( صوره متحركه ) وتعليق شعراء مرقابيين عليها .. ومشروع مسابقه غريبه ربما ترى النور !

السلام عليكم ورحمة الله وبركاته .
صلو على سيد الخلق .

/

من فتره كان هناك أقتراح مني لمسابقه غريبه نوعاُ ما وعرضت فكرتها على أخي الكبير محمد رشيد وكان موافقني الرأي فيها ولكن أعتراضه كان إنها راح تطول وهي بالفعل كذالك لأنه أقرب مالها شبكة الطيران الأمريكي متشربكه ومعقده .

الفكره أن كل الشعراء المشاركين فيها يشاركون بـ أبيات + تقييم مشاركات بطريقه غريبه + صور .
بمعنى أن الشاعر المشارك ( يكون مشارك وعضو لجنه تقييم وصاحب أختيار صوره )
المسابقه كلها آثاره الشاعر مايدري من يقيم مشاركاته ولايدري من يقيم ولايدري من يعلق على الصوره اللي أختارها في المرحله الأولى من المسابقه ولاتزعل أحد كلها تساوى الحظوظ فيها !
أقرب مالها حظ نصيبك بحكم أنها تكون سريه عن طريق الرسائل الخاصه .
المسابقه طريقتها ماراح أوضحها أكثر حتى ما تسرق وللمعلوميه هالمسابقه ماتصلح إلأ في منتدى .



من منطلق المسابقه اللي طرحتها على أبو مالك أخترت صوره . البعض قال لي مضحكه والبعض قال لي هالصوره تستطيع أن توظف فيه أفكار كثيره والبعض قال أن التعليق على هالصوره لابد يكون ساخر وهو من أصعب الاساليب سوى كان شعر أو نثر. والكلام طال عن هالصوره .

قلت لعل هالموضوع يكون مقياس نجاح أو فشل للفكره والحمد لله الأمور تبشر بخير .


وراسلت الشعراء المتواجدين بدون أنتقائيه يعلم الله لأن فيه شعراء لهم فتره ماتواجدو في المرقاب .



الصوره اللي تم أختيارها .






والشعراء والشاعرات اللي راسلتهم ماقصرو اللي شارك واللي طرح رأي وما أقول إلا صحت ألسنتكم لين ترضون وسلمتو ودمتو وشرفني وشرف المتصفح مشاركاتهم الرائعه.


ملاحظه ترتيب الشعراء وتعليقهم بتواريخ الرسائل .

/

عبدربه :








تال الزمن ياكثر شئ نشوفه./. مْن الغرايب مابقا ظنتي شئ
قامت تجينا أشياً ما هيب معروفه ./. حتى السمك يعيش في اليابسه حي !
ما ألوم صياده ليا زاد خوفه ./. وحتى بعد سنارته وضعها سئ !


/

ماجد بن سعيد







ياورع مالك ومال الصيد -- انحش وخله على الشاطي

مادام قلبك ظهر رعديد -- ولا لك على الصيد مقلاطي

يكفيك عن صيدته صنديد -- صميدع(ن) بالفعل ساطي




/

سعود بادي :





شل صيدتك راس الضبي مابه عراش
لف وتديور والسقيطه سقيطه
بالدم يابشار ماحيٍِ اعتاش
الحق له ناسِ عظام ونشيطه
ودك تخلي كل شيءٍ وتنحاش
من عقب ماضاقت عليك البسيطه


/

شفق السريع :





يا ورع لا تنحاش خذني معك خذني
انـــا رهـيــن ايـديــك غــمــزه و ســنــاره
الله حسيـبـي فـيـك وشـلــون تتـركـنـي
للموت و انا اللي جيتك على الشاره
من بعد ما حبلـك شربـك و شربكنـي
و الله لـتـاكـلـهــا غــــــاره و را غـــــــاره

/


بدر ناصر المورقي :




مسكين كانه خاف من باس صيده
ماهيب يمّه تنزع ومالها شان
لو الله يخلّي سنينه مديده
وشلون لا صادف من الناس حيتان

/


سنجار :





عـادي بهـذا الوقـت كـل شـي عـادي
برق الطيور تحوف شقر المشاهير
حتى السمـك تطمـع بـروس العبـادي
ومــذيــره قــلـــب الــزحـــول الـمـنـاعـيـر
وقــت بــه الـصـيـاد اصـبــح يـصــادي
مــــن بـنـدقــه ولا عــصــي الـسـنـانـيـر


/

محمد النخيش :






