إلى أقبلت قام يتكفكف دجى الليل ،، غزلية لأبن زويبن الحربي

الله الله الله ،

عزالله انه متمكن وشاعر لين يخلي سوره على ماقالوا ،


ولم يكن اعجاب ابن عون به من فراغ ..


خاتمة الكلام ان عبدالله بن زويبن شاعر كبير وبس ،


وانت يامحمد بيض الله وجهك ،

كل علومك غانمه وستبقى كذلك بإذن الله ..



إعاده :

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياسعود عسى داركـم عمهـا السيـل = عقب البروق اللـي تكاشـف جهتهـا
عطنـي جميـع اخبارهـا بالتفاصيـل = عسـى الرجـوع التالـيـة سيلتـهـا
لعلهـا دايــم تـصـب الهماللـيـل = علـى الفـروع جبالهـا واوديتـهـا
دار ربـو فيهـا الرجـال المشاكيـل = من ماضي الايـام مـا احـد شمتهـا
حمايـة الخايـف وصبابـة الهـيـل = وعوق السمين اللـي تمـوح ذنبتهـا
لو كان ما رجي من وراها محاصيـل = مير الرجـال تحـَب مـن سامعتهـا
وفي ضفهـم راع العيـون المكاحيـل = اللـي يـذوب القلـب مـن سلهمتهـا
إلى اقبلت قـام يتكفكـف دجـى الليـل = كـل الـديـار المظلـمـة نورتـهـا
وإلى ادبرت غطت جسدها المجاديـل = بيـن الخلايـق لـو تعـرى كستهـا
أن كفتّـه مثـل الغصـون المحاميـل = وان فلـتـه قــام يتثـنـى تحتـهـا
كنه سبيب اللـي ليـا ماحـت الذيـل = راسـه تعـدى راسـهـا وارقبتـهـا
صفرا وهي بعذارها سمعـت الخيـل = اشد من ضـرب الدفـوف أرجفتهـا
وقامت تشيل بنفسهـا بالسمـاء شيـل = وصاح النذيـر وسبـّق الخيـل جتهـا
خيالهـا دايـم علـى خصمـه الميـل = إلـى فـرق رجليـه عـن معرقتهـا
شيـخ مضريهـا لنـطـح المقابـيـل = صـوب الخـلا بعنانـهـا ماعفتـهـا
تفرح بـه اللـي ماوراهـا رياجيـل = وصكـّت عليهـا خيـل قـوم وخذتهـا
قومٍ تقفـّوا جلها والمخاليل = أقفوا على خلفاتها واجنبتها
وابطت فزوع مسحبين الشماليل = وجاء من يرد البل على راعيتها
عن كبدها يجلـى الصـدا والبهاذيـل = اللي لفت فيـه الصـدف مـن بختهـا
ونادى لهـا يـام الحلـق والخلاخيـل = ويـن اتجـاه القـوم يـوم اقتفتهـا ؟
وقامـت بذرعـان زهتهـا المفاتـيـل = تنعـت وراهـم ليـن وكـّد نعتـهـا
وقامت تزغـرد بالغنـاء والمواويـل = وجاه الدهاش وشاش مـن غطرفتهـا
ولحق بسيفٍ لمعته مثل الأستيل = وصفراً إلى جات الحلاة أطمرتها !
وأومى بهم مثـل الهـوى بالمخاييـل = وضاقت بهم جـرد السهـال وسعتهـا
من راح ماعوّد ومن طـاح مـا شيـل = وقطم الحذا راجـت عليه غبرتهـا
فيما مضى واوردتها ضـرب تمثيـل = لوكـان دورات الزمـن كـد محتهـا
دنيا تفـرق شمـل جيـل بعـد جيـل = قدامـنـا كــم عـالـمٍ فرّقـتـهـا
دارت بنـا الايـام مثـل المحاحـيـل = عنهـا نحـت فيـّه وعنـّي نحتـهـا
نحت ولاجتنـي خطـوط ومراسيـل = وإلـى كتـبـت رسـالـةٍ ماقرتـهـا
لاكـن قـرار الحـب مافيـه تعديـل = لو عشت بالدنيـا إلـى آخـر سنتهـا
يبقى على ما كان لو طاله الطيل = رسمٍ بذاكرتي وفي ذاكرتها
هاض الضمير وقلت من عر ض ماقيل = واخير مـن سـرد العلـوم اثمرتهـا
اختـرت ماتصلـح عليـه التعاليـل = عند الرجـال اللـي تصـوغ أمثلتهـا
بعض الرجال يقابـل الكيـل بالكيـل = وبعـض الرجـال تحدّهـا معرفتهـا
والنـاس باللـي ماتعرفـه جهاهيـل = ويبيـن غـيـب قلوبـهـا بالسنتـهـا
وتعـرف فصيلـة دمهـا بالتحالـيـل = وتبـيـن جنسياتـهـا مــن لغتـهـا
:
:
عبدالله زويبن المعمري الحربي[/poem]