للي يهوون السفر... نصائح مجانيه

تعليمات للي يبي يسافر خارج دول الخليج



عليك بأتباع التلعيمات التاليه

1- عند الرغبه في السفر لاتعلم احد لأن الجماع مايخلون احد

2- لاتصحب احد معك في السفر الآ رجل التكانه ( التكانه ماهو برتكانه ) مايعلم وش الي بتسويه هناك لأنك بتسوي شي ...........

3- اذا سافرت وكتشفت ان الي معك زلابه معليك منه سوي الي يرحك ولاتردها عن شي

4- اذا اكتشف امرك عن بعض الناس قول سافرت اجيب عمال بيقولون وش وداك مثلاً للمغرب قول اجيب حلاقين اذا قالو وش وداك مصر قول اجيب صنايعيه اذا قالو وش وداك سوريا قول اجيب اطباء اسنان عشان المستوصف اذا قالو ليش رايح تركيا قول اجيب عمال للمطعم تعرفون المشويات التركيه عاد

5- لآتسافر في الطائرات السعوديه سافر في الطائرت الأخرى عشان تاخذ راحتك وتستغل اكبر قدر ممكن من الوقت وو..........

6- لاتسوي مثل بعض الناس الي يلبس شماغ وثوب يعني يعني عانو الملياردير ولا تلبس تكميله وكرفتا ومن هالكلام الي يفقع القلب حقت الشيبان عليك بالجنوز ياطويل العمر والألوان المتناسقه ماتحط اخضر وصفر وحمر وزرق لا البس احر وابيض ... ازرق وابيض ..... بوني وللبني وهكذا

7 - لاتلبس زبيري على البناطيل تراني اتوقع تسوونها مثل بعض الناس الله يصلحهم اشوفهم دايم في الراشد عليك بالكاوتشات الدورين

8 - البس نظاره شمسيه اذا كانت عيونك مثل عيوني
<<<<<<<====== ليه وش فيها عيونك ياسنتوب

مالك دخل ياسنجار

9 - عند سفرك عليك بالفلوس الي تجمل لاتكون قريطي تطلع بعشره الاف الله الله بالدراهم الجزله تراك بتروح تفلها ماتبي تجيب عمال وتصدق كذبتك

10 - لاتاخذ احد معك من مرفعين المرقاب يعني يزعل عليك يشهربك

<<<<<<<<====== قلبه موجعه من ابن عيفان


11- خذ معك شنطه قماش لاتاخذ حديد ام اقفال مثل حقت العجز الي يحطون فيها حوايجهم ( بزار . قرفه نانخه . حنا ..... الخ )


12 - اذا رحت هناك حلق فيرزاتشي والشنب على نمره 2 لاتقلبها وتحلق راسك نمره 2 انتبه

13 - جواز سفرك لايشوفه ابن امه واهم شي في السعوديه يضيع برا مافي مشكله بس لايضع في السعوديه

14 - الصباح خله نوم .. والظهر تغدا وتقهوا وبعد العصر تلها على الحدايق والمنتزهات والأماكن الترفيهيه لين الساعه 10 مساء روح تعشا وشرب عصير طازه ترك منت لاقي مثله عندنا واذا جات الساعه 12 عاد انت تعرف وين تروح ( رقصني ياقدع ) <<<<<<<<==== مايستحي سنتوب

15 - اسكن في محلات راقيه عليك بالفنادق خمسه انجوم لاتروح للشقق الي ولله مدري وش يحصلك منها ....

16 - خذ لك سياره خاصه وجخ خل التكاسي الي بعضها مايوصلك الديره الي انت تبيها




ولكم مني كل التقدير في رحلات سنتوب لسياحه




يعتمد




سنتوب