الـطـفــل هــــذا راعــــي الـســنــاره
صاد اسمكه وهوه صغيـرً سنّـه
الله على صيـده وبعـض افكـاره
كــن السـمـك يـطـرد وراه وكـنّــه
سارق صنادق الذهب واسـواره
ويبغى المفر اللي ماعنه وعنّه


/

محمد مسفر :






الا يا بلشتي يا نشبتي وش جابني للصيد
..... حراماً من حزامي كان عدت ما اتعودها



/

مطلق عبيان :






يدور في رأسي وأنا أدور! موضوع
موضوع إبن برمآن والطير والداب

/


محمد بلال :






الورع صايبته الراعه = والخوف خيّم على قلبه
يدور مع عقرب الساعه = كنّ الثواني تدلل به


/


أحمد خليفه الأسعدي :







الورع ضاري بـ/اللعابي يجمّعها
واللحين لاوالله نسى الابتسامه

خم الحديده وابتلش معها
ومن ماحصل قامت تراقل عظامه

روّعته أ/سمكته وروّعها
والكل منهم ما يبا الاّ السلامه


/


وجد :






يــا تــل قلـبـي تــل سـنــارة الـــورْع
أوْمـا بهـا واوْمــت معالـيـق قلـبْـي
أسْرع بصيده مير ما فاده السّرْع
يـــومٍ تـــروّع حـــطّ رجـلــه وهَـرْبــي
مـا كـنّـه إلا مـاخـذ بعآلـمـي فــرْع
يدور ويحدّه علـى عسْـر دربْـي !



/

عبدالعزيز المرشدي :




مدري سمك والا الغليّم لقا ضّب
........................ بس الوكاد ان الغليّم يخمّس

يفرّ حول السيخ والا تقضّب
...................داعس وجايب سرعته ومتحمّس

اول مزح وبتاليتها تغضّب
.................... ارتاع واصبح للهروب يتلمّس


/

فهد بن عبدان :






رحت / لكني مثل مارحت جيت
السمك - مافيه مثل عنادها

صادها غيري وأنا فيها ابتليت
عاقبتني واتركت صيادها


/

محسن الهفتاء :






يالله انـــــــــــك لا تـــعــــيــــد الــــصــــيــــد بـــالـــســـنـــاره
طيرت عقـل الصغيـر وقـام يرفـع صووتـه
يـــــــــــوم وقـــفــــهــــا وصـــــــــــارت بـــالــــهــــواء دواره
وابتدى صفق الهبـووب وروحـت مفلووتـه
والصـغـيـر ويــــش عــرفــه الـبـحــر واخــطــاره
من يلوومه يحسبنه ... صايدّ له حووته


/

عبدالله الرقيب :




ياورع مافيك بركه = والله يعوض والديك
ان كان تفجعك سمكه = يابوه منه انفض يديك


/

سيف صالح الدلبحي :




دوري وأنا أدور والأيام دواره // والبحر عرضه وطوله غير مقنعني
شقاوتي طبع والأحلام جباره // مادمت موجود لي حجمي ولي وزني
وإذا وقعتي ضحية (طِعم ) سناره // بدري على حضرة الصياد يخدعني

/

شاعرة نجد :





لـ.الـصــيــد متـعـه..مـايـقـدّر ثـمـنـهــا
وأنا بغيـت أستمتـع اليوم..وابْلشـت
صدت سْمكه(يُم)شفتها خفت منها
وخليتـهـا بسـنّـارة الصـيـد وانْحَـشـت


/

عقاب العضياني :





الطفلـة اللـي تصـيـد الصـيـد خانتـهـا
أمــن البـرائـه شجعتـهـا عـلـى غـفـلـه
تــورطـــت يالله أدخـيــلــك بـصـيـدتـهـا
مثل ماقد ورطت الصيده مع الطفله


سلطان العطاوي :




الـعـيـش يـازيــن الـبـنــات الـغـنـاديـر
مـــا عـــاد يعطـيـنـا عـلــى مشتـهـانـا
هـاذي هـي الدنيـا , مداهـا تـداويـر
مــن ويـــن مـــا رحـنــا ورانـــا ورانـــا
ومع كل باب تشوف فعل الهوامير
فـأنـفـوســنــا وأفــلــوســنــا وأقــربـــانـــا


/

أحمد رده الحارثي :




دام مستقبلك يا الذيب مجهول المصير
ما هو ابمستغرب الخوف من شي تملكه
لا تخاف وقو قلبك يصير اللي يصير
واعتبرها تجربه من صغرك مع سمكه
لا كبرت وطحت في سوق الاسهم يا الامير
تعرف اتصدى لهامور سوق المملكه

