محمد القاضي (قاضي عنيزه)

#1 06-12-2003, 11:08 PM

محمد القاضي رحمة الله عليه

وهكـــذا قصيد المعلمون .. وهم أهل الشعر والأبداع ‍‍!!

[poet font="Arabic Transparent,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يامحل العفو عفوك ياعظيم=ولطفك اللي كافل كل الأنام
ياسميعن يابصيرن ياعليم=ياقوين يامتين ياسلام
ياحميدن يامجيدن ياحكيم=ياعزيزن ذوالجلاله والكرام
ياعطوفن يارؤوفن يارحيم=جل شانه مايهام ولا يرام
بنورك اللي يوم ناجاك الكليم=دك سينا خر موسى ثم قام
وحرمة الكعبة وزمزم والحطيم=والحجر والحجر هو ويا المقام
موحد يدعيك بالليل البهيم=بالتخضع والتضرع بالظلام
خاشع لك خاضع لك مستقيم=اسألك ودعيك بأسماك العظام
ان تروف بحال من جسمه سقيم=علته تبراه له خمسة عوام
داوني بدواك من داء اليم=واشفني بشفاك يامن لايضام
من تحالي دوك حالي حام حيم=والمرض رض العضاهو العظام
مدله نفسي بتدليه الفطيم=عن لذيذ النوم مع طيب الطعام
ولا لي اشكي غير لرب الرحيم=سامك السبع السماوات العظام
ذا ومع ذا لموتما دوا بالنعيم=فإن عمر المرء خيره للعدام
كل بن انثى ولوطاول سليم=لازم بشربات كاسات الحمام
من عميم احسانك ارحم يارحيم=يوم نزع الروح وان جاهاحمام
قام بصعدها ويحدرها غريم=في غضاه من الدماغ اليا البهام
شاخس طرفه وريقه ربق هيم=كل عرق بالعرق يرشح شمام
يوم نزع الروح لاجن الحريم=وجضوا اهل البيت واشتغل الغلام
والشفيق اللي يوده والرحيم=يستشن ابشان تجهيزه قوام
والخشب دنـى مع الخام الرخيم=وفصلوله وزرة فوقه احرام
ثم شاله كل شغموم حشيم=مرجلينه معجلينه بالهمام
ووضعوه بموحش قبر ظليم=ووسدوه البن عن ريش النعام
وكشفو عنه الغطا قبل الهديم=وفككو عنه المصايب والحزام
ورصفوا فوقه من اللبن الخصيم=وادخلوه وودعوه بلا كلام
وحده بموحش ماله نديم=غير ماقدم من اعمال قدام
عند خلق بارزين في صميم=صامتين مايردون السلام
حالما خلوه بالبرزخ مقيم=جاء من ناجاه عن خمس تمام
أسأله يلهمك رشدك ياغريم=في ثباتك للملائكة الكرام
وعقب هذا البعث والهول العظيم=يوم حشره يوم نشره للانام
يوم يبعث كل ذي عظم رميم=في صعيد للحساب وللخصام
حاسرين عابرين به نظيم=ذا يصيح وذا يطيح من الزحام
وذا جريح وذا عطيب وذا سليم=وذا يمر مرور برق في غمام
وذا يسير وذا يجر اليا الجحيم=وذا الى الفردوس مع باب السلام
وذا يخلّد بالنعيم اللي مقيم=وذا مسيم في لظـى دوم الدوام
كيف من ييقن بهذا ياغشيم=يغلي الدنيا ويغري بالحطام
يون ابو ووين جدك ياعديم=وين خالك وين خلك والعمام
وين شبان يهدون العديم=وين شيبان شغاميم كرام
صيروا بقبورهم مثل الهشيم=خامدين هامدين في هدام
تبرم الدنيا وتنقض للبريم=وخيرها من قيضها مثل الحرام
يا احد ياواحد شانه عظيم=ياصمد ياعالم كل العلام
سامع في غبة البحر البهيم=صوت يونس يوم نادى بالظلام
ياالهـى خذ بيد قلب سليم=عن عذابك يوم للخلق ازدحام
من بحر مجدك وجودك ياكريم=نفحة نسعدبها دوم الدوام
انني دست الخطايا من قديم=طالبك صفحك وعفوك لي ختام
والهوى والنفس اغواها الرجيم=ونشر فضلك واسع ذا والسلام
ذا والصلى الله على طه اليتيم=وآله والصحب ماهل الغمام
عدد مايطاف بالبيت القديم=بين زمزم والحجر هو والمقام

[/poet]