 |
 |
 |
||
 |
 |
|
|
|
|
||
|
|
|
 |
 |
 |
 |
|||||||||
|
||||||||||||
 |
 |
 |
 |
|||||||||
| ..: مرقاب الرّكن الهادئ :.. ابــداع بــلا ردود!! |
 |
|
|
أدوات الموضوع | ابحث في الموضوع | انواع عرض الموضوع |
14-12-2010, 06:11 PM
|
#45 | |
|
(*( عضو )*)
|
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تنقاد في الواجب هجوسي وتنساق = حي الهجوس اللي تجي في وعدها ماهي بلحية حبر وأقلام وأوراق = لكنـّها تنهلّ ما أحسب عددها مواقفٍ شتـى من جلال ودقاق = هذيك أشيد بها وذيك أنتقدها واليوم ملزوم إني آقف على ساق = وقفة نقا لا قبلها وْلا بعدها قدام وجه اللي على الطيب سباق = والمرجله قام وخذاها بيدها زاكي المناسب والمحاسب والأعراق = هذيك يرقاها وهذي صعدها سلايل اللي صيتهم عم الآفاق = روس الرجال ومن زرعها حصدها سلايل محيّا بعيدين الأعماق = ذخر القبيله وأروقتها وعمدها وبن ناصر محمد بلا كذب ونفاق = ما مات وأقوالي صحيحٍ سندها مادام أبو مانع هنا درع ورواق = رسـّى قواعدها وثبت وتدها علي علي لا يبست أرياق وأرياق = وقف لها من دون فيها وقدها راسي ومتسيد وعارف وتفاق = في شدة الأزمان والاّ رغدها عملاق في كل المجالات عملاق = فيه المراجل كلبوها نجدها للطايله دايم على طول تواق = ولو المكارم ناس راسه بلدها عشاق للعليا اذا قيل عشاق = عشاق راحتها وعاشق كبدها كفه سحابة جود وأن لاح براق = همالها ودّه يسابق رعدها والطيب واحد في مغارب ومشراق = قدايم أوصافه تشابه جددها لكـنّ أبو مانع بطيبه كذا فاق = كل الشيوخ أن جت بكامل جهدها يشفق على شوف المسيّر تشفاق = في بهجة أيام الحياة ونكدها بين أرحبو ولسانه بنود ميثاق = روح أرحبو طيبه وفعله جسدها راعي هلا يامرحبا جمع وسياق = ماقال ويش عْدادها من مددها يصدع بها في ليل وغروب وإشراق = وأن قالها لي ودي آقول عدها حيث إنها تشرح لي الصدر لا ضاق = وتنسى بها نفسي عذابً ضهدها وكم واحدٍ غيري ليا سمعها فاق = وأفرد حجاجينٍ زمانه عقدها يقلط وفي المجلس له البن منساق = مابين نمر القاصيات وفهدها على سنام وكبد وشقاق وشقاق = ومعزبه ريف الضيوف وسعدها ومعزبه في الصامله يدبل الطاق = يقطع عروق المعضله في مهدها وأن ثقلت الحمله ولاعاد تنطاق = برك وشال وكنـّه يقول زدها وأن صار لبحور الدواهي تصفاق = ملا وجيه أمواجها من زبدها وإليا تساوت له مفاريد ونياق = أستاقها عن شفها ما نشدها وأن شافها مابين راعي وحلاّق = قفــّى وخلاها لهم ما طردها وأن هي مزارق طيب ومْكارم أخلاق = أسقى رشاش مزونها من بردها له كلمةٍ ماهي تلصمق تلصماق = يقدح بها وإليا أعتمدها أعتمدها والسلعة اللي جات في كل الأسواق = دراهمه في مثلها ما نقدها معلاق للبندق وللسيف معلاق = يعني الثقه بالنفس ماقد فقدها صليب راس ويلوي أعناق وأعناق = وكبدٍ يداويها وكبدٍ لهدها عريب ساس وعانق القمه عناق = وأصفى مواريد المراجل وردها رفيع ذوق من رفيعين الأذواق = ضمن الدهاه آصنفه بل هو أدهى هذي حقيقه تنوخذ قبل تنذاق = ماهي هروج آظنـّها وأعتقدها آسوقها مابيني وبينها سباق = مشاعري تنهــد ساعة هددها حاولت أرتب كل بيتٍ بما لاق = وأهل الحسد تاكل وتشرب حسدها ماغير روس أقلام يا كل ذوّاق = والصدق أبوها مثل ماهو ولدها وأدري إن أبو مانع لذا المدح ما تاق = وأكبر من القيفان واللي رصدها لكـنّ باب وطارق ومعه طرّاق = مدّو مطـوّاها وحلّو عقدها الشيخ أبو مانع بلا لفق لفـّاق = فيه القصيده نومست من قصدها عمّ ونسيب وشيخ ماهي تلصّاق = وأن كبرت القالات قام وصمدها جيت ألحقه ما ينلحق بأي ملحاق = هو ذيبها هو نمرها هو أسدها قلت الهجوس اللي تقاود وتنساق = سقها لأبو مانع ياراسي وقدها ! [/poem] |
|
من الذكـاء متابعة طاش ما طاش
........ وأكبر غباء إنـك تتابع خـواطـر ! 