/

شاعر مرقابي :




اللي سواتك قد ملى قلبه الخوف
ماهوب لا صايد .... ولاقاله الله

سنارتك كّنها تقول أنظر وشوف !
كم شخص يكسب شي ماهو هلِن له


/

عبدالرحمن السمين :





مالك ومـال السمـك والنهـر والسنـاّره
دوّر لصيدٍ يناسب لك وتحرز مسكـه
لو قعدت تلاعب الكورة بوسط الحاره
أطيـب مـن العلـة اللـي ماوراهـا فكّـه
كـل طيـر ٍ يشبعـه مخلابـه ومنـقـاره
لا تظلّي مثـل مـن كفّـت يديـه الربكـه


/

فيصل بن عويمر :




خـلـي وهــذا الطـفـل فيـهـم / تشـابـه
اللـي بعـد صيدتـه / ينـحـاش منـهـا
مــن يـــوم ولـعـنـي / وعـــزم غـيـابـه
وصدق المشاعر / ميته في كفنها .


:

على هامش الموضوع بدون ذكر أسماء ،


_ شاعر مرقابي ( ياعبدالله أنا هالأيام مالي في الشعر تقول مغصوب عليه ماغير أطقطق طقطقت بنقالي في ورشه وماجاء حياه الله وماراح مادورته . رديت عليه : ثق تمام الثقه لو طقطقت على الصوره راح تكون طقطقت برفسور إلماني في معمل مفاعل نووي ومايدوام في المعمل إلا ساعتين ومن يوم يدخل المعمل وكل الأنظار عليه .

_ شاعر مرقابي ( الرساله أرسلتها لك مع المندوب . أبشرك أنها وصلت ومندوبك سنافي مثلك جابها في أسرع وقت .

_ شاعر مرقابي ( يبدو أن الاحداث اللي في المرقاب العام مع القيصر آثرت فيه وصار عدواني ولايثق في أحد : يقول لي : ( يانصاب وأنتظر موضوعك يالبناخي كنه يوم يقول أنتظر موضوعك ماهو مصدق )،
وهلء بعد ماشفت الموضوع أعلاه أيش الهرجه ! .

_ شاعر مرقابي ( عنده أمتحانات الله يوفقه ويقول لي أنت أمتحنتني بالصوره اللي مدري كيف صايره .

_ شاعر مرقابي ( كل ماراسلته ولا كلمته في موضوع يقول أنا مشغول ما أحك راسي دزيت له الرساله وكلمني بالجوال قال الموضوع متى آخر موعد له قلت الأثنين مابعد القادم قال آشوى آشوي ههههه ولاشفته .

_ شاعر مرقابي ( عنده أختبارات الله يوفقه ومن الضغط النفسي في الأختبارات قالب كويتي يقول أنا عندي أختبار الصبيحه وهذي الأبيات مالت المقطع وأنا عجزت أذاكر كل ماذكرت الصوره قعدت أضحك .

_ _ شاعر مرقابي ( يقول أنا من يوم تزوجت والقريحه صفر على الشمال لكن هذا تعليقي كان أعجبك لاتعلم به أحد حتى مايأخذ فكرتي ويوظفها أحسن مني كنه يرد على شاعر مرقابي في أقتراحه اللي وصلني .
/


الشعراء اللي وصلتهم الرساله ولاعلقو . كان يبون يشاركون تشرفني مشاركاتهم واللي ماراسلتهم يعذروني والله أني راسلت المتواجدين بلا أستثناء يعلم الله وكان يبون يشاركون يشرفني ذالك . والموضوع للجميع مرحبا ومسهلا .



دمتم بكل خير جميعٍ .

عبدالله الفرحان
يعلم الله اننا فخورين بگ وبجهودگ وحضورگ الجميل

قرأت من الابداع هنا مايثلج الصدور
صحة ألسنتهم وبيض الله وجيههم شعر من مصدره وابداع كبير


لكن اخر موعد كان الاربعاء >>> علم على نفسه

تحاياي يابو عابد

^

^

وراك يا أبو مالك كبيت العشاء .
أنا اللي والله فخور و تشرفت بتواجدي بينكم يعلم الله .

