلس انا اللي ابي ارد عليه و هو رافض الا يرد .. ثم خابرهم
يحاولون فيه و لا ادري وش صار لأني سريت حدود الساعه وحده و نص عشان
وراي مسراح للرياض بدري..

لكن اخذوا لهم يجي قيس خمس دقايق و هم و ياه في خذها ذقها لدرجة انه دخل وسط
الملعبه يبي يلعب مع عيسى غصب ههههههههههههه