( تحـت المجهـر ) 20

ارحب ارحب ارحب يا مبارك بن اعيينان مليوووون
انا اعرف ظروفك وظروف سفرك المتكرر لا عدمتك
وحضورك يسوى عندي الشي الكثير يعلم الله .. ومانيب قايل
فاللي قلت .. الا ما عليك زود يا ابو محمد .. ووجودك هو المكسب



خالد بدون مجامله وبكامل الصراحه التامه ولاتهون لاتحط ثنتين في الاجابات

على خشمي

1 قبل وقت ليس بطويل حذفتلي قصيده من المواهب ,انت تمون طبعا, لكن بدون تبليغي سواء بالتلفون أو بالرسايل الخاصه مع العلم أني داري أنك من اقل المشرفين اللي يقومون بحذف المشاركات ،، ماهي الاسباب اللتي دعتك لحذف القصيده ؟


نعم يا ابو محمد اعترف بكل ما قلته .. انا اللي حذفت القصيده وكنت وقتها ماني ضمن الطاقم الاشرافي .. ولكن ضمن مجلس الاداره واتمتع بكامل الصلاحيات .. وهذا اللي خلاني ما ارسلك رساله خاصه ! وراح تقول ليش ما كلمتني طيب ؟ واقولك انك كنت فالامارات وقتها .. وكان عندي خبر ان ناصر الهاجري بلغك .. المهم ما علينا : الاسباب يا ابو محمد مثل ما انت عارف ان القصيده أُسيء فهمها ؟ مع العلم انك تقول ان هدفك بعيد ولا تقصد الأساءه الى احد ! ولكن رأيت بعد ان حدث ما حدث ان انقلها لسببين : 1- انت شاعر كبير ولك من القصايد اللي تطرب جماهيرك وتغنيهم عن هذي القصيده مع العلم ان بيت واحد منك يسوى قصيده كامله ! فقلت في نفسي ان ابو محمد ماهوب في حاجتها ولا هيب راس مال .. 2- لكي انهي إساءت الفهم وتداعياتها اللي ما تخفاك .. واللي حنا في غنى عنها .. ويعلم الله ما اتخذت القرار هذا الا للصالح العام فقط لا غير ، وللمعلوميه .. ما فيه احد من الطرفين وافقني على ما قمت به


2 لماذا تحلل القصيده ويفكك معناه وكذلك المحاوره هنا في المرقاب من قبل بعض الاعضاء الى أشياء لاتمت للشعر بصله .. هل السبب قلّة الخبره والاحتكاك في الشعر أم صغر السن أم ضيق مساحة العقل أم من شوير المحلل اذا ابدأ رأيه ...


مشكلة المرقاب يا ابو محمد وهي بالاحرى ميزه وليست مشكله .. انه مبني على الذائقه الصحيحه والتي تفتقدها معظم المنتديات .. فمثلاً تجد الردود هنا الاّ ما قل ( وانا اتكلم عن اصحاب الذائقه اللي عليهم الكلام ) .. تفنّد القصيده بيت بيت وتعطي النص حقه عكس المنتديات الاخرى والتي بنيت على ( صح نبضك فقط ، يا للروعه فقط ، مجنون فقط ) !! .. باختصار القصيده ملك الشاعر بكل ما تحتويه الى ان ترى النور للجمهور .. عندها لهم حريّة التحليل والمدح والانتقاد و و و الخ .. !