|
|
14-12-2010, 07:49 PM
|
#46 | |
|
(*( عضو )*)
|
[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا فهيد إش صار بعدي على الخط السريع = كيف رحت العاصمه والخطوط مغبّره لو دريت إنك لقطع الفيافي تستطيع = كان خاويتك وكسر العظام نجبّره الدليله ضاع لو قالو إنه ما يضيع = ياسلام الله على من لقاه ودبّره إنتبه يافهيد تمشي على درب القطيع = وإنتبه تمشي ورى العالم المتكبّره حط أبو عبدالصمد فوق أبو عبدالسميع = وإعتبرها كلمةٍ هادفه ومعبّره قالها آل الشيخ وأثنى عليها بن منيع = والبشوت ممتـره والثياب مشبّره المطنش مادرينا غبي والاّ لكيع = بس ندري إنه مطنش ولاحدٍ خبّره مايزعلنا المصوّر ويرضينا المذيع = وما تميل الروس ونفوسنا متصبره من نشد يافهيد وش كبّر الورع الرضيع = قل حليب أمه يداوم عليه وكبّره ! [/poem] |
|
|
|
|
16-12-2010, 11:55 PM
|
#47 | |
|
(*( عضو )*)
|
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الفرص يا سيّدي تبغى إنتهازه = ورجعتك فرصه ولا يمكن تفوّت مرحبا باللي جميع الطيب حازه = مرحبا وأقدح بها وأجهر وأصوّت من صداها صار في الكون إهتزازه = ولعنبوها كان مادوّت ودوّت أبك حنـّا في غيابك ماش عازه = وأبك حتى وجيهنا بعدك تشوّت كل واحد حط حيله في جهازه = والجهاز أنغث وسلوكه تلوّت ويوم جيت وجيـّتك أكبر مفازه = عان حتى عروقنا الذبله تروّت وعان حتى خريص بتروله وغازه = أسفهلـّت لك وبقدومك تقوّت مير قل لي وين قضّـيت الإجازه = ولا تحوص ولا تلوص ولا تلوّت لا تقول السالفه ماهي بطازه = العرب ما قد جهلنا ويش سوّت واحدً يجـّز ولا يختم جوازه = إعرف إنه في بهاذيل ومشوّت دام شفت التوت الأصلي في قزازه = تتركه والاّ يبو مشعل تتوّت ! [/poem] |
|
|
|
|
03-01-2011, 05:51 PM
|
#48 | |
|
(*( عضو )*)
|
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الهبوب اللي تحرّك مستريحات القرايح = هبـّت البارح شماليه على خشم القريحه وأبتدى مسرى الهجوس ومشيها حسب اللوايح = والسما حدّ المدى يا ليل والدنيا فسيحه مدّها كف الجزيل وشدّها كف النصايح = بابها باب السلام ودارها الدين النصيحه مبتداها صلو جمر ومنتهاها ثلج سايح = وبينهم قال الصريح اللي عباراته صريحه راسي مصدّع ووجهي من ظروف الوقت شايح = لكن عيوني تشوف الدرب ولساني فصيحه كيف أتوب من الذنوب اللي تخلي الحظ طايح = وقـْدمي تقطع بي الفرجه ولي قومه وطيحه ليت عطر الملهمه يوم أقبلت ماهو بفايح = كان ما أشغلني عن أهدافي عسى الله لا يبيحه كيف هامات الرجال اليوم تكسرها الروايح = والقضيه كلبوها بس من لمحـه وليحـه ! يا عنى عيني ويا صبري على مايح وجايح = الأجر عند الله ومدات الخلايق لي شحيحه والسنين مداوله والناس مجموعة شرايح = لو تناسبني شريحه ما تناسبني شريحه من هنا صوت الونين ومن هناك صياح صايح = ونــّةٍ في سد ونـّه صيحةٍ في سدّ صيحه ضعت وأشغلني الزمن والقول ماهو جاي رايح = شاربي