مـن كـل الـفــصـــول

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
كلما كانت الذكرى قديمة= كلما زاد فالخافق غلاها
بعض الاحجار لا قالوا كريمة=ويش مقدارها لولا بطاها
والبطا زاد دهن العود قيمة = عتقته السنين اللي قضاها
[/poem]

لعيونها

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لعيون......وقف قافي وانا..الملهم=لكني ازريت لا اوصفها ولا انصفها
معها شعوري غريب وموقف مبهم=تطعني رموشها وانا موالفها
سلهامها طعنة ٍ واغضايها مرهم = ونظراتها تسلب الخافق سوالفها
نظرات غير الامر والنهي ما تفهم =تطوع العاصي ولا حد ٍ يكيّفها
اشوفها من بعيد وكنها تزهم = وان جيت قامت تبيّن لي تعففها
وليا برق برقها في ليلها الادهم = حن الرعد فالمشاعر من تحسفها
ياكثر ناس ٍ ثعت فيهم وانا اولهم= ويالله عساي اول انسان ٍ يحالفها
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اللي يهجرس بسب الناس ويهندب = ولاعراض الاجواد دايم ناذر ٍ قافه
هذاك حجمه صغير وكنه الجندب = لو طال صوته وصرصر ما حد ٍ شافه
حزات الافعال لا يندب ولا يندب = ضعيف ٍ راس ماله قافه التافه
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الا ياورع لا تظلم بسبتي بختك = تسب وتحسب انك بسبتك تذبحني
وبويتاتك اللي كنها سويلفات اختك=نسايم صبا ما هيب والله تزحزحني
وانا لو الدّ الك بطرف عين ريّختك = ولكن على غفصتك ما حد ٍ بمادحني
ولا ابا استفيد الا الردى لوّ وبختك =لكن عدني غلطان يا...بابا سامحني
[/poem]

ابيات معايدة من شقيق الروح القدير /مبارك بن محيا الدوسري

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جاتك حروفي في بريدك مسايير=تعايدك والشووووق مني ومنها
لأنك لحالك غير و الناس ذي غير=جتك القوافي وأنت قدّر ثمنها
وان كان لا راسلت بأحتاج تبرير=ترا الغلا في القلب يامر و ينها
[/poem]


وهذا ردي المتواضع



[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
دوّرت لاوصاف المسايير تعبير= وازريت اعبر يافتى الجود عنها
عود ٍ معتق في ثلاثة قوارير=تعطرت مشاعري من لحنها
يامرحبا والود ماله تفاسير = ارواح والله في بعضها قرنها
مودتك ما تنوزن بالدنانير = حتى الذهب يبطي عظم ما وزنها
عيدك مبارك يامبارك وفي خير = القاك كان الفرصة الله ضمنها
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الصمت حكمة وكثر الهرج ما به حصيل = الا شهادة ونصح وردع راعي عيال
كلام ماله ذبيل وصمت عن من يعيل = تحط من قيمة الرجّال بين الرجال
ومن يقبل الهون مرة عاش عمره ذليل= ومن لا فعل ما يفيده طيب عم وخوال
غلطان من قال عمر الراس ما صار ذيل = ليا ارتخى الراس عوّد ذيل مابه جدال
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] (ياعين ردي دموعك واستري همي = تكفين لا تفضحين القلب واوجاعه) [/poem]


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياعين هلي دموعك واغرقي كمي = واطفي لظى روح ٍ من البعد ملتاعة
[/poem]

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
(ياعين جاك من الحزن ما يكفيك = لا تنثرين الدمع في كل حزة)
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لون الحزن في عينك وفي قوافيك = يبحث خفاي وخافقي يستفزه
[/poem]

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
(ياشايل الصوت بالاهات وين انته = قلبي على شوفتك مفطور ويعاني)

[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
موجود يامالكة قلبي وساكنته = ياللي وصالك هواي وعينك اوطاني
[/poem]

[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
(ياغايب ٍ قلبي محلك ومرباك=لا تطول الغيبة تراني شفوقي)

[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يانبض قلب ٍ يعشقك ويتمناك = عليك حق ٍ مثل ما لك حقوقي
[/poem]

بيوت مداعبة لاحد الزملاء

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياحسين عندك مال يملا مخابيك = ونياق وتريلة ووايت ومعزا
ما اديت فيها حق جارك وعانيك=وعساك فيها كان ما تبت ترزا
البارحة جيناك نبغى نسليك = في بيتك اللي نافخه جنب مرزا
ومن بعد جينا جيتنا جاتنا فيك = والجيتك من بعد جيناك مغزى
مير ابشر بناس ٍ بفعلك تجازيك = وكل ٍ على ما مدت يديه يجزا
عشيتنا البارح دجاج ٍ من البيك = واليوم مالك عندنا غير بتزا
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بعض ابتسامات الاوادم ستاير = والحقد بانيابه مكشر وراها
وليا لمح له غرة ٍ جاك طاير = وقطّع بنيبان التشفّي غطاها
[/poem]

