بين راشد وسلطان ( سراك من إكة الشيريا وإلا أكة الهاص )

هذه المحاورة جرت في منطقة القصيم قبل عدة اشهر بين الشاعرين راشد السحيمي الحربي وسلطان الهاجري :

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

راشد :

هلا يا مرحبا في محلٍ يرفع الراس = محل الحربي اللي رفع ربي مقامه
بدون قصور بالحاضرين وباقي الناس = على ما قيل كلٍ بقدره واحترامه


سلطان :

يدوم إلك البقاء ضيفكم طرقي وعساس = سلاحه في يده والفشق مالي حزامه
تحيزم عن فلسطين يا محمود عباس = ترى ياسر عرفات ما حقق مرامه

راشد :
سلاحك مثله سلاح والموضوع حساس = ليا منك سلمت احمد الله بالسلامة
اثر مقياسكم للعرب ماهو بمقياس = لعل علومكم ما تصل حد الكرامه


سلطان :
سراك من اكة الشيريا وإلا أكة الهاص = ترى اللعبة حكم والولد طش العمامة
أنا خابرك وسط البحر سابح وغطاس = لا كنك مختلف والبحر تسعين قامه


راشد :
تراها عودت صن .. عندي صن .. لاباس = لا كن سلطان بالصن لا يكثر كلامه
ليامني نزلت البحور أطلع الماس = لا كن انته غرقت بغديرٍ فالثمامة


سلطان :
نبا نلعب مباراة واللي ياخذ الكاس = نسلمه المفاتيح في قصر اليمامة
تدوسون الجمر والجمر ما هوب ينداس = الا يا حرب هذا خطا وإلا غشامه


راشد :
انا في كل قصرٍ تعرفه لي مجلاس = مع اصحاب الفضيلة مع اصحاب الفخامة
ترى النيبان مفعولها قدام الاضراس = وروس الناس بالوقت هامة فوق هامة


سلطان :
خدمت الزير وإلا خدمت الشيخ جساس = حسابك عند مولاك في يوم القيامة
بسيطة لو يغيب القمر يانور الاكباس = جملنا لا سرى الليل فكينا خطامه


راشد :
أثر عندك محطة جديدة وأسمها (( واس )) = يا شايف شي ما شافته زرقاء اليمامة
ترى يطري لنا لجلكم عشرين هوجاس = بعيرك لا تفرط بشعره من سنامه


سلطان :
وعندي سيف وإلى اعتليت اسروج الافراس = يروح الشيخ قلبه مثل قلب النعامة
الا ياحرب ياحرب يا لباسة الطاس = لكم في نجد يومٍ مثل يوم الرغامة


راشد :
اخاف تفكر تحوس لك عالم وتنحاس = تحصل لك علامة وتفقد لك علامه
ونعمٍ بالهواجر ليا دقن الاجراس = شهادة حق ما عندهم عرق الرخامة


سلطان :
كتبنا لك كتابٍ حروفه مثل الاقواس = نبيك تسلمه بـ إيد زيزوم الجهامة
ليا ذعذع من الشرق وإلا الغرب نسناس = وصلك العلم من يمنا يا أبو دلامة


راشد :
انا ليش اعتمدها وهي حبرٍ بقرطاس = ترى تسليم مكتوبكم بعد استلامه[/poem]



اتمنى ان تعجبكم وشكرا

الاخ الشاعر / البيضاني محمد















محاورة رائعة بين شاعرين لهما كل الاحترام والتقدير ولهما خبرتهما العريقة في مجال المحاورة





استمتعت بقراءة هذه المحاورة










لاهنت وبيّض الله وجهك يا اخوي / محمد













اخـ ( ناصر بن راشد الهاجري ) ـوك

وشلون ماتعجبنا يا محمد

وهي بهذا البدع والرد المميزين

وناقلها انت

ومحاورة شعراء لا يحتاجان للشهاده ،
شخصيا اثق في ذوقك كثير ولاهيب مجامله


شكرا الف لك ولاعدمناك ،

الا والله تعجبنا وتعجبنا وتعجبنا


محمد ..

كل الشكر على ماتقوم بجلبه من مواد مثريه لهذا الموقع ومرتاديه


سلام’ عليكم

والله يامحمد انك ماتجيب الاّ الي يبيض الوجه ..

ما تنتقي الا الكلام المزبوط.........؟

محاورة راااااائعة يابو حميد...

الله يعطيك الف عافية ..

تحيتي لمجهودك الكبير
وسلامي لشخصك الكريم ..؟
اخوك

إنتقاء جميل يامحمد


ومحاوره راقيه وكايفه


لاهنت لاهنت

لاهنت


يا السمي



وعزالله انها اعجبتني



وعاد الشعراء و ماعليهم كلام


تحياتي

الاخ العزيز محمد اليضاني


عزالله محاوره مجنونه

وساخنه

وتحتاج لاكثر من قراءه

شكرآ يامحمد