 |
 |
 |
||
 |
 |
|
|
|
|
||
|
|
|
 |
 |
 |
 |
|||||||||
|
||||||||||||
 |
 |
 |
 |
|||||||||
| ..: مرقاب اللّقاءات :.. اللقاءات والامسيات الشعرية |
|
|
أدوات الموضوع | ابحث في الموضوع | انواع عرض الموضوع |
03-12-2005, 06:37 AM
|
#11 | |
|
(*( عضو )*)
|
أرحب يا سداح
مغن الشعر والفخر والمجد ياهلا وغلا ومرحبا ومشاركتك يابعد راسي فخر بأى شكل من الاشكال بس ما تعلمنى  وش هالاسئله الناريه يأخوى أنت تصلح تستفز الواحد حيه وحى ما جاب يستفز والا ما يستفز جيت ومرحبا بك وياهلا وإليك ما طلبت من اجوبه : ** ما أسباب هذه الحساسية المتكرره في شعرك واللهجه العرده ان جاز القول وألا ترى انها تبدو جليه للمتابع ؟ تمنيت لو خصصت السوال وحددت القصد هل باللغه او بالقصيد بشكل عام عموما طال عمرك سأسدد الموضوع بشتى محاوره ولو طرقت ما أشرت إليه بإمكانك التحديد اكثر هناك محورين للسوال : الاول .. الكلمات واختيارها الثانى .. القصيدة بشكل عام بمجملها تقول بسوالك ( عرده ) وتقول ( جليه ) اللهجه ذى انا احبها لانك جمعت بين بيئتين حسب عرفى وهذا ما طرحته بقصائدى كيف ؟الكيف والله مقابلك ان بغيت الصدق المهم اولا ... سأتكلم عن المفرده التى تتشكل منها القصيدة انا كشاعر احاول أن اعكس بيئتى التى تشكلت بها وهذا شي طبيعى ... خالد كفرد تشكل بين عدة بيئات اولها دوله الكويت التى درست بها نصف عمرى الدراسي واخرها المملكه العربيه السعوديه التى حصدت بها التعليم العالى وكان هناك بيئه ثالثه ألا وهو البر والبيئه البدويه التى عايشتها من قرب جدا يعنى خيام وابل وحلال وشديد ونزول وورود وغيره يعنى كما قال احد الشباب ديكور شاب متحظر وفكر شايب معاصر لذلك لاتستغرب أن وجدت كلمات لدى قديمه جدا وبالمقابل تجد مفردات اخرى تعاكسها ولكن الشي الوكاد ... أننى لاأضع اى حرف ألا وأنا مقتنع ومتعمد يعنى مثل سوالك .... عرده وجليه .. يا زينها زيناه المحور الثانى : القصيدة ككل أنا ما أتعمد كتابتها هى تجى بكيفها وبالوقت المناسب احيان وانا اسوق واحيان وانا بالعمل الزبده انها لاجت كتبتها وانت تقول قصيدتك عرده أخالفك الرأى أستاذى لان اسلوبي الشي المعبر البسيط السهل المطور ذو الفكر والمحفز يعنى لو بغينا مجازا ... نطق قصيدة عرده لاى قصيدة هى القصيدة الخاليه من الحكم ومن الكلام العام الدارج والتى تحتوى مفردات دوب تجمعها مع بعض ودوب تقراها بالملعونه واختها ** ماذا يعني لك نديم القوافي ؟ لقب كتبت به منذ زمن عندما كنت احد مشرفى المرقاب وقد كتبت به لغرض تميز بعض القصائد وتواجدها بالصفحه الاولى وعند صدور القرار السامى رقم .. وتاريخ ... طبعا القرار صدر من معيض وهاللادمى ذكه عند القرارات يحبها بشكل مجنون يصلح حاكم للعراق الزبده معيض كان عنده خبر فيه ولما منعت الالقاب معاد واجهت هاللقب ولا دخلت به وراح مراح مقيط ورشاة ** الوالد اطال الله عمره كيف يرى ما تقدمه من شعر ؟ سداح انا ما تعمدت اجى شاعر ولازلت اقول هالكلام انا رجال هاوى للشعر ومزاجى أكتب عشان الهبايب اللى بالصدر تطلع دخلت للنت صدفه ونشرت به صدفه وحطونى العالم شاعر والله يا حظيتى انهم مهبل لو تابعت قصائدى منذ دخولى للنت لوجدتها اغلبها بسيطه وعاديه لانها كانت اغلبها كيبورديه اول قصيدة كانت كيبورديه العز رمز المرجله والذل رمز الانحطاط _____________ والكلمه اللى طيبه للناس ما تبغى وسيط البارحه سوالف براد الليل عن مبدا شباط ____________ وانا الذى من غيبتك مانى على خبرك نشيط كنت دوبنى متخرج من الجامعه وجايك للعمل نشيط .. عاد بالعمل موفرين لنا كلش كمبيوتر ونت المهم ان زميلى استغرب منى المسودات حقت العمل مغير اشخبط واسمعه قصيد خصوصا ان عملى كان ولاشي يعنى ماكو ضغط فكنت اطلع من العمل معى اربع وخمس قصيدات فقال غريب يا خالد ليه ما تدخل النت وتحط قصيدك حقدت عليه بصراحه لان وقتها دوب النت نزل عندنا تقريبا له سنهوقد رحت مع واحد الله لايوريك دخلنى للنت وبالشات وجلست معه وزهقت وقلت يأخى هذا سخافه هذا نتهم اللى يقولونه المهم الرجال قال لا النت مو سخافه وفيه شعر وقصيد دخلنى لاول منتدى وقريته وانبسطت وسوا لى ايميل وسجلنى وطوالى زتيت القصيدة والا الردود تقول انت المتنبي رقم 2 الا حاجه بسيطه عاد من ضمن الناس اللى عرفتهم من خلال النت معيض العتيبي المهم صرت كل صبح اصبحهم بكيبورديات حتى تورطت وصرت اشارك واقرا وعرفت اننى اتعجل بكتابه اغلب القصيد واستمريت والحمد لله عرفنا اللى مثلك وشرواك وهى الثمره اما الوالد اطل الله بعمره فقد بديت وانا احاول اخرج من مظله انه والدك شاعر وانك عشان معرفته بأغلب الشعراء والصحفين راح تطلع ..فكنت اكتب ولا ابلغه ولا يدرى وربما انت ادرى بهذا الشي منى .. نظرا .... ما يحتاج عاد افهمها لا امتح بها هنيا اول قصيدة عرفها كانت هجائيه وكانت بشخص معين وهذا الشخص اخذها لين سلمها للوالد اطال الله بعمره وقال فكنى من بندر ( طبعا بندر اللى هو أنا لان لدى أسمين .... مميز ما يمديكم ) طبعا اخوى بدر عنده قراها وسكت ولم يكلمنى المهم مرت السنين وصرت انشر وصرت اطالب بعدة مناسبات ان اشارك وارفض لان والدى كان موجود .. وإذا حظر الماء بطل التيمم بعدها ناس كثير طاروا يطالبونى بقصائد وصار الوالد منهم يسمع لى واخيرا الان صارت بعض المحافل يقول لى الوالد اكتب بهم نيابه عنه اخر حفله حضرنا بها وكان بها عدد من شعراء القبيله مثل محمد بن طمحى وعبد الله بن سنان العما وكان فيها امسيه طالب الشباب بتواجدى وزهمنى والدى بالمكروفون وشاركته جبريا وجبت قصيدة عتيبه والموت ووقصيدة حبيب قلبي ناصر تريحيب وردى عليها والحقيقه أنذهل اغلب الحضور لاننى ما كنت اعرض عليهم قصيدى واشادوا بها ومن ظمنهم الشعراء اما الوالد فقد مدح قصيدة عتيبه وقصيدة ناصر تريحيب وكما ذكرت لازلت لااعرض قصيدى لااحد ربما فراج الكرشمي اخوى الكبير والعود احيان اكلمه واستشيره ببعض القصائد لانه من الروح وفيها اما البقيه فأظن الشاعر يميز قصيدته بدون نشده ** وطالما انني تطرقت لشاعرنا الكبير حميد الذيابي الى إين وصلت اللي مسكها بدر مع فكة الريق ؟