سمح المحيــآ

بسم الله الرحمن الرحيم ..

في هذا المنتدى الأدبي الشعري ,, وهذا الكم من الشعرآء
سيكون من دواعي سروري أن أضع بعض محآولآتي المتواضعه
وأعتذر لذائقتكم مسبقاً


[poem=font="Traditional Arabic,7,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياعنيد الطبع ياسمح المحيا = ليت من وجهك خذا طبعك سماحه
فيك حتى القلب تاخذه الحميا = لو همومه من سبايبك وجراحه
كل مامنك زعل واغتاض عيا = بك يطاوعني ولك عجلن سماحه
وصل غيرك ماهناله لو تهيا = ما اجذبه غيرك ولا نال ارتياحه
لك يزيد الحب به شياً فـ شيا = لين مدري وين ياخذني صراحه
ظلني في رمش عينك بأتفيا = عن سموم الوقت وأجواه ورياحه
ودي إني كل ما احتجتك بليا = لا أشتكي تفهم وأنا أدري بك رجاحه
ياعنيد الطبع لو تقسآ عليا = أدري انه لي وسط قلبك مساحه
ما ملآها غير أنا مادمت حيا = ولآ بتلقى اللي تسويلي ازاحه
حتى لو تبلغ من العمر العتيا = منت لآقي في وصال الغير راحه
الهوى مرهـ .. وعشنابه سويا = منه المسجون مايطلق سراحه[/poem]