بعد الخبر المخوف ، جاءنا ما يلي :

الاخوه الكرام هنا ،
كنت قبل يومين أو أكثر أدرجت خبر في أحد اقسام المرقاب على هذا الرابط :

http://montada.mergab.com/showthread.php?t=58698


وعند دخولي هذا اليوم وإذا بالرسالة المطمئنه تأتي من أخينا فراج
ورغم خصوصيتها الا أني أحببت أن تطّلعوا عليها لأبغلكم سلامه
و لحاجةٍ في نفس يعقوب

مع اعتذاري مسبقاً لـ أبوفهد
:

المشاركة الأصلية كتبت بواسطة فراج بن فهد الدوسري

الغالي أبوحواء
السلام عليكم ورحمة الله وبركاته
كيف حالك وحال العيال والربع?
يعلم الله أنك من أقرب المرقابيين للقلب وكلهم غالين
ووجودك في الآونة الأخيرة صار يشجعني للعودة للمشاركة مع
أني مفلس شعرياً والله ييسر الأمور ونتشرف بالمشاركة معك ومع المبدعين
في هذا الصرح اللي أنا الحقيقة مدين لهم بالشيء الكثير

وبخصوص الخبر اللي أنت أوردته اطلعت عليه قبل قليل والسالفة مجرد اسم على اسم
ولاعندي 8 بزران ولاحتى نصفهم والله يعافي ويشفي زوجة أخينا ويردها لعيالها
وشاكر وممتن لك على اهتمامك الله لايقطعني من الوافين شرواك وبلغ سلامي للشباب الله
يجزاكم عني خير الجزاء

محبك في الله
أبو فهد وتركي ونوره فقط لاغير

والحمد لله الذي بنعمته تتم الصالحات


اخوكم

:
:



الحمد لله على كل الأحوال .. !!
وليته يقطع (( غيابه )) ونشوفه في المرقاب من جديد .. !!
والله يكون في عون اخونا اللي تعاني زوجته ..
والله يشفيها ويعيدها الى اهلها وذويها وأبنائها وهي تنعم بالصحة .. !!


فراج .. ليتنا نشوفك بأقرب فرصة متواجد في المرقاب .. !!
ثم الشعر ماهو كل شي ..
رغم يقيننا انك معين لاينضب .. !!
تعال نبي تواجدك المثري ..
وممازحاتك الجميلة .. !!

ابوحوا ماقصرت ..
دائماً وفي .. والطيب عنوان تواجدك يـ (( صديقي )) .. !!

^
^
ماعليك زود يابوحمـد حبيب الكـل

وكأنك علمت بردي على ابو فهد ،
قلت له ماهوب لازم شعر بس تعاااااااال

أنت عندك توارد مخاطر

..

المشاركة الأصلية كتبت بواسطة عبدربه

^
^
ماعليك زود يابوحمـد حبيب الكـل

وكأنك علمت بردي على ابو فهد ،
قلت له ماهوب لازم شعر بس تعاااااااال

أنت عندك توارد مخاطر

..

ههههههههههههههههههههههههههههههههههههه

لأنا خاطرنا ما (( مشا .. عيب )) ..
عندنا بعد توارد (( مشاعيب )) .. !!

الحب (( مخطر )) يأسم القلب .. وأنا احبك .. !!

الحمدلله على أن زميلنا العزيز / فراج بـ خير .
والحمدلله على أنّنا إطمئنّا عليه .
ونتمنى عودته لتكتمل سعادتنا .

ودعواتنا القلبيه لمن ورد إسمه في الخبر الآول بالسلامه من كل مكروه .


لا هنت يا .. عبدربه

همسه :- تواجدك في الآونه الأخيره ساهم وبشكل كبير في أنّ يكون التوازن موجود في المرقاب : )

::

الحمد لله ان فراج بخير .. والله يسلم اهل سميه

وليتك يافراج ما تبطي علينا

ولاهنت يبو فهد

اللهم لك الحمد والشكر

الله يشفي هالمريضه ويقومها لعياله

الحمدلله على فضله وكرمه ،


والله يشافي ويعافي زوجة اخونا فراج فهد الدوسري ، ويردّها إلى أطفالها عاجلاً غير آجل ..



...

يا فراج
تعال ، لو الحضور مقرون بقصيد
قفلنا الموقع


<< امش يالسيرفر

حمدلله على فضله

ابوفهد مشتاقين له ومشتاقين لحضوره وتواجده
شكراً يا عبدربه على هالرساله الغاليه



ومحبه وتحيه لك ولابو فهد وتركي ونوره

الحمدلله رب العالمين رب العرش العظيم

لاهنتم جميعاً ،

والله يرد أبو فهد في القريب العاجل ، ليطفئ ظمأ شوقنا إلى تواجده


تحياتي

اللهم لك الحمد
الله يحفظ فراج و يحفظ عائلته من كل شر
و يمن بالشفاء العاجل على زوجة فراج

لاهنت يا عبدربي