يحمي كلامي شر مهجاد وصبيحه عند سوّام الفحول وعند سوّام المنايح = ما يصح إلاّ الصحيح وما تصح إلاّ الصحيحه قبل تنشب حرب ما بين الصحايف والصفايح = ليت عنوان الصحيفه يحترم حد الصفيحه يا منحـرّة الجمال ويا مذبـّحة الذبايـح = إحتمو كبد الجمل لا تلحق لسان الذبيحه ما يرد اللي كلا سرحان دمع ونوح نايح = يا مليح الصوت بعد الفوت ما رجـّع مليحه! أبعدي يا أم الطشيش وقرّبي يا أم الجوايح = الجوارح مستريحـه والضمايـر مستريحـه من سماي يطيح نجم وفي سماي يلوح لايح = والجبل راسي وعاتي النود والله ما تزيحه [/poem] |
|
|
|
|
03-01-2011, 05:56 PM
|
#49 | |
|
(*( عضو )*)
|
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] شكلي يا أبياتي الجـزلات لجنه = دامني يافهيد من دونك فـداوي
كل عين وكل خشم وكل وجنه = فدوتك يافهـيد يالحُـر النداوي والثمر يافهيــد مما تغرس إجنه = لأن غرسك راويً ماهو بذاوي من وقف ضدك لزوم إنا نعجنه = بالرماح وبالسيوف وبالعـزاوي الأحمري ناصر ليا من ساق هجنه = والله إن تارد على العد الرهاوي وأن تعدى الحد فيحان أبن حجنه = قلت أنا ماني على فيحان قاوي مير بآخلي الملك يامر بسجـنه = في قليبً من ورى عبْلة ملاوي [/poem]! |
|
|
|
|
03-01-2011, 06:07 PM
|
#50 | |
|
(*( عضو )*)
|
قال لي بلاّش الهاجري ذات يوم
 : [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] الصدر ضايق حيل والفكر منحاس = والهم باني فوق قلبي عماره اسج رجلي عند ذودي عن الناس = وأهل عبراتي براس الزباره الحب عيا ينطحن داخل الرأس = واصارع الهاجوس تاره وتاره ياناصر المنعور ياطيب الساس = الطيب و الناموس شبيت ناره أبغى الذي يجلي كدر كل عوماس = غروٍ نهب قلبي وقطّع ثماره أمال وصله صارت اليوم يباس = جعل الحيا يذكر بداري وداره ذكره يلج ابخاطري لج الاجراس = منين ماوجه جذبني مداره (لا والله ألا حال من دونه اليأس) = والبعد والهجران حطه شعاره [/poem] فقلت له يا بلاّش : [poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] أعوذ بالرحمن من كل وسواس = وبسم الله الرحمن مبدا العباره من بعدها ترحيبةٍ مالها قياس = والفال في الترحيب والعلم شاره لا والله إلا ماترى الضيم والباس = حتى لو إن ضيم المحبه طهاره وأبشر بعزك كل الأخطار تنداس = أن عوّدت للهيمنه والجساره وأن هي مزارق طيب وأبواب نوماس = فربعك هل الناموس وأصل الأماره أطرف بني هاجر شقردي ونبراس = خذه معك صوب العرب في زياره وأطلب تجد والوضع ماهو بحساس = هذي الشياره كان تبغى الشياره وإلا فعذ بالله من كل خناس = وإدعه وخذ لك ركعتين إستخاره إنس المحبه والهوى بين الأقواس = من يطرد المقفين يلقى الخساره اللي يعرّض لحيته حد الأمواس = إيقلّ مقداره وينقص وقاره وأن قلت لي ماس وذهب ماهي نحاس = قلت إعتبرها راس مال وتجاره ياتغتني ياتشتكي ضيم الإفلاس = يعني ترى الموضوع ربح وخساره ! [/poem] |
|
|
|
|
04-01-2011, 12:43 PM