أما الحادث المروري اللي صار في العنوان ماله حل ( مسابقه غربيه ) ياليت تعدلونها لـ غريبه وبعذري لو طلسمت لي ساعتين أنقل وأكتب وأنسق الموضوع

وسلمتو ودمتو

الله يعطيك يالعافيه يا عبدالله

صراحه جهد كبير وجميل


الا يا بلشتي يا نشبتي وش جابني للصيد
..... حراماً من حزامي كان عدت ما اتعودها







لاهنتو لاهنتوا

الله يبيض وجهك ياعبدالله على هالفكرة للإمانة متميزة وجديدة وفيها أختبار قدرات
ماشاء الله على المرقابيين والمرقابيات للأمانه مافيهم أللي ماتميّز بشيء

بعض الابيات أعجبتني فكرتها وبعض الأبيات أعجبني تركيبها وسلاستها وبعض الأبيات قافيتها العسره لفتت نظري
صحت الألسن والأفكار على هالأبيات . كل شاعر مرقابي شارك أثبت مدى مقدريته على ترجمة الصورة المتحركة ويستحق صوت

بيض الله وجهك ياصديقي الفرحان وإن شاء الله بعدين أشارك كـ شاعر مرقابي بأسلوب شاعر غنامي وأفوز

الله يعطيك العافيه ياعبدالله على هالمجهود الطيب والفكره الاطيب

للامانه مجهود حرك المياه الراكده

وصحت السنة شعارنا الاعزاء والصوره مميزه والشعار ابدعوا في قرائتها كلٍ حسب منظوره

تحياتي لك ولكل من مر وسيمر من هنا

حجز ملكي لموضوع قمه

المشاركة الأصلية كتبت بواسطة مشخص السلمي

الله يعطيك يالعافيه يا عبدالله

صراحه جهد كبير وجميل


الا يا بلشتي يا نشبتي وش جابني للصيد
..... حراماً من حزامي كان عدت ما اتعودها







لاهنتو لاهنتوا

يامرحبا يا مشخص والله يعافيك ولاهنت وشرفني تواجدك في الموضوع .

المشاركة الأصلية كتبت بواسطة عقاب العضياني

الله يبيض وجهك ياعبدالله على هالفكرة للإمانة متميزة وجديدة وفيها أختبار قدرات
ماشاء الله على المرقابيين والمرقابيات للأمانه مافيهم أللي ماتميّز بشيء

بعض الابيات أعجبتني فكرتها وبعض الأبيات أعجبني تركيبها وسلاستها وبعض الأبيات قافيتها العسره لفتت نظري
صحت الألسن والأفكار على هالأبيات . كل شاعر مرقابي شارك أثبت مدى مقدريته على ترجمة الصورة المتحركة ويستحق صوت

بيض الله وجهك ياصديقي الفرحان وإن شاء الله بعدين أشارك كـ شاعر مرقابي بأسلوب شاعر غنامي وأفوز

ووجهك ياعقاب ولاهنت على المشاركه وعلى هالحضور والأطراء ومشاركتك في الموضوع وتواجدك شرفني.
وبعدين هالشاعر المرقابي نكب أخوك نكبه وصار في موقف لايحسد عليه .
البراق مشعان ينفي بلغة غريبه وجهاز المخابرات الساعه 6 أولى معطيني أشاره حمراء أحتمال ضربه في الفنون بنسبه 80% . والتقرير مضمونه يقول أن أشارة مشعان بكلمة ( وحلالاه ياللياقه كان ماعنك وعن الفنون ) فيه أشاره للعملاء أخذ الجاهزيه والحيطه والحذر
وأقرب ماله راح يستخدم معي عنصر المفاجاءه
لكن ياعقاب أنا والله مالي قدره فيه كان حصل شي لاتذخر عن أخوك شي .

المشاركة الأصلية كتبت بواسطة بدر ناصر المورقي

الله يعطيك العافيه ياعبدالله على هالمجهود الطيب والفكره الاطيب

للامانه مجهود حرك المياه الراكده

وصحت السنة شعارنا الاعزاء والصوره مميزه والشعار ابدعوا في قرائتها كلٍ حسب منظوره

تحياتي لك ولكل من مر وسيمر من هنا

يامرحبا يا أبو ناصر حياك الله ، والله يعافيك أول شي على المشاركه وثاني شي على هالحضور والأطراء ومرورك يشرفني ولاخلاء ولاعدم .

المشاركة الأصلية كتبت بواسطة وجــد

حجز ملكي لموضوع قمه

أختنا القديره وجد حياك الله وفي أنتظار مرورك

المشاركة الأصلية كتبت بواسطة مشعان البراق

,




ههههههههه منك لله !

