قصيدتين في رثاء الطير للشاعر بدر الحويفي

أهدي لكم هاتين القصيدتين للشاعر والصقار بدر الحويفي الحربي :



[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
:واطيري اللي لأبرق الريش جذاب = بالقاع وان طارت يخيب تعبها
لا شافهن في جانب الروض ما هاب = حول على اللي نفضت له غلبها
بالكف ما يكفخ وللصيد قصاب = كم خارمٍ منه أقرشت لا ضربها
غدى وأنا اومي له على راس مرقاب = طلعه ورى برقا بعيدٍ طلبها
بيني وبينه زولت قور واهضاب = هف وهفا بأرضٍ قليل عربها
ونخيت صدقاني عريبين الأنساب = وكلٍ تحيزم وأستعد لطلبها
وراحوا على الحروة يرمّون الأسباب = في ديرةٍ بالقيض تابس اقربها
وجوني وعزوني عن الطير حطاب = وأستقنعت نفسي وهون غضبها
قالوا لقينا جثته بين الأطناب = تلعب به الورعان جملة لعبها
لا جاء القدر مال الفتى عنه مجناب = يا ما فجع ناسٍ وناسٍ نكبها
وياما خذا طيرٍ تدرايه الأجناب = وإلا الطيور تموت ماحدٍ حسبها
مثل ( الخريشا ) وأبن حثلين ( عقاب ) = لا طار عن بيض المفارع سلبها
يوم الفعول برمح وسيوف وحراب = ومشوكٍ يشظى العظام وعصبها
هاذي علومي ياعزيزين الأصحاب = في طيرتي واللي جرى من سببها



وقال :

يابو فهد قلبي تقل فيه لحام = كنه براس التاج تكوى عروقه
بأسباب طيرٍ مات والناس صيام = بآخر شهر تسعه طوينا سبوقه
النادر اللي يعجب العين لاحام = يا زين تنجيمه وما احلى خفوقه
صيروم لا حول على الخرب جزام = وان طار وأقفى عن نويه يعوقه
عزالله اني ضايقٍ عقب غنام = ألحق على القلب المولع حروقه
ان ماحصل لي سجةٍ مثلي العام = آخذ بها بين الصقاقير روقه
لا كان مدري عن مقادير الأيام = يالله عسى حظي تساعف وفوقه
انا غرامي شقة النور مجهام = الفجر لا أقفى الليل نوره يسوقه
لا طاب نوم اللي ليا نام ماقام = أكبر ضحى ياكل غداه وريوقه
يسهر على البيلوت وفنون الأنغام = وكشف البروق اللامعه مايشوقه
مالايعه لكم الصحاري بالأقدام = ولا أحفت ذعاذيع الهبايب رموقه
ماهو بمثلي بين عال ولوام = من شان نفسي للصقاره عشوقه
قلبي لشرسات القرانيس مريام = اللي لهن بيض الدواغر علوقه
هذا غرامي لو تجي لي بالأولام = مالي هدف وش باع وشلون سوقه
اليا قطعت ( البتر ) وعروق ( لزام ) = ضاعت همومٍ بالضمير مخنوقه
في ديرة مابه مزارع ومرسام = بين ( الخرم ) ? ( الهوج ) ? ( شعاف لوقه )
مع ربعةٍ نقوة شغاميم وحشام = وخويهم يحشم ويعطى حقوقه
كل ابلجٍ يعجب مقامه إلى قام = مستارثٍ طيب النبا من عموقه
ماهو لغاويٍ ولا هو بشتام = صدره وسيع وزين الأخلاق ذوقه




[/poet]

انـا غـرامـي شـقـة الـنـور iiمجـهـام الفجـر لا أقفـى الليـل نــوره iiيسـوقـه
لا طـاب نـوم اللـي ليـا نــام iiمـاقـام أكبـر ضحـى يـاكـل غــداه iiوريـوقـه
يسهـر علـى البيلـوت وفنـون iiالأنـغـام وكشـف الـبـروق اللامـعـه iiمايشـوقـه

الله .. الله

اختياار موقف يامحمد

صح لسان الحويفي

ولاهنت

تحيااتي

[ALIGN=CENTER]



الله لا يهينك يا محمد علومك غانمه دايم
ما تجيب الا كل مميز وراهي لا عدمناك

صح الله السان الشاعر بدر الحويفي ولاهنت
نتلهف للقادم جعلك سالم



تحياتي اخيك













العجمـــ بــــدر ــــي.....@@




[/ALIGN]

المشاركة الأصلية كتبت بواسطة

كاتب الرسالة الأصلية محمد صالح العتيبي
انـا غـرامـي شـقـة الـنـور iiمجـهـام الفجـر لا أقفـى الليـل نــوره iiيسـوقـه
لا طـاب نـوم اللـي ليـا نــام iiمـاقـام أكبـر ضحـى يـاكـل غــداه iiوريـوقـه
يسهـر علـى البيلـوت وفنـون iiالأنـغـام وكشـف الـبـروق اللامـعـه iiمايشـوقـه

الله .. الله

اختياار موقف يامحمد

صح لسان الحويفي

ولاهنت

تحيااتي

بدر الحويفي


الشااعر القدير .. الشااعر المحنك

الشااعر الباارع في كل شي

دائماً ما نستمتع بقصاااائده

صح لساانه ... وسلمت يا محمد

نقل مميز

لك كل تقدير واحترااام

أخي محمد صالح العتيبي

اخي بدر ناصر الجمي

اخي سالم الحصين

اخي ناصر تراحيب

تشرفت بمروكم الكريم

وتقبلوا تحياتي

وأحترامي