محاورة بين البر والبحر ممتازة جدا

هذه القصيدة سمعتها في شريط فيديو لحفلة عند قبيلة الفوارس من زبيد من حرب وأعتقد ان الحفلة عن الاخ الشاعر والإعلامي عبد الله الفارسي لأنه هو منسق الحفل وحضر بعض زملاءه الإعلاميين وحضر شاعر كبير في السن يقولون له أبو علي الحربي وألقى هذه القصيدة الرائعة وقال ان لديه من نوعها كثير مثل مجالسية بين القلم والكمبيوتر وبين الطفل ووالديه ولاكني لا أعرف اسمه بالضبط






[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يوم الثلوث العصر جالس لحالي = ما عندي إلا واحدٍ من عيالي
محضر الدلة ومرتاح بالي = وأقول يالله بالهداية طلبناك
قمت أتشرف مدخل البيت وأشوف = وإلى الثنين اللي لفوا قالوا ضيوف
قلت أقلطو فالبيت والبيت معروف = قالوا نعرف البيت وأنته عرفناك
قالوا لفينا للمحل يأبن الأجواد = بانشرب الدلة ونحلف عن الزاد
بينا تنا دعوى ومصدر وميراد = وفرصة سعيدة يوم حنا لقيناك
قلت أستريحو بعد سارت خطاكم = مافيه دعوى قبل أقدم أقراكم
تستاهلون اللي يكرم لحاكم = والله يقول تكرم الضيف لاجاك
قالوا تكلف ياعسى الله يعينك = يامعزب الخطار تسلم يمينك
لا نحقر أنفسنا ولا حاقرينك = يابو علي في واجبك ما حقرناك
وبعد القرى قالوا بنعطيك الأعلام = حنا ثنين وبيننا أشكال وإخصام
أسمع دعاوينا وصدر بها أحكام = نبغاك تحكم بيننا لا عدمناك
قلت أسمحوا لي وأسمعوا في كلامي = مافيه دعوى قبل أعرف الأسامي
يالوا دعاويكم تفص العضامي = باغ أسمع دعوى خصيمك ودعواك
قالوا تبى الأسماء نعلمك ذالحين = حنا البحر والبر كبار السلاطين
بيناتنا عيت تقر الموازين = والحق يرضينا وحنا رضيناك
ثم قلت للخصمين هاتوا معاديل = للي تكمل في حقوق الرياجيل
وأنا حكم وأفصل الحكم تفصيل = والحق ماهو ضحك مع كل ضحاك
قالوا حسينا للطلب وأحتسينا = وجبنا اللزوم اللي فرضته علينا
حاضر بحاضر أستلم من يدينا = وكلٍ يسلم من يمينه بيمناك
قال البحر أنا أدعي فالبدايه = وأحرر الدعوى على مستوايه
البر ضيقني وعكر صفايه = وإلى نشدته قال وش جاك وش جاك
زل الحدود اللي قديمه عليه = يزحف برمله كل صبح وعشية
يخطي وقال أنا ما مني خطية = لايفتكر هذا ولا يفتكر ذاك
اوقلت له يابر تراك زليت = وعلى الحدود اللي قديمه تعديت
وأنا تراني من مشاكلك مليت = شلت الحدود الفاصلة بين الأملاك
دعواي عندك وأبغي الحكم ضده = أحكم عليه ورجعه عند حده
وإلى استلمت الحكم عني ورده = وأنته حكم والله بالخير يجزاك
البر قال : القاضي اللي رضيناه = أسمي صحيح البر وآمنت بالله
وأجاوب اللي مدعيني بدعواه = والخصم تحكم جابته لا تبلاك
دعواه كيدية وزور و ظليمة = وأنا مازليت الحدود القديمة
ولا ينغنم وهوه ما عنده غنيمة = ما فيه غير الملح وعيال الأسماك
أنا أعرفك يابحر غدار غدار = لا تعرف الجيرة ولا أتحشم الجار
وإلى نصاك الضيف ما تولع النار = لا ينسكن وسطك ولا ينشرب ماك
ما فيك غير الموج لا هبت الريح = تغدي كما المجنون تضرب تجاميح
موجك ورى الحدان يطبح تطابيح = جبت الأذى للجار لو كان ما أذاك
قال البحر تبغى تسوي فصاحة = وأنا البحر معروف وأكبر مساحه
ولا أنته بقدي لا بغيت الصراحة = لولاي أخاف الله تراي أتعشاك
أنا تحملت السفن والبوابير = تاجيك بالأرزاق من غير تأخير
وأنته مافيك إلا الرمل والمعاصير = وفيك السلم والمرخ والحمض والراك
فيه منافع ما يتحاصى عددها = اللؤلؤ والمرجان واللي بعدها
واللي عطاها واحدٍ ما حسدها = رزقي مكفيني ورزقك ما كفاك
سبحان رب الكون ومدبر الكون = أنا الذي في حكمه أغرقت فرعون
وإلا أنت وش سويت ؟؟ خلك على الهون = أنا تحديته بعد ما تحداك
بلاه من سيل القرى وش حصل لك ؟؟ = اللي غزاك من القرى في محلك
ياكم ليلة بالدقايق يزلك = ولا تعداني مثل ما تعداك
البر قال : البحر أشوفك تكبر = وراع الكبر عند العرب ما يعبر
ما فيك لا مسجد ولا فيك منبر = ما غير كثر الهرج بالجار زراك
فيّه بيوت الله ومكة وطيبة = وفيه قبور الأنبياء والصحابه
والوحي فوق البر نزل كتابه = والله عطاني خير وإلا أنت شـ أعطاك
قلت الدعاوي بينك وصلت الماد = والشر ما ينزاد والخير ينزاد
والمدعي لازم يجيني بالاشهاد = لا زم تجيب شهود لأثبات دعواك
قال الشهود اللي عن الخصم يقدون = اللي لمضمون الشهادة يعرفون
مسكانهم فالبر ما هم بياجون = وأنته تعرف العلم ماضن يخفاك
وقلت عن البينة كان عجزان = بحكم عليه يمين وتروح قنعان
قال : ما أقنع والخطى شوف الأعيان = لو عشر أيمان تحكم إلى أعطاك
ا وقلت يابحر تقدر تجمل = باللي حصل قبل الدعاوي تحمل
وأنا با صدر حكم حكمي مكمل = وأنته بحر معروف ما أحد يتعداك
الحكم بعد اليوم ما أحد يتمدى = سد الحدود الثابتة ما ايتعدى
واللي يزل الحكم منكم يردى = وأنا صدر حكمي على حسب دعواك
أنتم اثنين مكملين لبعضكم = وإلى توافقتم ما أحد يعترضكم
هذا العلاج اللي يداوي مرضكم = إبلاه ما تكمل ولا يكمل إبلاك
وختامها صلوا على من صلاته = كتبت على المسلم ما دامت حياته
محمد اللي وصف الله صفاته = يالله لا تحرمنا ملاقاه وإرضاك [/poem]

