المعاناة

بسم الله الرحمن الرحيم
السلام عليكم ورحمة الله وبركاته

هذا اخر ماجادت به القريحه.

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يالله ياللي نطلبك كل الاوقات=عليك شكواي وعليك اتكالي
يسّر دروبٍ قدم عيني متاهات=واكتب لي التوفيق وارفق بحالي
وافرج همومٍ تالي الليل لاجات=اقنب قنيب اللي من الجوع جالي
ماغير اهوجس واتسلى بالابيات=من حر مافيني ومن ضيق بالي
قلبي سجين آلام واحزان واهات=والصدر كنه شايلٍ له جبالي
عشت الألم واصعب ظروف المعاناة=ضيقة سنين أعيشها في ليالي
أحيان يوم الشخص بعداد الاموات=مرتاح من شيل الحمول الثقالي
ياوجد حالي لاتذكرت مافات=والديره اللي حولها كل غالي
وناسٍ مقابلهم ولو بس لحظات=تسوى سنين العمر باول وتالي
واليوم تفصلنا طوال المسافات=ودي بهم لكنّ مابه مجالي
من عقب ماكنا على بعد خطوات=اليوم تفصلنا دروبٍ طوالي
الوقت شتتنا وصرنا به اشتات=بين الجنوب وبين غرب وشمالي
مدري رمانا حقد حاقد وشمات=ولا النصيب اقوى على كل حالي
هيهات يادنيا المقادير هيهات=ماعاد فيني للعذاب احتمالي
القلب ينزف دم وآلام بسكات=من خوف يزعج غيري اللي طرالي
وتاخذ بي افكاري عن الناس سجات=وارجع ويرجع بي عليهم خيالي
وتضيق في عيني وساع المساحات=ويضيق بي حلمٍ صعيب المنالي
ياضيق انا طالبك لو بس ساعات=دوّر من العالم ضحيه بدالي
لو كان من باب العدل والمساواة=خل الحسود يجرّب اللي جرالي
ولاتقرب اصحابي والاقراب بالذات=ترى فرحهم يعتبر راس مالي
كلماتهم مما بقلبي مواساة=وربيع عمري في لقاهم قبالي
وصالهم عندي ولو باتصالات=من باب تجديد الغلا والوصالي
يطفي من الاشواق من قبل الاصوات=نارٍ لها بين الظلوع اشتعالي
ويأنس بهم قلبٍ تساقيه لوعات=حلمه معانق طيبين الخصالي
يالله في تحقيق كل الطموحات=ويالله في رحمتك ياذو الجلالي
تمت وياربي عليم الخفيات=اكتب لي التوفيق وارفق بحالي

[/poem]

لو كان من باب العدل والمسـاواة / خل الحسود يجـرّب اللـي جرالـي
ولاتقرب اصحابي والاقراب بالـذات/ ترى فرحهـم يعتبـر راس مالـي



العالي بيض الله وجهك قصيده ومعاناه وجزاله وصح السانك

تحيتي واحترامي .,



.

الله عليك يا رائد

شاعر جزل وقصيده رائعه بحق وصح لسانك الف الف



اعجاب وتحيه

عبد الله

الله لايهينك يالغالي وتشكر على ماقلت واتشرف بحضورك ومرورك

ارحب يارائد
صح الله السانك
وابدعت
تحياتي

رائـد العالي ،،

صح لســانك " وبيّض الله وجهــك " على هالقصيده الجزلـَه

تقبّل ، مروري ، وتحيتي

مشخص مرورك اسعدني فيامرحبا بك وبحضورك الراقي وصح بدنك

ياسلااام عليك

صح السااانك
..
ولاهنت

قـلـبـي سـجـيـن آلام واحـــزان واهــــات
والــصــدر كــنــه شــايــلٍ لــــه جـبـالــي

عشت الألم واصعب ظروف المعانـاة
ضيـقـة سـنـيـن أعيـشـهـا فـــي لـيـالـي

النص بعنوان المعاناه وبهذين البيتين وصفت المعاناه بأبلغ العبارات
صح لسانك يا رائد
تحياتي لك

مخلد البقا يالغالي ولاهنت

صح بدنك ياضيف الله ولاهنت يالغالي تواجدك اسعدني

صح لسانك

مبدع..لاهنت