يا هشم زورى هشم زور الدجاجه ______________ إليا مسكها بدر مع فكة الريق بدر اخوى الله يحفظه سمين ودب وعساك ما تجى لقمه بفمه خصوصا لاصار مشتط ووجبان هذه ابيات للتسليه فقط ايه دامك جبت هالبيت خلنى اسدح لك بيت يهمك للوالد بعد ولن اكمله لعانه ياشبه وضحا مع طروش الغنانيم ______________ فتاة ما سار الحوير تحتها تقطعبها الفرجه رجال الملازيم ______________ ما صلفقت عن نيةٍ ناويتها - قـال وينـك وقلـت قريـبٍ مـن بعيـد قال تمـزح وقلـت ألغيـت بنـد المـزاح ** من ردودك وحيوية مشاركاتك وعلاقاتك - ماشاء الله - يبدو لنا خفة ظل تواجدك كيف قررت الغاء بند المزاح ولماذا ؟ اول شى يالعبيط وين طحت على هالقصيدة وانا مانزلتها بالمرقاب يأخوى المرقاب شعرائه خطيرين لذلك ما اجيب لهم الا شي يجاريهم وانا بعيد عنهم واللى مثل القصيدة اللى فوق بويتات تلقانى الفزها هناك والا هناك بعدين يا سداح الشعر يتكون من .............ومثلك ادرى غيض او فيض غيض بمعنى حقيقه حاستك وتكتب منها او فيض وهذا ما اسميه الخيال لذلك لا تسألنى عن بيت من قصيدة وتقول لماذا ؟ تعرف ليه !! لان الاجابه بنفس القصيدة ولا يحق لى انا كشاعر حتى ان اشرحها لك تدرى ليه لاننى لو شرحتها ذبحت فكرتها خل كل يشيلها ويحطها ويفسرها بمزاجه لذا والوضع بعاليه انت ترتكب جرم يا مجرم دامك فصلت راس القصيدة عن اعضائها الباقيه لباااااااااا والله كبدك افصل على كيفك تمون وتطول ** كنت متواجد بإسراف في المرقاب وغبت فتره وعدت من جديد .. لن اتطرق لما اعلمه فقط اريد منك إيضاح الفوارق وبشكل عام ان وجدت بين تواجدك السابق والحالي بعد العوده الملحوظه ؟ غبت وعدت .. وعدت وغبت سداح انا لاأنظر للمنظور من باب غياب او رجوع ولا احب هاللغه بكل امانه انا اخذ الموضوع المكان اللى ترتاح فيه راح تتواجد فيه والمرقاب اغلب شعرائه زملائي واعزهم واقدرهم واغليهم وصدقنى فوق النت حتى لو غابت مشاركات خالد فأنا معهم خارج اطار النت وانت تعرف هالشي زين لا انكر أننى كنت بالمرقاب ولخلاف ادارى كون اننى كنت احد المشرفين زهقت من بعض الاشياء التى ما احبها ولا أتقبلها ولا اهضمها ولما رجعت عضو عادى صرت اتمسس بكيفى اجى لما اشتهى واطلع لما اشتهى وبحكم اننى ذيك الفتره تشبعت من المرقاب فغيرت جو والان متواجد كعضو مالى شغل بالاداره وكما قال المثل الشيوخ ابخص بأهدافهم وبمرقابهم اما التغير سداح انا دخلت المنتدى على بدايته والمنتدى الان بعزة فكيف اوصف لك حاله الطفل الذى كان يحبو والشاب المكتمل ولكن لدى برضه وجه نظر وقد لاتجوز لك ولا للاداره ولكنها برضه وجهة نظرى هو انك لاتضع البيض بسله واحده فتقده فى أحد الايام وهذه حكمه تعلمنا من احد دكاترتى بجامعه الملك سعود الله يوفقه هاك القبال وين مالقا بما معناه ان المرقاب واى منتدى ادبي راقي ساتواجد به بغض النظر عن المسمي ** أنت متهم بكشف الغطاء عن احلامك الورديه والحمراء إيضا دون تحفظ .. ما تعليقك ؟ يقال للشخص عندما يتهم احظر سندك انت بنيت السوال على القصائد سبق ان ذكرت لك أن الشعر حقيقي وخيال شاعر تجده ما يكتب الا شي شافه بعينه وتجربه حسته وشاعر مثلى تلقا خياله خصب يكتب لو بشي ماعمره مر به ولا شافه انا الشعر لدى بثلاث مستويات الحسي وهو احلى شي لانه يخاطب الاحساس الوصفى وهذا اللون له معجبيه ولا احب اركز عليه كثير وخير شاهد لذلك قصيدة وانا ضحيه لنطق الصوت ... صوتٍ لعن خيّر الاصوات هذه القصيدة قديمه وترددت بطرحها بكل امانه المشفر وهذا اللون اللى يجمع التجاوزات الغزليه والسياسيه فقط لدى وهذا اللون ما كتبته كثير ولو كتبته نزلت منه يمكن نص او ثنين فقط لاغير والباقى عانه متسدح بالادراج سداح أنت علامك من يشوفك يقول هذا مو خالد الذيابي هذا نزار قبانى يأخى يحق للشاعر مالا يحق لغيره يحق له يحلم بمزيونه تقوم الدنيا وتقعدها ابك يا مسلمين حتى الحلم محرومين منه يعنى بضرب مثال لو انى سيرت عليك بالكويت ودخلنا سوق شرق نشترى شماغ ومرت هاك العنقاء اللى تقول للقمر وقف وابطلع مكانك عاد انت تدرى الكويت كوكتيل وديموقراطيه وكتبت فرضا قصيدة وصف بحيث انك تربط الواقع بخيال هل هذه تجاوزات ورديه او حمراء يأخى قبل أسبوعين حضرت امسيه انا واخوى بعيد الهقاوى المهم اول قصيدتين القيتها كانت وطنيه وراح السرا لعويد المطرفي خلال هالفتره جانى الضابط المسئول عن الحفل وقال يا خالد غزل ؟ قلت اطلب عزك مير معاد فيه الا غزل جعلك سالملما بديت وكانت اول قصيدة حقت الصوت صار الجمهور يردد الصدر والعجز بشكل مجنون عاد مركز تدريب وتخريج وفوق 200 طالب متخرجين وكم ضابط يعنى قلوبهم خضر بقوة المهم كل القصيد اللى بعدها غزل وهم انواع الترديد والملالاه لما خلصنا الامسيه كان الختام شيخ وفقره دينيه أستلمنا يالشعراء والقصد انا طبعا لان الجمهور تفاعل تفاعل غير طبيعى معىانا بصراحه لو وصلنى المكرفون تكلمت معه علنيا لانه شوى ويحطنا ندعو للغزل الفاحش لما قلطنا للعشاء كان الشيخ معنا وطوالى قال يا خالد لو تخفف حده قصايدك لانه وقعها بالنفس قوى قلت ليه يا شيخ شايفنى مدخل بها ضم والا لم والا حاجات تخالف الشريعه قال لا بها وصف دقيق ويوثر والدليل تفاعل الناس قلت اجل تبينى اتغزل واقول ان ملهمتى قصيرة ودبه وعيونها حول وخدودها مغطى وجهها قال لا بس اكيد وصفك على شوف قلت والله لونى ساكن ببرج المملكه او الفيصليه يعنى الشاعر ما عنده خيالوهل توقعاتك اننى كل قصيدة لازم اكون فعلا مجرب الدور المهم اننى ذكرت له ان الشعراء كانوا يقدمون على الرسول صلى الله عليه وسلم وكانت عادة شعراء العرب ذاك الوقت ان يبدئوا اى قصيدة بوصف غزل ولو نظرنا مسيره الشعر حتى وقتنا الحالى الوصف موجود وهو لون لكل الشعراء المهم انه اقتنع بالاخير وانت عانك تقول سامع منه يدافع البلا سداح الغزل لايعنى انك عربيد او متوسد بشتك بوسط السوق لا انا ادرى ان بعض الناس ما يحبه وهبه من الله ويشوف انه اسفاف ربما ولكن الاغلبيه تجده فاكهه الشعر وانا يأخوك اجد نفسي بشعر الغزل بكل امانه واحس انه قريب لنفسي وعبد الرزاق الذيابي يقول يا خالد لا يهمك احد تغزل لعنبو الفقر وعانى مجودا وصاته بس يعنى هد من روعك ترا ما فيه الا احلام