|
#51 | |
|
(*( عضو )*)
|
على طاري قال لي وقلت له .. قال لي أحدهم ذات مساء :
[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] أبن عسبل في خطابه = وحّد الله وابتدى به والموجّه صوب ناصر = علّه يليق بجنابه والسبب ماهو بواحد = واجد وماهي تشابه وأنا بأورّد حداها = يرجح بفزعات لابه يوم كلمته وجاني = ماقفل بالعذر بابه قلت كبرت قال هانت = أشهد إنه يعتزابه ثم جاني بالبشاره = بعد ما غامر وجابه قلت هونت العسيره = قال لا عاشت شبابه الرفيق بلا رفاقه = مثل من وخذت ثيابه أنا سيفك في الطلايب = وأنت لي ياخي عصابه قلت وافي يابن عمي = في زمانٍ لا وفابه منكرك مشلول يمنى = تكسر الخيبات نابه وعارفك ياطيب حظه = من رفيق ومن قرابه معرفة ناصر تجاره = ومعرفة غيره صبابه بارك الله في حلاله = وبارك الله في شبابه بارك الله في حضوره = وعونة الله من غيابه ويسر الله مايريده = وكلله ستر ومهابه والصلاة على محمد = وآله وكل الصحابه [/poem] فقلت له : [poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] أبن يحيى في جوابه = عاذ بالله وألتجى به ثم رحب بالرساله = والمراسل مرحبا به أرحب أرحب يبن عمي = يبن عمٍ يقتدى به أقتدي به في القرايه = وأقتدي به في الكتابه وأقتدي به في الشكاله = وأقتدي به في الخطابه وأقتدي به في الفعايل = والصمايل والدعابه وأن قضيت إلك اللوازم = لا غرابه لا غرابه أولتها فأنت قدوه = في سلام وفي حرابه وثانيتها يبن عسبل = دعوة الرفقه مجابه والرفيق إليا أعتزى بي = يبشر بفزعة ذرابه والله إن آقوم حتى = يضحك حجاجه ونابه عقب اللي دس راسه = عن ندا أصحاب وقرابه أشهد إن اللي تدسدس = عايب ونقص وزلابه ما يقلط في المجالس = من تولع في الخرابه قالها اللي لا تكلم = جنب أسلوب الرتابه وأنت ياعبدالله إسمع = وش تبقى من جوابه ثانيتها وأولتها = واجب وأما ثوابه ثالثتها ثالثتها = سلة السيف وجرابه ذاري البر ذاري البرّ = أشهد إنه ما أشتقى به وأنت ياخطل الأيادي = ماذريت الا الذرابه كم زهمتك كم نصيتك = كم وكم وقفة حزابه كم لزوم لي قضيته = لا قيود ولا نقابه السما والبحر لو هم = إخصما لي في طلابه وأنت بعد الله عويني = قمت والقومه مهابه والسما لو قمت ضده = ويش نجمه من شهابه والبحر لو جيت نده = عزت أمواجه عبابه أشهد إن ديدنك واحد = في صفا الجو وضبابه ولك علي من الجمايل = فوق ماقد قيل يابه غيرك يحسّب جميله = وأنت ماتحسب حسابه تفعله وتقول يالله = عندك أجره وإحتسابه جعلها لك في سعاده = وفي غناه وفي رحابه وكل دعواتك عساها = عند ربي مستجابه وجعلني في رحمة الله = فإعْملي ماينبدا به أجتهد وأصيب وأخطي = يـا حماقه يـا لبـابه ! [/poem] |
|
|
|
|
11-01-2011, 09:11 PM
|
#52 | |
|
(*(عضو)*)
|
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
