نزيف حــاد . . من لإيقافه عند حده ؟!

السلام عليكم

الأخوه الكرام في الدعم الفني للمرقاب ،،،

ارجو لكم التوفيق والسداد وكل عام وأنتم بخير ..

لا يخفى عليكم أو قد يخفى مايحدث للأعضاء في الآونة الأخيره
من نقص كبير في عدد المشاركات ، وطيلة الأسبوعين الماضيين ..

تخيلوا أنا كان أعلى رقم وصلت له هو : 18050
والآن انظروا كيف تدنى إلى الوضع الحالي ؟

وهذا الأمر قد طال جميع الأعضاء على ما أظن . .


فأين المشكله ؟ إذا ماعلمنا أن المواضيع لم يحذف منها شئ
والأقسام لم يلغى منها قسم كذلك فما السبب ومن المتسبب ؟؟

نرجو حل المشكله والتوضيح لما حصل بشفافيتلكم المعهوده !!


وتقبلوا تحياتي

اخوكم

:

وعليكم السلام .
مرحبا يّ عبدربه سجلني معك في هالعريضه أنا من المتضررين من اللي صار ؟
أنا قبل أشوف الـ 500 مشاركه قريب والآن مثل ماتشوف ،
أنا من هالمتصفح أطالب بحل المشكله وتعويضي عن المشاركات اللي راحت مني واللي ترتب عليه من آثار نفسيه ومن كتابة عرائض شكاوي وتنزيل مواضيع وكتابة ردود وهذي تآخذ من وقتنا كـ أعضاء ومن جهدنا خصوصٍ أن كيبوردي الله المستعان !


الدعم الفني معكم مهله خلال الـ 72 ساعه القادمه ولا نبي نضطر للتدخل بطرق آخرى !
< - - - يتصل على خويه سعيد العمري ( هكر معروف ) ويقول خلك على خط النار خلال الـ 72 ساعه القادمه راح أعطيك أشاره لتقوم باللأزم .


برايفت لعبدربه بعد 5 أيام من تاريخ موضوعك شيّك على مشاركاتك في حالة أنه ماتغير الوضع
مالك ألا من يحطك بين سداح ومشعان البراق بس فكني من اللواء حبيب العدلي ( نواف نايف )

:::::: "

يقول الطبيب و المؤرخ الفرنسي جوستاف لوبون في مذكراته : -
( الحقوق لاتوهب وأنما تنتزع )


/

سبحان الله

والله يامشاركاتي مدري وش يروح منها وش يبقى

مشاركاتي مثل غنم سلمى مره 170 ومره 16 ومره 485 ومره 65 مالها حد نعرفه


لكن الحاصل ان المشاركات والله ماتهمني ....... لأن المفقود اكثر من الموجود

واذكر اني كتبت موضوع مثل موضوعك والمدير في هاك الوقت ارسل لي رساله يقول
( الظاهر ياسنجار فيه قسم شكاوى .... والملاحظات كثرت عليك هاليومين ) انا اشتكي وهو يهدد الله المستعان هههههههه
ذكرني بواحد مشرف قسم يقول تراني ياسنجار لو ابي احذفك بضغطة زر يمديك انتهيت على طول ذكرت مثل عند البدو يقول ( يفرح بالكرش من لاذاق الدسم )