وينك

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
(وينك تعبت ادورك أنت وينك)=وينك عجزت القى جواب لسؤالي
وينك تشوف اللي حصل في ضنينك= من بعدك الايام صارت ليالي
اعيش فيما كان بيني وبينك = وكني وانا وسط الخلايق لحالي
اغيب مع صوتك وعينك ولينك = وعمر الهنا اللي في وصالك مضى لي
يومك بعذب الشعر تشرح حنينك = واجاوبك من لهفتي وش جرالي
ويوم انظر بعينك واصافح يمينك = ويومك تغلا يابعد كل غالي
عشقت لون الليل من سحر عينك=والمر شفته من تغليك حالي
والله عشقتك كثر ملحك وزينك = ووالله فقدتك والتهى معك بالي
وياخوفي اني مرحلة من سنينك = عدت وصارت ...ذكريات ٍ خوالي
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما بيّنت عذبة الاوصاف هذا المسا = غابت ولا نيب متعود على غيابها
سهران واخيل طلتها لعل وعسى = تجيبها نسمة الاشواق لاحبابها
الليل لا جات بثياب السرور اكتسى = وان غابت اضفت عليه الضيقة ثيابها
طرقا سبتني ونستني جميع النسا = الزين مضمونها والستر جلبابها
في حكيها بن خولان وخلاص الحسا=وفي ضحكها ميلة الازهار واطيابها
يعوم قلبي بغبة حبها ما رسى = ياجعل حظي يرسيني على بابها
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحة في غيبتك طوّل الليل = وانا بدونك مبطي ٍ ما سهرته
ما عاد لي عليه شف ٍ ولا ميل = وانا لاجل لقياك ياما سهرته
والله فقدتك يامنى الروح بالحيل = ولا فيه درب ٍ للوله ما عبرته
لكن عشانك ما احسب للبهاذيل = قلبي على فرقاك لاجلك جبرته
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الله من قلب ٍ هجر صدر راعيه = واصبح مكانه في حناياي خالي
قلت له قبل يروح ياخافقي ليه = تمشي وتتركني هنيا لحالي
قال استريح وخل عنك المشاريه=انت السبب في كل شي ٍ جرالي
اللي يفرّق بين غالي وغاليه = ويشب فيني من لظى الهم صالي
وينزل بي ديار الفراق وصحاريه=ويشد بي عن نبعي وعن ظلالي
بالله من سوّى كذا ويش اسميه = الا العدو اللي فراقه حلالي
قلت الوفا ياقلب ما نيب ناسيه = ولاجل الغضي قطعت حبل الوصالي
ما بيه بكره تنهدم كل امانيه = وينهار وتلوعه هموم الليالي
بكره يبي ينساك لو منت ناسيه = ليا لقى خل ٍ بدلك وبدالي
قال انتهيت من النصايح وقلت ..ايه= قال اقفل الموضوع وانه الجدالي
كل ٍ وله رغبة ورايه يقديه = وعن صاحبي لوقلت ما نيب سالي
ابيه انا وابيه وابيه وابيه = ولا لي سواه من المخاليق غالي
واخذ امانيه وترك لي ماسيه = وقطّع معاليقه وشد الرحالي
ولا جات عنه اخبار واقرب حراويه= انّه سكن بين .......و........
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
هزت غصون الولع ريح الحنين =ولا لمع للوصل برق ٍ في غمام
ياجميلة وين راح الود وين =ما حسبتك يوم تنسين الغرام
الغرام اللي سقانا الفرح لين = ارتوينا من ينابيع الوئام
جف ماه وصار لرياحه انين = والمشاعر من بعد رحتي حيام
اروي احساسي بعد جدب السنين = من ودادين الرضا بعد الخصام
واوعدك والوعد عند الحر دين = وانا حر ٍ من خوال ومن عمام
لاحفظك ما بين قلب وبين عين = وانذر العمر الك يابنت الكرام
وانثر احساسي على القاف الرزين = واقطف لعينك عناقيد الكلام
واجعل اسمك نور ليل العاشقين = ومضرب امثال المحبة والهيام
جاك قافي وانتظر قلبك يلين = في جوابك ياجميلة والسلام
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
والله انك في عيوني ياعيوني = لو حدتني عن مشاهدك الليالي
اخذي الفرحة وعيشيها بدوني= وخلي الاحزان بعدك لي لحالي
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماهي غريبة صمتنا عنك ياشام = حنا بخير..ولا نحب التصادم
من ذلنا بالبعد عن نهج الاسلام = ما عاد تحسبنا الاوادم..اوادم
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صوبتني نظرة عيونها النجلا=يالله انك من سهمها تنجيني
ياعسى ما سوته فالحشا يجلا = واستلذ بعيشتي وتغفى عيني
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياشيخنا في موقفك بعض البرود = ما هو على قدر النبي واللي نبي
اللطف ماهو حل مع ملحد حقود = ينكر وجود الله ويسب النبي
[/poem]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
نحتاج وقفات الشيوخ الافاضل = عند النوازل والامور المهمة
وشيخ ٍ ليا سب النبي ما يناضل = وشلون نعتبره من شيوخ الامة؟
[/poem]