هاجس قصيد

[poem=font=",4,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

ياللي عطيتك منحةٍ تسكن بها بين الكتوف = لاتطري الفرقى ترى الأخلاق منها قافله
أضحك معي وأنثر على سمعي تفاصيل الحروف=شاعرك يبغا وقفةٍ تستاهل الميقاف له
البرد قارس والبلا مايعرف لـ فرك الكفوف =محتاج جفن فراش والآخر يكون لحاف له
خلك معه وأنسى التعب دام التعب فيه مْخلوف=وش فايدة وقته معك دام المشاعر جافله
[/poem]

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ماكل شيخٍ يسمّى الشيخ يستاهل = ولا كل شيخٍ سواة الشيخ أخو شمّى
ماتُعتبر شيخه اليا جات بالساهل = لو كان جده مع الشيخان ومسمّى[/poem]

[poem=font=",4,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

مسكين ياقلبٍ بلته الغرابيل=ولاتدري الفرقى وش اللي وراها
ضحيّت بالراحه على سبة الليل=لين السهر لاحتاج عينك لقاها

[/poem]

[poem=font=",4,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ظروف الزمن ماقدرّت شرهة الاصحاب = ولاتاتي الشرهه من الباب للطاقه
يازين العلاقه والزعل ينتهي بعتاب =والانسان يحسب زين من زينة اخلاقه [/poem]

صديقي الدكتور / شمس



يسألني وأنا جالس لحالي وهو مايتكلم عربي .. يقول ( يو ساد ) يعني أنت حزين ؟؟



وطرت على بالي هالابيـات





[poem=font=",5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

يادكتور ماني ساد لو قلت لي يو ساد = انا واحدٍ لاضاق مابيّح بسده

على بال ماتفهم يبي لك تعب وجهاد = ولاني مترجم لك قصيدي لو اعده

أنا صابر وراضي لو ان الصبر مافاد = وأخفي جروحٍ جالها بالصدر مدّه

تطيب الجروح المزمنه وألتقي بجداد = أكافح زمانٍ ماعرف مزحه وجده

شبيه الكبير اللي تمنّا العمر ينعاد= وكوعه على مركى وكفه على خده

يصارع هواجيسٍ تجي مالها عداد = تمرّه وللماضي توديه وتردّه

تفاصيل والذكرى بحر يغرق الأمجاد = بحر والبحر ماينومن جزره ومده

ويادكتور لاتهتم للحزن مهما زاد = يبي ينقلب ضدّه، ليا زاد عن حده [/poem]

(( 1 ))

[poem=font=",4,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

لو جيت ابشكي ضيقتي للناس مدري ويش آقول= تاقـف بصدري شكوتي .. والبوح ماياصلهـا !!

وان جيت أدور لي حلول،؟ألقى نهايات الحلول =أببتسم رغم الألم .. وآخفي ( جروحي كلهآ ) [/poem]


(( 2 ))

[poem=font=",5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

ماردني عنك ذاك وذاك=حياي ماجابني لـ / بابك

لكن ياصاحبي وش جاك=فاجأتني بحضرة غيابك

ولو جابك الشوق ما وداك =والبعد وداك ماجابك [/poem]


(( 3 ))

[poem=font=",4,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

ياما رسمت الطموح اللي تمنيته =لكن الايام ماجتني على ودي

أمشي وحدٍ .. عرفته ماتعديته = بس القهر كل رغبه تنقلب ضدّي

ماني بنادم على كل شيء سويته = حتى لو ان الزمن بالحيل متردي[/poem]

(( 4 ))


[poem=font=",5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

دعيت الولي جعل الولي يستجيب دعاي = ويغفر ذنوبٍ .... جايره والعمر توّه

بعد شفت شيءٍ راح خايف من اللي جاي=ولكن على الطاعه ،، عساني على القوهّ[/poem]


(( 5 ))



والله اني من مخاوين السهر ..
ولاكسبت من الليال الا العذاب

- كيف أحطك حلم والصحراء قفر؟
وأنت في مضمايّ تشبه للسراب !!