على العموم ياعبدر به ونا اخوك ابي اخذ مشاركاتك وابي اعطيك فيها معاريض وش تقول

عبد ربه



الامر غريب ولكن مادامت المشكلة ادارية , فالحل عند الدعم الفني

وعليه ان يفسر انخفاض عداد المشاركات وهي هي لم تتغير ولم تحذف


اعتقد ان المشكله تسري على الجميع >>>> ماتدري عن نفسها

والوضع لايحتاج لاي تراكمات أخرى

فالأغلبية العظمى قد فارقت المكان .. فلماذا يحدث ما يشجع البقية على الرحيل ؟؟

اتمنى ان يصلح الدعم الفني ما افسدته التقنية


وتنتهي المشكلة قريبا >>> من اليوم ورايح تبي تراقب مشاركاتها

سنجار


هههههههههههههههههههههه
غنم سلمى هذي مثل الأسهم السعوديه يا أبوعبدالله .
أبوعبدالله وجودك شخص مثلك تدعيم لملف القضيه و له آثره الأيجابي .
وعبدربه مثل ماتشوف الرجال زعلان وواصل حده والدليل شف الأغلاط الآملائيه في السطر الثالث من الأخير ،

واضح أن الرجل متهيّج قبل أمس شاهدنه في مسج مرقابي يتكلم عن هالموضوع واليوم فتح ملف للقضيه وغداً لانعلم مالذي يحصل ؟
لابد من أحتواء القضيه في أسرع الأوقات .
سنجار أنت شخص لك من أسمك نصيب كن كما نراك ويراك الجميع !
وأصدح بالحق ولاتآخذك في الله لومة لأئم .
وتذكر الحديث : عن أبي موسى رضي الله عنه عن النبي صلى الله عليه وسلم أنه قال :- ( المؤمن للمؤمن كالبنيان . يشد بعضه بعضا ، وشبك بين أصابعه ) **


/

8
8
8
8
8

انا وش وداني في داهيه غير من كثر الصدع بالحق لين اصدعوا راسي

لكن ماعليك عبد ربه خبزه في النار .... البلا والله انا يمسهم سلك حرير علي هههههههه


عبدالله خذ هذي

والله الظاهر ما أحد يمّنا
والله شكل ما أحد صوبنا
والله يمكن ما أحد حولنا


....................

يا عبد ربه السؤال موجه للأخوة في الدعم الفني
هل نسيت أنك بدأت الموضوع بهذه العبارة
.. الأخوة الكرام في الدعم الفني للمرقاب ..

لذلك نحن مثلك ننتظر منهم الإجابه
وننتظر ما عسى أن يفعله (( طب الطوارىء)) لإيقاف النزيف الحاد كما سميته
تحياتي لشخصك وتقديري لبالغ إهتمامك

و انا مثلك اسجل عريضة اعتراض و احتجاج ..

فاقد ٍ لي قطعة مشاركات.. و اضم صوتي لصوتك يا طويل العِمِر..

الى الله المشتكى..


بس غنم سلمى اسدحتني من الضحتس ..

والله لك شوق ووحشة يابو حوّا

سجلّها فدا لربعنا ولا تدقق

وتصير في ارقى المنتديات


اخوك ومحبك في الله

اخواني الكرام ..


الكثير اشتكى من نقص المشاركات


العلم يا الربع .. انه فيه احد اعضاء المرقاب القدماء <<< ركزو على الكلمه هذي .. قام بحذف مواضيع كثيره جدا له .. بنفسه .. ويحتفظ هو بسبب الحذف .. حيث المواضيع تخصه هو فقط ..

وكل عضو منكم بالتأكيد لديه مشاركه او مشاركتين او حتى قد تصل لأكثر من ذلك في كل موضوع من المواضيع التي قام بحذفهاااا ولهذاء السبب بعد ان حذف مواضيعه .. انحذف الموضوع بكامل مشاركاته ..... مما تسبب في نقص عدد المشاركات الي انتم ملاحظينه في ملفاتكم ...


هذا الموضوع وهذا هو السبب .. اما عن اسم الشخص .. فبأمكان من اراد الحصول على اسم العضو .. التواصل المباشر مع الاداره ... ..


ولتطمئن قلوبكم ..ان المشاركات والأرقام امانه ....


لاتزودها يا عبدربه لا احط مشاركاتي 499999 واصير الأول ههههههه ..



طولت عليكم .. بس اعذروني ما صدقت يرجع المرقاب مبطي عنكم



اخوكم ,,,