شاعر يرى العشق بعين اخرى بعيد عن اللون الوردى والعنابي والاحمر ** على اعتبار ان هناك شعراء كما صرحت يتذبذبون على تيار خط 110 ، حدد بالنسبة المؤيه شعراء المرقاب على جميع الخطوط الكهربائية المتاحه لإيصال التيار بالنظر لجميع المولدات الكهربائيه شديدة الضغط والمواطير منها فأعتقد وهذا إجتهاد منى أن النسبه تتراوح بالمرقاب من 20 إلى 30 بالميه فقط سداح ابشرحلك كلامى اعلاه انا متاكد ان سبق لك ان ذكر لك انك شاعر كلاسيكي لاحظ كلاسيكي مأنت بمكسيكي انا ذكرت امامى وذكر ان المرقاب بكبره كلاسيكي والقصد طبعا انهم ما يكتبون شعر جديد طبعا الكلام هذا ورد من روساء تحرير وشعراء انا اسميهم شعراء ورق ان صحت التسميه الا وهم مدعين التجديد والتحديث وهم رواد الحداثه بصحيح العباره هم قوم على يتبعون ((( على رصيف الشمس فى رحله الذات ))) كنا نجتمع كثير بالجنادريه وغيرها من محافل وكنت شرس معهم بالدليل الخطابي فذولا يتكلمون ان الشعر اللى نقوله ماهو شعر هذا شي قديم عليه غبار حسب عرفهم وانك لازم تجيب شي ما بعد جيب يعنى تعلق بالمريخ وتكتب به لا وبعضهم يقول انتم جهله ولا تقرون رويات فرنسيه ولا المانيه ولا حتى روايه بنات الرياض قلت لهم طيب فرضنا اننا قرينا وش تبوننا نسوى .. قالوا بسيطه اخذ كلمات غريبه وركبها ببيت هنا النجاح قلت يا مال والله المشعاب على القله هالحين انتم تكتبون مالا تعرفون وتوزعون خزعبلات فارغه وكلام فاضى مجمع وتسمونه تحديث قلت الان ما تستحون الان لما يحظر واحدكم لاامسيه ويكون معه واحد كلاسيكي على كلامكم الجمهور يصفق للكلاسيكي وانتم تهرجون ما احد يعرف وش تقولون قالوا اكيد لان شعرنا فكر لازم التمعن قلت اجل الشعور ما يحركه اجل الكلاسيكي يحرك الشعور ولاهو معجبكم وانتم فقاعات اجل سعد بن جدلان الاكلبي مامعه شهاده ولاهو متعلم ولا يقرا رويات ماهو شاعر ؟ سداح قدام عينى ما اقول انها تذكر لى شعراء وبعضهم من المرقاب خلال امسيات بدون ذكر اسماء ما جيت اجرح احد يمر من امامهم شيبان ورياجيل ويقولون بالحرف الواحد اما جيبوا شعر مثل الناس والا اسروا لا ...سركم الله عز الله ماندرى وش تقولون !! بالله لونى مكانهم الظاهر معاد قلت شعر دايم والبعض منهم لما نحظر محافل رياجيل ويطلب القصيد ويطلب منه يرفض واذا نشدته يقول ما يصلح لهم !! بل البعض قال لى ان قصيدة للبنات ؟؟ طيب القصيد اللى ما أقوله قدام النشاما وش ابيبه وهل انا عشير نشاما والا عشير ربايع !! اذن يا سداح الامسيات تفضح اصحاب الفكر اللى شاطح لانهم فقاعات ورقيه وصنع اعلام فقط وللامانه المرقاب به نخبه قويه جزله ولا يمنع ان فيه من هولاء نسبه بسيطه يارجال فيه منتديات والله انى اطلع من قصيدة إلى قصيدة أبي شي فيه رجا ارد عليه او اقراه ولا احصل اما المرقاب لاو الله ما فيه الا صمخ بيوت على الزقم تبي علمى يا سداح يا عنك انك تصلح صحفي ما على من الحكى لاهنت لتواجدك هنيا والف شكر اسلم وسلم على الشايب والاخوان فديتك تحياتى |
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض الشجري