احجز

االله

الله

الله


يمحمد







يعطيك


العافيه




ويعينك


على فتل الحجه


ونقضها



بلسلوب

الصحيح


ابداع بمعنى الكلمه


تقبل تحياتي


وعجابي


ومتابعتي


الدايمه ودايم وجه الله سبحانه وتعالى

تعديل

بعد كتابتي للقصيدة بيومين


أكد لي بعض الأخوة أنها للشاعر عبد الكريم المزروعي الحربي شاعر المجالسيات المعروف وهو من كبار الشعراء

وتقبلوا تحياتي

الله يعطيك العافيه يا محمد

وعبدالكريم الزروعي شاعر كبير ومعروف .




لك مني التحيه

هلا ومرحبا مناحي
تشرفت بمرورك الكريم

تقبل تحياتي ومحبتي

الله الله الله ،


جعل عمرك يطول ويبيّض الله وجهك يابو سعود ،


نقل مفيد وسمين ،


وهذه من المجالسيات الحجازيات المحببه ،

يدلك اللهجه في مثل هذا الشطر : تاجيـك بـالأرزاق مـن غيـر تأخـيـر



لكن الاحظ مايلي :





فـيّـه بـيـوت الله ومـكـة وطـيـبـة **** وفيـه قـبـور الأنبـيـاء والصحـابـه
والوحـي فـوق الـبـر نــزل كتـابـه **** والله عطاني خيـر وإلا أنـت شـأعطـاك

كلمة طيبه في الشطر الاول ( طابه )

وهنا


قلـت الدعـاوي ((بينـك)) وصلـت الـمـاد

بينكم,


والله يعافيك يابو سعود الصراحه معذور لطول القصيده او المحاوره بالاحرى !


ولكن اقبل المرور المزعج كالعاده ،


اخوووكم

ياهلا ومرحبا

ياهلا وغلا

والله حياك ربي

وينك طولت الغيبة اشتقنا لك


شكرا على مرورك يالفحص الدوري

دايما تنبهني لأخطاء طباعية

أشكرك جدا جدا

بالنسبة للبيت المذكور
فيه بيوت الله ومكه وطيبة

اعتقد ان اختلاف القافية في لهجتنا نحن أهل نجد أما في لهجة أهلا الحجاز فلايظهر اختلاف لأنهم يقلبون الياء الف في بعض المواضع


وتقبل فرحتي بعودتك ومرورك

وتقبل تحياتي