(( && ^ ذائــقـة الشــعر && ^ ))

ألف بسم الله عليك ولا باس وطهور "=" ياوزين الروح والذات والقدر والكبير

جعلني أفداك من عمر وأحساس وشعور "=" عمري اللي راح واللي بيجي واللي يصير

أنت من شليت عايض معك تسعة شهور "=" وذقت من حمله شقا الحمل والحمل العسير

جعلني فدوة مواطيك يالوجه السفور "=" وجعلني أموت قبلك ولا أشوفك خطير

وجعل عقب الضيق ترتاح في خير وسرور "=" وتستلذ بعمرك الطاهر الباقي بخير

والله أن البيت عقبك غدا شبه مهجور "=" وأن صباحه غير لاصبحت وأن امسيت غير

حي الشعور اللي كسر حاجز الصمت.
وحي الوصال اللي كسر حاجز الشوق
يكفيني اني في غيابك تحطمت
ابحث وتلقا في معاليقي افتوق

انا عليك اسهر وللحين مانمت
كني عليك اتوق واتوق واتوق
في عيني اليمني سهرت وتندمت
وفي عيني اليسرا متاهات واحروق

الشعر ناشف دم واقف وريده "=" ينزف حزن شريان شريان شريان

معاد خلى فالشرايد شريده "=" ولا عاد به در ٍ ولولو ومرجان

تشابهت كل البيوت الفريده "=" حزين ومتعومس وضايق وتعبان

مدري وش أكتب في بيوت القصيده "=" لاهاجسي رايق ولا خاطري زان

عزالله أن موته علينا فقيده "=" خسارة الشعب السعودي من الأن

(( شعب يتباها يوم ودع عقيده )) "=" وشعب غلبه الحزن في موت سلطان

وبل القصيد الواقعي أنتثر ماه "=" تضحك مقاديمه وتضحك غيومه

في خاين ٍ محد ٍ من الناس وطاه |=" تخالط عشوبه وتضحك وسومه

قاعه قفر محد ٍ من الناس قد جاه |"=" وأمن الربيع موفقه ومغنومه

كل ٍ يغني فوق شفه وليلاه "="واللي يلوم الناس ربي يلومه

وانا لاغنيت الشعر عند معناه "=" أعرف مواجيبه وأقدّر لزومه

أنصاه للي لابغيناه نلقاه "=" الطيب اللي جعل ربي يدومه

ماصد من ممشا ربوعه ولا تاه "=" دايم على العليا تسوقه عزومه

متصدر ٍ مثل الجبال المسماه "=" موسم ٍ فعله وبانت وسومه

عد ٍ رهاوي ينضج الخير من ماه "=" تارد عليه اللي تكاثر سمومه

أبو سعد لاحطك الوقت علباه "="أنصه وبيبان السعد من علومه

لاحدك الحادي من الضيق تلقاه "=" في وجهك العابس يداحم خصومه

قلايد أفكاري أل مثله وشرواه "=" كنها على طاريه جات معزومه

ياطيبه وياطيب فعله ومجناه "=" على خواله كلبوهم عمومه

صميدع بفعله بعيد ٍ معشاه "=" حر ٍ لامنه حام يبعد بحومه

عوين من ضامه زمانه وخلاه "="اللي ماعين من يفسر حلومه

حفيد منهو ينتهض لا نخيناه "=" اللي مواجيبه تشابه سلومه

لاد أبن مكلب هل العز والجاه "=" ساس الوفا والطيب وساس الزعومه

المدح للي تاخذ الطيب يمناه "=" اللي مواقيفه تساوي حكومه

دليهي الله يسعده فوق دنياه "=" يبطي وربي مايعجل بيومه

أنا يوم أغني وأرفـع الصـوت وأبيّـن "" على شان أوسع صدر أبو صدر متكدّر

وأجيب أسمن أبيوت الشعر وأترك الليّن "" وأداعب هوا الغربي على خيـرة النـدّر

ترى الشعر في بعض المواقف معك هيّن "" وفي بعض المواقف ينفع الشعر ويقـدّر

على الزين كنيبه يجـي قافـك مزيّـن "" وعلى الشين كنيبه يجي قافـك مجـدّر

ينومسـك منهـو لا بـدا الازم يبيّـن "" ويضايقك منهـو لا يحشّـم ولا يقـدّر