[poem=font=",4,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

سلام ياللي عينك تنادي لقلبي بالغرام = وجفونها مثل السواحل والبحر في جمّها

ليتك تبلغها تعاملني على حسب النظام = مشاعري ماكل عين تمرّها .. بتخمّها

يمكن مقاصدها سلام ولا حصل منها سلام = لكن اذا مريت حاول بالرموش تضمّها

المسأله ماهي بـ ليه أطرافها ليل وظلام = ما كل حاجه ماتقبّلها بروح أذمّها

المسأله قلب كسير وخاطرٍ صاير حطام = وجروح .. كبرت من كثر ماكان ينزف دمّها

أسبابها قصّة غلا .. محفوفةٍ بالاحترام=وآشوآق لا قفّت يجي كف .. الحنين يلمّها

كآنت بدايتها سلام وزان مضمون الكلام=لين ظهرت حيّة ظروف الوقت تنقل سمّها

بانت نهايتها على عينٍ مجافيها المنام=ترعى السهر مثل ابنها والليل كنّه عمّها

محبةٍ كانت ولو زالت لها قدر ومقام=وأكبر دليل إن الفؤاد اليوم شايل همّها

تأثيرها ثابت على قلب الشقى مثل اللحام=امحمّلٍ في داخله لين الحياه يتمّها

مالي على الفرقى ليا حلّت مشاريه وملام=لكن ..عينكّ لاتعدتني برمشك ضمها [/poem]

البارحه.. جانا على شان معروف
عقب إنتهى/ معروفنآ مآعرفنــا؟
لامرنا ، فالدرب مآكنّه إيشوف!!
لكن على ماقيل[ شفنآ وعفنــا]
مانلحق المنّه؛ ولا نلحق حسوف
الطيب موقف... والجمايل هدفنا
نتعب ولو إن التعب غير - مخلوف
ولا ،نحسب حساب للي صرفنـا
ياما تجرّينا ، على سكة// الخوف
وياما، تحدينا ' الصعاب ' وُوقفنـا
ناقف مع المألوف والغير مألوف
حتى ولو .. إن الزمن ما ،نصفنا
ياكثر مانقصر ، عن الزلّه الشوف
نستر ... ولا كنّا من الناس شفنا
وكلٍ على "العليا" مولّع وملهوف
نارث سلفنا ثمّ ، (نرّث .. خلفنا)
والذكر يسعى بين الاجوآد ويطوف
يبقى لو ان الموت.. بكره قصفنا
والا الردي كفه عن الطيب مكتوف
وذكره بعد موته .. على طول يفنا

تغريدات

(( 1 ))

فكرت والناتج طلع عكس مآخترت -
وهذي // هيّ الدنيا عجيبه غريبه!!

ومن يوم شفتك عن مساري تغيّرت
- بديت أشك إن النهايه قريبه

((2))

#




*


أنا فقدت؟ أشياء، وأشياء، وأشياء
وأقول : أنا / بفعل - وأعدّل وأبدّل
عدّلت لي أخطا وباقي لي أخطاء
حآولت !! أعدلّهآ .. وعيّت \\ تعدّل

(( 3 ))

لاتوآخذني ترى ، الليله حزين
توّ ليل الشوق في صدري بدا

قمت أغني والسبب كثر الحنين
( لاهدت نفسي وﻻ قلبي هدا)


(( 4 ))

أخذت المنام اللي بعيني ورحت تنام
وانا اسهر طوال الليل كله على شانك

تذكر غرامي لابتدت قسوة الايام
وشفت الحزن غطا ملامحك واسنانك

(( 5 ))

ذاك الغريب الأديب من الهوى ماخلص
الصد يذبح خفوقه والوصل ينعشه
همومه طيور وضلوعه عليها قفص
أطلق سراح الطيور اللي به معشعشه

(( 6 ))

يمكن تذوب الشمعه اللي تلامع
والوصل من دونه وجاهه وسمعه

على رجاوي واحدٍ فيه طامع -
صدّه جمر وقلوب الأحباب شمعه

تغريدات 2

(( 1 ))

إحرص من الوقت ودروسه وتخطيطه
ماستغرب العين لو تعلا على الحاجب

إمتط جواد الحذر ودروعك الحِيطه
لاتفعل المُستحب وتترك الواجب

(( 2 ))

تنزّل الرجال .. ماترفعه شبر
عادات تقتل هيبته ، لو حضنها

واجد ومنها شوفة النفس والكِبر
تعوّذ من إبليس ، وأنحاش عنها

(( 3 ))

خذها نصيحه في زمانك مع الوقت
لاصار في صدرك للأحزان متحف

ترى السعاده ، والفرج لاتضايقت
مابين (سجّاده) ، ومابين (مصحف )

(( 4 ))

ودنا نحمي رجال الدين قبل البيئه
من يذكّرنا بشرع الله لازم يُشكر

والله انّا نكره اللي مايحب #الهيئه
جعل ربّي يحفظ اللي ينكرون المنكر


(( 5 ))

