ܓܨ[ تلويحات !! ]ܓܨ

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
من أحبه ما حسب لي يوم غاب=ضاع قدري وأحسب أنه ما يضيع
صار صوتي يوم انادي له سراب=وصرت أفكر فوق مالا استطيع
ليه ما يحسب لماضينا حساب=يوم نشري فالمحبه ما نبيع
أيه فاتح للعتاب الفين باب=وأيه ابدخل مع مداخلها جميع
وايه من حبيت واهديت السحاب=من سحابي صار يهديني صقيع
ما عرف معنى أنتظاري فالعذاب=لين مات اللي بصدري له مطيع
أختنق من داخن الشوق المذاب=وقلت ماع وقامت انفاسي تميع
شاب راسي والا انا توي شباب=والسبب من ضيقة الصدر الوسيع
لا تغاربني ترى ماني غراب=صقر يجذبني جناحي للطليع
والذي تخضع لهيبته الرقاب=ان حادث غيبتك حادث شنيع
قلت لك قد قلت لك مانيب اهاب=الا فقدٍ يخلف القلب الشجيع
ما مضى حكمٍ مسجل في كتاب=وما بقى يحسب على حسن الصنيع
هات يدك وسالفة سمح الجناب=من يدي في ذمة القدر الرفيع
اتفاهم معك بأسباب الغياب=غيرها صدري ترى ماهو وسيع !
[/poem]