روزنامة العمر تحمل للبنادم كثير =تعطيه من صرّة احلامه وتاخذ منه احيان تاقف رحى الدنيا ولا تستدير = واحيان من دون ما يشعر بها تطحنه تفقّر اكبر غني وتغنّي اكبر فقير = وتسرّي الآدمي فالدرب غصباً عنه ماعاد يدري وش اللي في حياته يصير = لاصار مافيه شيٍّ في يده يضمنه يارحمة الله على الذمّه وحكم الضمير = في وقت حدّ المراجل واطلق الألسنه ومن لاتحزّم بجنبيّه وسيفٍ شطير = تشيل يسراه موته واليمين كفنه ومن لايحرّك جناحينه سوى مايطير = حتى لو انّ الفضا ملكه والارض وطنه حلمت لي حلم ياناصر غريب ومثير = يمكن لو يمرّ غيري ثانيه يفتنه وانته مفسر حلوم من العيار الخطير = قلت انشدك عنه ماغيرك يبا يذهنه حلمت وليا انّ قدّامي مطيح البعير =واللي يبا ينحره واللي يبا يطعنه وحوله ثلاثين ميّاسه وخمسة حمير = في غابة الاردنيّ اللي بدون اردنه نادى ولبّا نداه الحارث ابن النصير = اللي رمى المستحيله في يد الممكنه وربَط طرف عمّة الصارم ببشت الوزير = وبيّن بعين الحياه المعتمه معدنه من باب بذل الجهود يعيد رسم المصير = في حاجةٍ تقتل الرجّال ماتغبنه لو كان همّه من الدنيا السمن والمضير = ماعاف زاده وخلّى للسباع صحنه لكنّ موته ورى الظلع المتين القصير = ان كان نبت الحسا سمّه يهد بدنه وان كان ماجات من كف البخيل الغرير = تجي بكف المريض اللي يزيد ضعنه والعلم مابين ابو الطيب وحضرة جرير = واليا بدا منه شيٍّ بالخطا يدفنه[/poem] |
|
|
|
|
07-02-2011, 03:53 PM
|
#53 | |
|
(*( عضو )*)
|
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يسعد مسا الورد وألوانه ونفح العبير = ويشقي مسا الشعر والتلحين والدندنه هذي تهيـئك للنومه على أنعم وثير = وهذي تحدّك على شاعر يجـرّ لْحـنه متناقضات الحيـاه أشكـالها تستثير = الواحد اللي يقول القول ويبرهنه هذا زمان إدهن السير ولعلّه يسير = في بعض الأشيا مع العقّال والورعنه وفي بعض الأشيا سكرتير المدير المدير = بإيـده عنان القرار القيدني ورْسنه ملعون خيّر ومتغطرس وملعون صير = ما يندهن سير مثله لو بغيت أدهنه بآسير في دبرة البرّ الرحيم القدير = مهما تطول الدروب وتكثر الأمكنه في نجد عابر سبيل ومن نوايف عسير = ولا أحسد اللندني على هوى لندنه أشوف شاشات وأسمع صوت عبر الأثير = أخبار عن كافره وأخبار عن مؤمنه والناس في الشرق الأوسط في صياح وصفير = أوطان تصلى المحن وأوطان مستمحنه مدري أنا آتابع الأحداث والاّ أستخير = وأرجع على ركني الهادي . حرام أركنه ! أن جيت أنبـّط فصيح الشعر عيّا زهير = قلت النبط يا زهير إش رايك تفصحنه وأنا من الله ما أداني فلسفة شكسبير = وأكره هل الكنكنه وأكره هل الحنحنه والاّ أنت يا فيصل البحر الطميم الغزير = راسك مغن القصيد الفارِه ومسكنـه قريت حلمك وإبن سيرين ماله مطير = عن شرح حلمك وتفسيره بما يمكنه تحمّد الله مواري الحلم خيره وخيـر = أن جيته من أيسره وأن جيته من أيمنه لا تزهم عتيبة الهيلا وتنخـى مطير = خلاص روّح زمان الحكم والهيمنه ما يستعاب الرغا ذا اليوم بعد الهدير = في عالم الغش والتدليس