إعلان براءه ذمه :
يالربع عبدالله يبي يوّلع القتنه : ) أبيات شاعر مرقابي هنا ماهي لي - والرساله لاوالله لي ,

حلالاه ياللياقه : كان ماعنك وعن الفنون : ) ,

تسجيل حضور ع السريع ,
ولي عوده متأنيّه وقراءه كذلك , وموضوع تشكر عليه يابو عابد !

: )

: )

مرحبا حيّ الله البناخي .

أبو محارب مافيه فتنه ولاشي جعل عمرك يطول ، الابيات ماهي لك : ) ، والرساله بعد ماهي لك وش تبي بعد .
واللي أهم من ذالك مرورك اللي شرفني ،
وبخصوص الفنون أنت تعرف غلاك عندي ولازم أبوح لك بسر تكتم عليه محمد رشيد الفنون من عقب أحداث اليابان يقولون أنه تسرب فيه إشعاع نووي بشكل كثيف وهالأشعاع ماتبدء أعراضه إلا بعد 5 سنوات لذالك يجب عليّ أنوه وأقولك لاتقربه ،



أبو محارب لاخلاء ولاعدم

عبدالله الفرحان

تراني زعلان عليك زعل ٍ كبر سنجار وطويق الحافي : )

هالحين انا متواجد من فتره وشاعر لايشق لي غبار ماارسلت لي الصوره اكتب فيها اقل شي عشرة ابيات خخخخخخخخخخخخ

<< من سمع كلامك قال سداح على غفله : )

موضوعك قمه وافكارك جهنميه يابعدي

قريت كل الابيات اعجبتني حييييييييييييييييييل ياعنك انهم ابدعو جميع

المره الجايه ( يمقن) اشارك معهم : ) <<< سامعها من الجيل التالي

<<< هب ياجيل بندر ابن سرور

فالنهايه اقووول

( الله لايحرم المرقاب من مثلك وشرواك )

جعلك تعرس يابو فرحان ..

ما قصرت ..

جهدك ملموس ..

ووجهك ابيض .

وصحت السنت الربع كلهم ما قصروا .

المشاركة الأصلية كتبت بواسطة مشعان البراق

^
^

لو اللياقه أوكي ماعلي من النووي : كانت أشبه بـ الكمامات : ) ,


الأكيد : إني من اليوم أقراء التعليقات ,
ووجدت الإمتاع قرين لـ الإبداع ,

جهد تشكر عليه : ولله درّ جميع من كان له هنا حضور ,

كل الود . ,

:

: )

أدري مافيك حيله ولاعليك من النووي يالبرفسور الإلماني ، بس الحمد لله أن اللياقه هالأيام ماهي بذاك الزود ولا رحنا غلطه .

أبو محارب العفو ماسوينا شي والمرقاب وأعضائه وزواره يستأهلون كل خير والشكر كله للشعراء اللي أبدعو بكل ماتحمله الكلمه من معنى ولولاهم ماشفنا هالمتصفح .


وسم هذي هديه يا أبو محارب وأتمنى أنك تنسى موضوع الفنون ودمت بخير .

المشاركة الأصلية كتبت بواسطة ناصر الشيباني

عبدالله الفرحان

تراني زعلان عليك زعل ٍ كبر سنجار وطويق الحافي : )

هالحين انا متواجد من فتره وشاعر لايشق لي غبار ماارسلت لي الصوره اكتب فيها اقل شي عشرة ابيات خخخخخخخخخخخخ

<< من سمع كلامك قال سداح على غفله : )

موضوعك قمه وافكارك جهنميه يابعدي

قريت كل الابيات اعجبتني حييييييييييييييييييل ياعنك انهم ابدعو جميع

المره الجايه ( يمقن) اشارك معهم : ) <<< سامعها من الجيل التالي

<<< هب ياجيل بندر ابن سرور

فالنهايه اقووول

( الله لايحرم المرقاب من مثلك وشرواك )

يامرحبا بالأمير حيّ هالنك إي والله ،

والعذر مني يا ناصر كبر جبال السراه وكثر ماطار فـ السماء من طيور وكثر مادرهم المقهور وكثر ماوده الوابل وكثر ما أرضع الشاوي ،

والله أنك على البال يعلم الله مير يوم أرسل للأخوان كنت غايب عن الساحه ياناصر ولا لك صوت وكان غيابك غياب العظماء الذين أذا غابو لايغيب لهم ذكر على الألسنه وحضورك كحضورهم طاغي على كل حضور ،

وبخصوص الأفكار تأكد أن اللي عند أخوك بعض من اللي عندك و لاهنت على الأطراء يالغالي .

