جار الله السواط والمسعودي !!!!

السواط
من ضمير ٍ يحسّب للمعاني حساب *** مرحبا من هجوس ٍ ما انقفل بابها
مير يا ذيب خذ وزعتك بين الذياب *** الليالي عليك ايدور مشعـــــــابها

المسعودي
كل راعي سوال ايجيه منّي جواب *** والوصــــية من اجدادي موصّى بها
وزعتي محتميها من يدين النهاب *** وانت وزعتك أخذها اللي تهنّى بها

السواط
أنت تقرص كما قرص الحنش ما تهاب *** قرصة اللي سواتك ما اسلم اسبابها
من هرج في قفى غافل تحمّل عذاب *** ومـــــن تغدّى بكذبة ما تعشـّى بها

المسعودي
أنت وش فيك توزي يدك في نحر داب *** حيةٍ سمّها ســــاكن تَحَــت نابها
أذهبتك الطمـــــــــاعة جعلها للذهاب *** والسبوق الصعوب ايطيح ركّابها

السواط
شاب راسي من الأيام وآنا شباب *** شفت لي ناس تطعن ناس بحرابها
ما ستر جثة الإنسان غير الثياب *** الطماعة لهلها وأعرف أصحــــابها

المسعودي
جاتنا أخباركم يا قوم وانتم غياب *** من بطت علّته ما يقـــــتل إلا بها
مير لوّ إنك أحرص من وليد الغراب *** وش تحصّل حصانيها مع إذيابها

السواط
من يصدّق خبر نمّام ودّى وجاب *** مثل بيعة خسر فالسوق جلاّبـــها
الدكاتر تداوي من يجيه التهاب *** صنعة الأعور الدجال يسعى بها

المسعودي
مرّ قولك خطا وامرار قولك صواب *** والطبيعة مع الإنسان يضرى بها
لوّ جسمك نواه الطيب يمديه طاب *** ليت واليا الجمال تاتعدّل ارقابها

عائش السفياني

الف شكر لك على نقل هذه المحاوره الرائعه ..

تحياتي لك ..

الله الله الله

لاهنت يا عائش السفياني ..

محاوره ثمينه جداً ..

اشكر لك جهدك العظيم ،

ودمت بخير ..

المشاركة الأصلية كتبت بواسطة

كاتب الرسالة الأصلية مناحي
الله الله الله

لاهنت يا عائش السفياني ..

محاوره ثمينه جداً ..

اشكر لك جهدك العظيم ،

ودمت بخير ..