آخر قصيدة قالها الشاعر محمد العسيلي قبل وفاته

انتقل في الأيام الفائته الى رحمة الله الشاعر الكبير محمد بن عبد الله العسيلي الحربي

وكان رحمة الله عليه من كبار الشعراء ومن خيرة الرجال يبذل جاهه وماله في خدمة قضايا المجتمع مثل قضايا العتق وإصلاح ذات البين وغيرها

وإليكم آخر قصيدة قالها قبل وفاته باسابيع قليلة :


[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
الناس ناموا وانا العبرات اجاذبها=جذب الدلي من معين وردها إحيامي
بيدين بدو مشافيح تناهبها=في نقضت الجزو والماء وردة إزحامي
اشوف وانكر من الدنيا مذاهبها=تضرب بنا امواجها في بحرها الطامي
ياكثر روعاتها وقسوة تقلبها=وما طاب فيها من الأحوال مادامي
اللي من أول اركوبه فوق غاربها=ماحصل اردوفها والمشي درهامي
تستدرج اهل الأماني في مكاسبها=لكن هيهات تصدق فيها الأحلامي
ومن صدق الريح واعيونه يكذبها=كنه يقارن غباه بفرصة الرامي
تمر الأيام ماكني مجربها=من تضحكه يوم يبكي باقي العامي
يالله يالله تكفينا نشايبها=ياواحد عن قضايا الخلق مانامي
ياعالم غيب نفسي لاتعذبها=وتجعل لها حجة من نور الإسلامي
نفس ما باقي لها إلا شوف طالبها=والموعد المنتظر تدنيه الإيامي
لنا مواعيد مانقدر إنجنبها=توقيتها محكم في وقته إحكامي
ترم المنايا ولاتخطي مضاربها=ومن صوبته سهوم الموت ماقامي
ساعة حيات إليا وقفة عقاربها=الروح تصعد ويبقى جرحي الدامي
والموت ماتصلح ارواح يخربها=ابا أترك الزوج و الأطفال الأيتامي
يالوعة النفس من فرقا حبايبها=ومن طول فرقا تعثر فيها الأقدامي
لابد من رحلة مايعود غايبها=وعن الحقايق تواري كل الأوهامي
معي الوثايق مختمة قوالبها=وأخاف من نقطة التفتيش قدامي
في مفترق طرق ياكافي مصايبها=احد الطريقين واحد منهن إلزامي
اما مع أهل اليمين وعز جانبها=ولا مع أهل الشمال وشرها الحامي
رحماك رحماك يامذري هبايبها=يا وامر المسلمين بوصل الأرحامي
دعوة طريح الخطايا لاتخيبها=انا ضعيف الوسايل والهدف سامي
إليا وردت النفس ناضبة مشاربها=يالله من شربة تقطع ظما الظامي
واجيرنا من الجحيم وحر لاهبها=وانت الذي من لجا بحماك ما يضامي

[/poet]

وشكرا للجميع

الله يرحمه ويغفرله
ويجزاك خير يامحمد

الف شكر

رحم الله الشاعر محمد العسيلي

رحمة واااسعه

واسكنه الله فسيح جنانه

والف شكر لك عزيزي

محمد على هذا النقل

لهذه القصيده الرااائعه

اخي صقر العازمي


اخي بن تراحيب


شكرا لمروركم الكريم ولكم كل الاحترام

اخوكم محمد

عسى الله يرحمه


عسى الله يرحمه


عسى الله يرحمه



قصيده منهج




لاهنت يامحمد

الله يرحمه و يسكنه الجنه


و عز الله جاب قصيده ولا اروع


اخي محمد

الف شكر على ايراد هده الرائعه الموشحه بالجمال


تحياتي و اعجابي لك


اخوكم

أخي الغالي

محمد زيد الثبيتي

اخي الغالي
شفق السريع

من الأعماق اشكركم على تفاعلكم

واتمنى ان اكون دائما عند حسن ضنكم بي

لكم كل الشكر والمحبة والتقدير

الله يرحمه ويسكنه فسيح جناته


اللهم آمين


الف تحية محمد

اخي ساير الرماحي

وألف تحية ايضا لك ولمرورك الكريم

وتقبل مني فائق التقدير والإحترام