أخذ النصيحه والشعر لا يهمّك
لاصار لك قلب النصيحه تهزّه

إخفض جناح الذل لأبوك وأمّك
والذل لـ رضاهم، يزيدك معزّه

وان كانهم تحت الثرى لا يلمّك
حزنك وحاول بالتصبّر تكزّه

أقلّها لا يغرق الدمع .. كمّك
وأدعِ لهم بالمغفره كل حزه

دام المحبه تفرق بكل مخلوق
وربي منع عالم وعالم عطاهم

هذا على شوفه نسوق العمر سوق
وهذا على بعده نسوق الدراهم

قولوا لأبو شرهه يبطّل من الشرهه
مادام زاد الخطأ ..ف أود تنبيهه

شرهاته ابْلا سبب تدفعني لكرهه
ان صار غالي وغاليتن مشاريهه

لقيت // قلبك طريح فراش
في سكرة الموت وأسعفته

دخلته .. بغرفة الانعاش
ومن طاب شفتك ولاشفته !!

يامعكرّة المصافي وش تبين ؟
كل ماسجّيت .. جيتيني عدي!

وحظّي ابن الكلب عيا لايزين
والبلا ان الوقت ماهو في يدي

عطايا الحزن

[poem=font=",5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]



لو ان الدول مابينهن منفذ وتفتيش = قضيت العمر رحال مثل ابن بطوطه



ومُجمل ردود الأسئله بين هاه وويش = بدا العنكبوت لفهمها ينسج خيوطه



حياتي على خٌبر الكدر وضعها مانيش = على حطة يدينه من العام محطوطه



الا ياحياتي خففي حزني وْبشويش = عطايا الحزن لا جاتني منه مسفوطه



وجبت البيوت اللي بعيده عن التهميش = بحبر الذهب في صفحة الوقت مخطوطه



بعد دارت الدنيا وولّت سنين الطيش = عليّ الدهر زاد العقوبات بشروطه



ولاهو مثل ناسٍ .. تبي تقبل البخشيش = وساع الذمم عن سكة الحق مسخوطه



عن دروب خلق الله يسدون سبل العيش = وساعاتهم ماهي على الوقت مضبوطه



وأنا صدري لحاله لكنّه مقابل جيش = وجروحي على رغم السكاكين مبسوطه



لكن ضاقت الدنيا عليّ وقفلت بالشيش = من أسباب شيءٍ منّه النفس مضغوطه



من أمس العصر جوي بدا يدخله تشويش = وفي جوف صدري ضيقة البال مربوطه



ونمت وصحيت وعودت لي وانا اعرف ليش = بعد ضحكةٍ بالود, والحقد مخلوطه



من أهل الحلوق اللي تربّت على التنبيش = حلوقٍ عساها بموية النار ممروطه



تْعجْن الخوي لأقبل عليها من الترييش = ولأقفى الخوي بلسانها قامت تسوطه



عساها فدا اللي لضربن ينفضن الريش = مخاليب حرٍ يفهم العلم ويحوطه[/poem]

على ساس

[poem=font=",5,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]

لاتبدي الشكوى على ساير الناس = حتى ولو طوّل بقلبك جزعها

أبدابها لله .. ولا يدخلك ياس = ماخاب من يمّه كفوفه رفعها

ونفسك ولو حاشت من الدرّ والماس = حذراك لا يطغى عليها جشعها

لا بد ماياقف على باب الإفلاس = اللي يشح بها .. ليامن جمعها

ولا تأمن الحيّه ولا تطبخ الفاس = ولا ترغب الدنيا وتكسب ولعها

والوقت ماياوي ولا عنده احساس = ناسٍ يسليها وناسٍ فجعها

وقيس الكلام اليا سمعته بمقياس = والكلمه اللي مالها وجه دعها

والذل رمحه يشبه لرمح جسّاس = لن صاب هيبتك القويّه نزعها

والمجد من دونه سهر ليل وعماس = ومسافةٍ ماكل واحد قطعها

والعرف ماتلقاه في كل مجلاس = ناسٍ عطاها الله وناسٍ منعها

والخوّه اللي ماتوثّق على ساس = لا تنخدع فيها ولا تتبعها

لا صار ماتثبت ليا هب نسناس = بكره ليا هب الشمالي قلعها

تعلّق برفقة بعيدين الأرماس = ناسٍ قناعتها ..تغيّب طمعها

في عرفهم تكسب معزّه ونوماس = وفرقاهم ان حلّت تحس بوجعها

وللهرج هرّاجه وللشعر هوجاس = والحمدلله ماجهلت بسنعها

أمّا هرجت بهرجةٍ ترفع الراس = ولا بيوتٍ ما ندم من سمعها[/poem]