تحذير غير مسبوق من المرقاب ...بلسان عبد المعين بن ثعلي ...

[align=right]سلام

أعتقد أنها من عيون الشعر العربي قاطبة...
و هي، حسب علمي، لم تنشر قبل في المواقع العنكبوتية ...و هو ما عنيته بقولي غير مسبوق...و إلا فالحكمة لا تخلو منها الديار و أهلها....
و قد طلبت من أحد الإخوان فتفضل مشكوراً بإرسالها إلي....
و لهذا ...أحببت أن أشرك أحبتي بالمرقاب في الطرب الذي وجدته في المعنى و المبنى لهذه القصيدة المتميزة لشاعر يكاد يكون شاعر الفلاسفة و فيلسوف الشعراء الشعبيين قاطبة..

آملاً أن تنال إعجابكم... و لعله من الجائز أن أضعها في هذا المرقاب دون غيره.. مرقاب المرحوم محمد الأحمد السديري....و الذي كان للشاعر معه صداقة حميمة ... تربط أبو زيد رحمة الله عليه و ابو فهد أمد الله في عمره....
تحياتي
أخوكم/ بدر

يقول عبدالمعين بن ثعلي:[/align]

[frame="10 50"][poem=font="Arial,5.5,black,normal,normal" bkcolor="transparent" bkimage="backgrounds/15.gif" border="solid,2,green" type=0 line=1 align=center use=ex num="0,black"]
***=***

يا بادي المرقاب لاتعتلي فيه= مادام قلبك دالهٍ عن عذابه
**=**
من يبدي المرقاب تكثر طواريه=تكثر هواجيسه.... ويزتاد ما به
**=**
حول..... و خله للشقاوي يعديه= على نحا قلبه يكسر حسابه
**=**
فيما يرد قلبه يصيبه ويخطيه=والله عليمٍ به خطاه وصوابه
**=**
يالله يامن كل عينٍ تراعيه=يا من فتح لمدور الخير بابه
**=**
يافاتحٍ باب الفرج وانت راعيه= ماحال دونك واحدٍ بالنيابه
**=**
يامن مفاتيح الفرج بين اياديه=و ليا دعاه امدور الخير اجابه
**=**
لاطالبٍ غيرك ولانيب راجيه=لا طالبن عفوه ولاارجي ثوابه
**=**
افرج لمن همه عن الناس كاميه=يرده ويصدر منه محدٍ درابه
**=**
والنوم ثلث من اول الليل يكفيه=يكفيه ثلث من اوله عن عقابه
**=**
وثلثين منه.... الثلث الاوسط ....وتاليه=ياخذ على الجنبين كل انقلابه
**=**
ماميد قلبه يافهد من مواشيه=رزقه على رب العباد اعتنى به
**=**
رزقه على غذّاي الايتام منطيه=يجيبه الله مايجيني نهابه
**=**
و لاشك مثلك مايبا من يوصيه=حزبك ليا كلٍ وقف في حزابه
**=**
رفيقك الطيب معه لاتخليه=عينك على عينه ودابك لدابه
**=**
الحر حر وماكره من مجانيه=ويرجع لمجنا مَاكَرِهْ وانتسابه
**=**
والبوم... لو انك تهده وتدعيه=مدعا الصقور... اقصاه لابك ولابه
**=**
والقصر لو زخرفت عالي مبانيه=ماينعمر بنيٍ وساسه خرابه
**=**
ورجع ٍ لغيرك لو عيونك تراعيه=خله يروح ليا تقافا سحابه
**=**
خله يروح ....و لو برق لك تواشيه=خيره لغيرك ....مالك الا عذابه

**=**
والخصم لو لان إلك فأول دعاويه= لاتامنه ياخذ عليك انقلابه
**=**
خله بعيدٍ عنك... والحق يرضيه=والحق سيف إلـ ـ منْ يجود انصابه
**=**
وليا نويت لمنهج الدرب تمشيه=إعزم على درب الخطر لاتهابه
**=**
واحذر من الدرب الخطر يوم تعطيه= حِذرك معك ...والله على مانوى به
**=**
و الدرب دايم ماتخليه أفاعيه=إما ذياب الدرب ....ولا كلابه
**=**
و الذيب ذيب... وعضة الذيب تشفيه=والكلب كلب ودسعته فالقرابه
**=**
والكلب... و الثعلب ...له الذيب جافيه=لاشك راحن الثعالب ذيابه
**=**
والذيب مخلابه قِصَرْ مايعشيه=تسيطر الثعلب علاه وعدا به
**=**
اما رفع راسه ....ليا النمر قافيه = ولا خذ الثعلب عشاه ...و سرابه
**=**
والذيب خاضع ....والفرج عند واليه= نصره.... مغير يعض نابه بنابه
**=**
يا ذيب خاضع واشرب الما بمافيه=نِـ ـف العدف ...واصبر عليه بشرابه
**=**
اما شربت الما بمره وحاليه=حِوِلْت في موج البحر ....من جلابه
**=**
و ختامته فاول كلامي و تاليه=ذِكر النبي..... سيْد البشر.... و الصحابه

****=****[/poem][/frame]


اللهم صلي وسلم على محمد و على آله و صحبه...

اخوي :بدر بن ثعلي

شكرا على نقلك لهذه الدرة الثمينة

شكراً جزيلاً

بدر بن ثعلي


شكرآ على النقل

ولي عوده

قريبه وتعليق
من نوع خاص

اخوي بدر بن ثعلي

يعطيك الف عافيه

تسلم لنقل هذه الرائعه ووضعها بين يدين صفحات المرقاب لتثري صفحاتها بالحكمه التي نفتقدها في كثير من القصائد بالوقت الحالي

لاعدمنا هذا التميز في مواضيعك

تحيتي وتقديري لك

اي بالله ..


هالحين هوه وش يقرب لك ؟
<-ساع انه تفرّغ للنشـَد
ههههههههه


الحقيقه ، ان ابوفهـد يعـد مرتكـز قوي لشعر الحكمـه والأصـاله
وهو من أهم وأعظم وأمكن شعراء عصره ، إن لم يكن أهمّهم على الإطلاق ..



تعليق بسيط على العنوان .:

اقول ، هو تحذير وإغراء في هذا المتصفـّح الذهبـي

سلمت لنا ياخوي بدر.


سلام’ عليكم

الاخ بدر

صح الله لسانك ولسان عبدالمعين
ولاهنت على النقل لهذه القصيده الرائعه

تحياتي لك نوض

ياسلام ..
ياسلام ..

بدر بن ثعلي كل الشكر على هذا الإيراد ..
لـ شاعر كبير وعلم ومثل ماتفضل اخي عبدربه من اهم شعراء عصره ان لم يكن اهمهم ..

سلامي عليكـ ..

عزالله إني البارح اتسمع للقصيدة بصوت أبو فهد في شريط
بيض الله وجهك يابدر

اخي الاستاذ عبدالله الرقيب....
دام وجودك...و شكرا على حسن الاطلاع...
أخوك/ بدر

الأخ مطلق المطيري
في انتظارك...و شكرا على التفاعل مسبقا...
أخوك
بدر

صح السان القايل وتسلم يمين الناقل

لا هنت يا ابن ثعلي على هذا النقل الثمين والمطلوب
والشاعر / عبدالمعين بن ثعلي .. من كبار الشعراء ومن اعلام الادب والحكمه


اخوووك

اخوي :بدر بن ثعلي

شكرا على نقلك لهذه الدرة الثمينة

شكراً جزيلاً