العمله الصعبة !!

[poem=font=",5,indigo,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
لابد الليالي تكشف الخافي المستور =مثل والمثل كنه بالاعيان ينشافي
حياة البنادم بير جمه وقاعٍ بور=اذا ما ورد للعد ما يظهر الخافي
كما العله الي ما تشخص من الدكتور=يموت العليل وعلته بين الانجافي
لو ان الحقيقه واضحة وأوضح من النور=غدت لعبةٍ ما بين كاهن وعرافي
صحيح التجارب فايده والزمان يدور =لكن ما بقا للتجربه حل وانصافي
يحدك على بعض المواقيف شاهد زور =يا لين الطموح الي تمناه ينعافي
ترى العمله الصعبه لها في التجاره دور =لو ان مصلحتها بين تاجر وصرافي
تخالفك في الافكار وتخالف الدستور=تدّور وراء الارباع من بعد الانصافي
تروج وعودٍ تقتبس من وعد بلفور = تقرب لك النيتو ليا قلت يا كافي
اكاذيب واستنكار وضع وتقمص دور=تحدد هدف غامض لتشتيت الاحلافي
ولا باقي الا جملتين وثلاث سطور = طلاسم تبي عقلٍ مدبر وعرافي
ترى من خذا له من ردي الروابع شور = غدا مكرةِ مابين ترسٍ وحذافي
[/poem]

نص جميل وحكيم ياعبدالله
احنرامي

صح لسانك ياعبد الله

قصيدة رائعه وفيها حكمه

كل عام وانت بخير ~

سلمت ياعبدالله
وصح الله لسانك مدد ..

إعجابي وتحياتي

اخوووك

ترى من خذا له من ردي الروابع شور
غـدا مكـرةِ مابيـن تـرسٍ وحذافـي

صدقت يا عبدالله
صدقت وصدق هذا الشعر الثمين

لك التحية والتقدير