والملعنه في الحلم معنى البعير الصبر يا مستجير = والصبر محمود عقبى يوم والاّ سنه واللي يدوّر على الشينه وحوس المرير = بقعا تصوعه وأنا بألْعَنْه وأنت إلْعنِه ماني بطالب من الأعمى يقدّي الضرير = ولا آتفرعن ولا ذي حـزة الفرعنه لكن لقيت البصير وقلت قدّ البصير = لا يقـذف المحصن ولا يقـذف المحصنه جا للخفاره خفير وللسـفاره سفير = اللي على لكزسه واللي على ددسنـه ! واللي يقول البحر هذا بيرجع غدير = قل له تشاؤمك يعني الذلّ والمسكنه تفاءل الخير وإليا قدّر الله غير = فالجهد جاك أسمنه والعذر جاك أسمنه أما نذيرٍ يجي والاّ بيـاتـي بشيـر = وأيات واحد بتدري وش حوى مخزنه عادل إمام ورفيق أيامه أحمد بدير = قدعان بس الفوارق نسبة القدعنه ! عموماّ العلم الأول والوسط والأخير = الصدق خير الكلام ونقوته وأثمنه نضمن خويّ الأمير اللي يحبه الأمير = بس الحقيقه طويل العمر ما نضمنه والعلم ما بين بن جدلان وآبن سمير = يخفيه عيد وسعد للناس ما يعلنـه ! [/poem] .gif "SnipeR (69)") دمتا
|
|
|
|
|
08-02-2011, 06:56 PM
|
#54 | |
|
(*( عضو )*)
|
ناصر الأحمري
* * كم اشتقنا لحروفك حتى تداعب طيات المرقاب وها انت تعود من جديد وتحمل الابداع بين حروفك همسات تلامس الوجدان رسمت لنا لوحه من المشاعر لا يتقنها الا نبض قلبك والله يشهد إني أحبك في الله كنت راقياً في نثر حروفك تستاهل 4 ستار+ التقييم لا عدمنا طلتك الراقيه تقبل مروري المتواضع مودتي^_^ [poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] العرين اللي فقد شوفه لسد=جعل مايفقده مره ثانيه اعتقد ماجاه يمكنه حسد=ساهر وغيره عيونه هانيه[/poem] |
|
|
فيك انت ياكاتب ثلاث ا تجاهات=طبيعة في راعبي الحمامي
لكن يزيد الهم ويزيد لاهات=انك تغير كل يومٍ لسامي
|
|
10-02-2011, 02:17 AM
|
#55 | |
|
(*( عضو )*)
|
لا اله الا الله
علي الطلاق بالثلاث ماعمري قريت مثل ماقريت في ركنك |
|
|
|
|
18-02-2011, 05:53 AM
|
#56 | |
|
(*( عضو )*)
|
 المشاركة الأصلية كتبت بواسطة سيف السناري
ناصر الأحمري
* * كم اشتقنا لحروفك حتى تداعب طيات المرقاب وها انت تعود من جديد وتحمل الابداع بين حروفك همسات تلامس الوجدان رسمت لنا لوحه من المشاعر لا يتقنها الا نبض قلبك والله يشهد إني أحبك في الله كنت راقياً في نثر حروفك تستاهل 4 ستار+ التقييم لا عدمنا طلتك الراقيه تقبل مروري المتواضع مودتي^_^ [poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] العرين اللي فقد شوفه لسد=جعل مايفقده مره ثانيه اعتقد ماجاه يمكنه حسد=ساهر وغيره عيونه هانيه[/poem] أرحب أرحب يا سيف واقسم بالله إنك شرفتني وأخجلتني بمرورك وكلامك وثق تمام الثقه إن كل حرف كتبته هنا يشرفني ويزيدني لاهنت وعساني حول الهقوه بس [poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] من سياسات الأسد فرّق تسد = بس فانـي والسياسـه فانيه أن صلح راس الرياسه وأن فسد = ما أختـلف طلع القطوف الدانيه من حريـر الحبل والاّ من مسـد = المهم إنــّه يجـرّ السانيه ! [/poem] |