ويمقن يجي موضوع ولافكره جديده ثم تراك أول من راح تجيه رساله خاصه خل هيدا الشي عندك في الحسبان وأنتظر مني رساله في قادم الأيام .


الرمز ناصر الشيباني شرواك الطيب و الله لايخليني منك وسم .

المشاركة الأصلية كتبت بواسطة عبدالعزيز المرشدي

جعلك تعرس يابو فرحان ..

ما قصرت ..

جهدك ملموس ..

ووجهك ابيض .

وصحت السنت الربع كلهم ما قصروا .

مرحبا ياعبدالعزيز وجزاك الله خير هالدعوه ولاهنت .
وبيض الله وجهك على المشاركه وصح لسانك وعلى هالحضور والأطراء وشرفني تواجدك وسلمت ودمت .

المشاركة الأصلية كتبت بواسطة عبدالله الفرحان

الرمز ناصر الشيباني شرواك الطيب و الله لايخليني منك وسم .

شكرا ً على الورده بس يقولون الورد فالبرد يعور فالبطن

<< ابك انت بتأكلها والا بتشمها : )

سامحني على مداخلتي مره ثانيه ..

من فرحتي فيكم اخمكم واخطيكم من الشوق

الله يرد ااخويانا الغيّاب ولانفقد المتواجدين

ذكرت شطر لـ وصل العطياني في محاوره

( هذي سلوم اهل الهواء حب وافراق )


يمقن يكون لي مداخله مره ثالثه

<<< تراك مسختها عااااد خخخخخخخخخ

المشاركة الأصلية كتبت بواسطة ناصر الشيباني

شكرا ً على الورده بس يقولون الورد فالبرد يعور فالبطن

<< ابك انت بتأكلها والا بتشمها : )

سامحني على مداخلتي مره ثانيه ..

من فرحتي فيكم اخمكم واخطيكم من الشوق

الله يرد ااخويانا الغيّاب ولانفقد المتواجدين

ذكرت شطر لـ وصل العطياني في محاوره

( هذي سلوم اهل الهواء حب وافراق )


يمقن يكون لي مداخله مره ثالثه

<<< تراك مسختها عااااد خخخخخخخخخ

يامرحبا يالأمير الورده ياناصر هذي قاطفها قبل تهريفة الشمس ويوم أقطفها عرقها لين ،
خلها عليّ ماتضرك يالسنافي ، ياناصر أنت بعد رجعتك الأخيره صاير رومنسي
وكلامك من فرحتي والشوق وهذي سلوم أهل الهواء !

وش السالفه .

و مرحبا فيك وفي مداخلاتك القميله اللي تعطي المتصفح أضواء

المشاركة الأصلية كتبت بواسطة مشعان البراق

/




[aldl]http://www.qzal.net/01/2012-01/13271794001.jpg[/aldl]

قل لي : إنه كباب عراقي , وأنسى النت كله !


:



عليك أطباق مدري منين تجيبها ,
لو ماتعشيت - كان ماعن المشاوي هههه : لا خليت منك يابو عابد ,

وما أبرك منه موضوع جاب الطبق ,

:

افااا عليك يا أبو محارب إلا طبق كباب عراقي واللي مضبطه أبو سمير هذا سلمك الله كان يشتغل عند أخو هدلا
لمدة 30 سنه معلم شوي وبعد أحداث 2003 ترك الشغله . وهو اللي ضبط هالطبق مير فاتك أشوف ناصر الشيباني له وقت في المتصفح يوم شاف الطبق ويقول أخمكم وأخطيكم من الشوق وأنت خابر الذيب مايهرول عبث ،

لايفوتك الطبق يا أبو محارب قبل ناصر لايخلص عليه وأهم شي لاتنسى النت كله . الفنون وبس .

ياعبدالله موضوعك ناجح 100%

وفكرتك راااائعه وانت رائع وشعراؤنا اللي شاركو رائعين

الله يبيض وجهك ولايهينك على مجهودك الطيب يالطيب

المبدع / عبد الله الفرحان

هذي منقية وضح وانت راعيها << متاثر بالمزاين

الموضوع مميز والبيوت اللي شاركوا بها الاخوان والاخوات قمة في الروعة

مجهود تشكر عليه

صح لسانك انت وصح لسان كل من شارك هنا

وتقبل فائق تقديري