لــ راكان بن بدن

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
نحنُ عبدالله ، امرنا ، والأوامر=كلها من صالح الشعب السعودي
علّموا اللي في غلا شعبي يغامر=للمواطن والله ان ابذل جهودي
يابو متعب (كلنا ضد التآمر)=والشعوب تشوف والعالم شهودي
الوطن في حكمك الميمون عامر=في ذراك وفي ذرا احفاد الأسودي
نسرج الخيل (الصوافن والضوامر)=ما نحسّب للمجوسي واليهودي
كل شعبك يا بو متعب قال : آمر=(كلنا ضد المعادي والحسودي) [/poem]

[poem=font="Simplified Arabic,5,green,normal,normal" bkcolor="transparent" bkimage="backgrounds/16.gif" border="none,4,gray" type=2 line=1 align=center use=sp num="0,black""]
دون مكه , والمدينه ، والوطن ، واخوان نوره=يا سمو النايب الثاني وزير الداخليّه

لايهمّك من ينادي في البلد ويقول : ثوره=لو ينادي من ينادي للحروب الطايفيّه

نحتمي للدار واهل الدار في وقت الضروره=نفتديها لو تروح ارواحنا عنْها ضحيّه

من نوانا , ساقته نفسه على درب الخطوره=كلبونا دونها مثل الحرار الصيرميّه

سجّلوها وانقلوها للملك صوتٍ وصوره=كلنا لا عوّدت للدين فينا عنصريّه

دون مكه , والمدينه ، والوطن ، واخوان نوره=نهدي الأرواح فدوه , لجل تبقى الدار حيّه[/poem]

[youtube]

اقرب فديتك حط عينك بـ عيني
وجودك يكفّي عن الناس والكون

عطني اكسجينك وانت هاك اكسجيني
كذا نعيش بدون (إكسيد كربون) .!

ابحتويك احساس يامحتويني
واعلمك طيش المحبين وشلون .؟

استلطف اعجابك واحبْبك فيني
إلين تغليني وتشتاق بجنون

واعيّشك شوقي وعطفي وليني
واحفّظك اسمي من (الراء) لـ (النون)

ومن بعدها لو جيت تطلب سنيني
اعطيك عمري وانت غالي وممنون

ياللي محبْتك ماضيّي ومستقبلي
كم قلت : حبك جبل ولايتمثناه ريح

يفيض قلبي غلا لـ عيونك ويمتلي
اغليك لو كنت من بعض السوايا جريح

لكن دقق معي واسمع عدل مايلي
مشكلتي اني ليا جات الصراحه صريح

صح أنت غالي وقدرك فـ الحشا معتلي
لكنّ لاوصلت حدود الكرامه يطيح .!

رح في أمان الولي ماني بـ قايل : تعال
نفسي عزيزه ولا اذكر يوم وطّيتها

ودعتك الله .. وجرحك في الحشا لايزال
بعض الجروح لـ غلا الجارح مـ/داويتها

لا تحسب ان الوصل في كثرة الإتصال
لو أنها هكذا ماكان سوّيتها .!

من كثر ماكنت احبك كنت مضرب مثال
لـ اهل الهوى يخرب الله بـ الجفا بيتها

واليوم صار الوصل والحب صعب المنال
علاقتي مع علاقة قلبك انهيتها .!

ماعاد بيني وبينك لـ التواصل مجال
شمعة غلانا من اسبوعين طفّيتها

سألت قلبي ، وجاوبني بنفس السؤال :
علام رجلك على اللوعات عنّيتها .؟

كنت احسب ان الغلا ثابت ثبوت الجبال
إلين بـ يدك جسور الحب هدّيتها .!

الهجر سم الحب .. وعلاج الهجر منْك الوصل
لاعاد تلبس للغلا والحب في الوجه اغطيه

قلبي على قلبك من اللهفه يدق ويتصل
لكنّ قلبك دايمٍ ( خارج نطاق التغطيه )

يدق .. ويرد الجفا ويقول له : ( تم الفصل )
ذي عادةٍ في صاحبك ماهي جديده مبطيه .!