|
|
|
|
18-02-2011, 05:57 AM
|
#57 | |
|
(*( عضو )*)
|
المشاركة الأصلية كتبت بواسطة ضيف الله الغنامي
لا اله الا الله
ارحب يا ضيف الله تراحيب المطر علي الطلاق بالثلاث ماعمري قريت مثل ماقريت في ركنك المهم أربّ اللي قريته زين  لاهنت ولا شنت ويعلم الله إنك شرفتني وأسعدتني بهذا المرور طال عمرك |
|
|
|
|
07-06-2011, 10:24 AM
|
#58 | |
|
(*( عضو )*)
|
قلت ذات مساء :
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يا مروي الذايقه ماتت ذوايقـنا = مما نشوفه على أجزا العنكبوتيه مدري زمان البوايق صار بايقنا = وإلاّ السياسات عرقيه وشعبيه اليم قدامنا والموت سايقنا = وأوضاعنا بين هذيه وهذيه والله والله لو ننشر حقايقنا = ماعاد يبقى لهم عشرين بالميه الماس يقنى وغير الماس مايقنى = من قبل دورات الأقمار الصناعيه أما أنت يا عايض موقع وثايقنا = في الجامعات الكبار ومحو الأميه الثانيه منك عشرً من دقايقنا = ودقيقةً منك منـّا اعوام شمسيه تبغى الحقيقه ليا منــّا توايقنا = وقنا وعدنا ورجعتنا طبيعيه وجودك الشعري الفارق يضايقنا = قريحه وهاجس ووزنٍ وقافيّه نسجل ارقامنا بأثمن طرايقنا = وتحطم أرقامنا الغرّ القياسيه أرضيت زعلانكم وأزعلت رايقنا = وعلمتنا الفرق بين الشمس والفيه يا عايض إسمح لنا نسقي حدايقنا = من عدّ (مرساله) وعدّ (البجاديه) وأن كان مارزت أسمانا بطايقنا = رحنا الكويت ورجعنا للسعوديه ! [/poem] فقال مـروي الذايقه : [poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] يا ناصر الأحمري شبت حرايقنا = والمنطقه يا أحمري شبه إستوائيه من قو دخانها ضاقت خنايقنا = وتوسعت عندنا الشعب الهوائيه عوايق الوقت زادت من عوايقنا = والعولمه بين خياّله ورجليه ماعاد نلحق على باقي لحايقنا = في عصر سرعه وسرعتنا جنونيه لو كان هب الهوى وأومت ذلايقنا = ناقف وحنــّا مواقفنا بطوليه واللي على النت لا ماهو بلايقنا = لايق لشخص إنفتاحي وإنفتاحيه ما كل ما شاق خلق الله شايقنا = كلً على نيته والنيه والنيه زادت مشقاتنا كثرت شقايقنا = وأخس الأزمات الأزمات السياسيه لا قام مبسوطنا يضحك لضايقنا = دوّر على راحة الروح الرياضيه الصبر طقناه لو ماهو بطايقنا = وصدورنا غصب صايرةٍ شماليه نشوف عقالنا ترفع حمايقنا = ونطيح في عير غير العير والعيه وإلا أنت يا الأحمري غيبت فايقنا = يصحى شويه معك وإيغيب فشويه من قدح راسك تبا تكثر سرايقنا = جزاله وسبكً وحبكً ورمزيه عز الله إنك محفزنا وعايقنا = تحول من بيني وبين النجوميه وكلمة ترانا ليا منـّا تهايقنا = أنت المبدى بها وإلك الأحقيه وإن كان مارزت أسمانا بطايقنا = ترى هوياتنا ماهي وَطَنيه ! [/poem] وعموما قسم بالله إن الرجال ذا سبب لي أزمه شعريه مالها حل إلا أنه يموت ... أمحق حل |
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
