قمنا لها قمنا لها قمنالها

المشاركة الأصلية كتبت بواسطة

كاتب الرسالة الأصلية خالد سعيد
[poet font="Simplified Arabic,4,darkblue,bold,italic" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
يالله ياربي عليك الاتكال= ياعالماً بدقاقها وجلالها
بسم الله الرحمن واذن يابلال= تخرس شياطين الردى وانذالها
كبر وهلل فالمنيفات الطوال= اللي يبا يرقالها يرقالها
لاوالله الاخيلت والسيل سال= وشوف براق الجهل بخيالها
بياعة الرفقه على قيلاً وقال= ماهوب كفو الدله وفنجالها
امدله يمناي ويمد الشمال= والمخطيه وش جابره يسعالها
انا احسب انك فالليال السود جال= لكن طاحت هقوتي عن جالها
اثرك تلعبها على كل الحبال= لكن انا بقطع جميع حبالها
قدامها ماني بيمك ياهلال= لاعمها منول ولانت بخالها
لكن هاذي قم بها عمٍ وخال= لاطحطحت طحطح بها واشتالها
تبي تجاوبني ليا كبر السؤال= تحتالها لوكان ماتحتالها
حرام لعلمك وش معنى الثقال= لو غنت الشيعه على موالها
مانيب لاقفيت قايلك تعال= لاناقض الارياء ولا فتالها
منته بزودٍ كان راع الكيل كال= ولاتنقص الوزنه على كيالها
تنفخ اذروبك تحسبنك راس مال= وانت بضاعه خاسرٍ دلالها
مسكين يزرعها ويحصدها وبال= ليته بحاله والعرب في حالها
السبحه اللي مالها سلكٍ جلال= توميبها تلقى الخرز يبرالها
سلط على الطرشان في حفلة جمال= تقوم للزفه محد نادالها
ساترهم الله بالعمامه والعقال= لوطارت الغتره وطاح عقالها
يبا يبنن الهزال من الجزال = ياقشر حظ الجره وفوالها
ماعاد فالدنيا غريب ولا محال= قامت تلم زلالها وحثالها
ام القرون بقرنها تهوز الجبال= لاوالله الا شين الله فالها
وش عرضك لريح يالجرف الهيال= ماينرفي بيرٍ هيالٍ جالها
ان جاتنا العوجا من اكرام السبال= الاوله تدمح كرام سبالها
وان جاتنا العوجا من خبول الرجال= هاذي نخليها بقد خبالها
وان جات بالعيلات للصبر احتمال= قمنا لها قمنالها قمنالها
نصير لعيون العداء مثل الخلال = مافيه عين الا نطق اخلالها
واعرفك شاعر مير الا ياهملال = اليا بدعناها تعال ولالها
لاقالوا العربان لال اتقول لال = الخيل ياشقراء وياخيالها
وليا شواك القيض عود لضلال = الشجره اللي تستضل ضلالها

[/poet]

والله اني ماقدرت اختاااااااااااااااااااااااااار


لله درك ياشيخ


ياستاذ


انت من الناس اللي يستحقون الكثير والكثير ياخالد ولتواجدك مكانه خاصه


وعز الله ماربح وانك داويته




صح لسانك يابعد راسي