الغالي اللي عيونه تستثير الكلام
عيونه تسولف لقلبي وهي صامته

وشلون لاجيت وارخا عن حلاه اللثام
في ثغره آموت ،، وألا آموت في شامته

محبتي له على ود وغلا واحترام
يرتع بصدري ،، وفي خفاقي إقامته

هذا الغلا اللي على ماقيل حسب النظام
واكيد احبه بعد من شان وسامته

العين عين الوحش ،، والخد زهر الخزام
مع نحل خصره يحير الفكر في قامته

والله مايلحق العاشق بحبه ملام
ولا يفكّر بهرج العالم الشامته .!

يا مايس القدّ لاتستنكر العشره
تبور فيك الملا ما بارت ظنوني

خذ زبدة العلم وألا موجز النشره
وقل للعرب لاتجي من دونك ودوني

لبيه ياعيونك الثنتين والبشره
ولبى اتصالك ليا داهم تليفوني

خذيت نسبة حلا 10 على 10
حلاك بـ ببلاك بيريّي وآيفوني

مراكب الحب فـ الأضلاع منتشره
ياقمّة افراحي وياسبّة شجوني

يعني أنا وأنت بين ارواحنا خشره
لاتقول : غيرك من العشاق خانوني

ماهوب من حقك انك تزعل وتشره
لاصرت شاريك ومقدّم لك عيوني .!

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
ابشر ياحزب الغدر وابشر يا بشار=وبشّر معك من يلبسون العمامه

ابشر بسوء الحال والذل والعار=وابشر بشرٍ منتظر في القيامه

وابشر بقهر وغبن واحباط وانذار :=بالهون والتعزير والإنهزامه

ظالم ومتغطرس وباير وغدّار=ماتدري ان الشعب يبلغ مرامه

يا قاتل الأطفال منهار منهار=سمّوك اسد وألا الحقيقه نعامه

الحاكم الطاغي عليه الدهر دار=ودارت عليه سنين ظلمه ندامه

شعار حكمه : غي واذلال واجبار=الشعب يسقط بس يبقى نظامه !

جبّار ، لكن فوقه الرب جبّار=إذا خذا الظالم خذاه بصرامه

ليته سمع نصيحة القايد البار=صقر العروبه راسم الإبتسامه

القايد اللي دمّه لأمّته حار=وعلى المواقف فيه عزم وشهامه

الله يعز الدين ويعمّر الدار=ويحفظ لنا حماة دار الكرامه

والله يدمّر طاغية دار الأحرار=لا الحكم حكمه لا ولا الشام شامه .![/poem]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
الجهل / والكبريا / والظلم / والإجحافي=الطريقه للزعيم اللي يسود برُعبه

والمصير اللي حصل لمعمّر القذافي=هو مصير الحاكم اللي مايحبّه شعبه .! [/poem]

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
الجهل / والكبريا / والظلم / والإجحافي=الطريقه للزعيم اللي يسود برُعبه

قولوا لبشار : ما انت بعايشٍ متعافي=تحسبن ارواح شعبك في يدينك لعبه ؟

خذ كلام الشعب كلّه والجواب الكافي :=النصر مطلوب لو كانت دروبه صعبه

والمصير اللي حصل لمعمّر القذافي=هو مصير الحاكم اللي مايحبّه شعبه .! [/poem]

يا خادم البيتين / والدار / والدين
تعيين نايف من كبار المكاسب
ولي عهدك حزّة العسر واللين
اللي على أمن المواطن محاسب
اقرب مثل يطلق على نايف الحين :
( رجل مناسب في المكان المناسب )

كل عام يمر .. ياجعلك سعيد
تسقط القاده .. وحبك ما سقط

اعشقك هذا هو العلم الأكيد
وان بغيت احط بالأحرف نقط :

ينقص اعجاب البشر وألا يزيد
ماهويت ألا انت في العالم فقط ..

يا اللي تراسلني على الخاص والعام
تسأل عن احساسي وصادق شعوري

خلاص انا ودّعت حبك من العام
وفرقاك صارت من دواعي سروري

يعني رجوعي .. برمجه ضمن الأحلام
وألا لا تحلم بي إذا طعت شوري

امسح عناويني / وايميلي / والأرقام
ولاتتصل بي لو تبيني ضروري .!

رح واعتبر مافات : دوّامة اوهام
وانا اعتبر مافات : حادث مروري

حادث مروري صار في الشارع العام
اخّرني .. لكن ما حرمني عبوري

آسف إذا فجّرت في صدرك الغام
لكن جبرني الوقت .. اسجّل حضوري :

لا عاد ترسل لي على الخاص والعام
هذا شعوري جاك واقبل شعوري .!