ابن وسام .. ونور الشريف !

توْني درين ان منت من الاشراف .. يا نور الشريف
حتى لو تصلي صلاة الفـرض فـي مسجـد قبـا

لكـن يـا سلطـان بـن وسـام ابـو دمٍ خفيـف
وش قصة اللي كل مـا ثـارت .. تثـوّر فالخبـا

لو البروق اللي على متن السحاب .. بروق صيـف
ما كان سال السيل فالوديـان ثـم وصـل الزبـا

دام الجمل ما حك راسه غيـر فـي راس الرديـف
يرضيـك منـي ياسـلام .. ويقنعـك يـا مرحبـا

:

:

الله الله الله ياخالد ..


والشجره اللي غصنها متعـدّي الضلـع المنيـف
ما تنمـو .. الا كـل مـا هبّـت ذعاذيـع الصبـا

اهل النجف تلطم مثل ما يلطمـون اهـل القطيـف
احدٍ علـى وضـح النقـا ، واحـدٍ يـدوّر للغبـا




واحدٍ على قمة جبل ، واحدٍ على حيـد الرصيـف
واحدٍ من الضحكه غشا ، واحدٍ من همومـه ربـا




ربّع .. ورى روضة خريم ولاتفكـر فـي جنيـف
واليا غزاك الشيب سلّم لـي علـى ايـام الصبـا!




/

\

الله الله

خالد الحصين .. باسق ووارف وعذب.. وهذا الشعر اللي يفرض نفسه

فعلا ً شعر يحتفي بروعة الحرف والحرفنه والفكر الباهي

صح لسانك مدد بلا عدد وسلمت ولاهنت

وصح لسان الشاعر المعروف سلطان بن وسام

تقديري لك

اخوك