الحظ (((((((((((((( عاثر )))))))))))

السلام عليكم ورحمة الله وبركاته

مشاركه للتواصل

واتمنى ان تنال اعجابكم


[poem=font="Simplified Arabic,5,sienna,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الحظ عاثر على ماقيل مسدوحي = وان زان ساعه بعدها طاح طوالي
خلطت مزحي بجدي زادت مزوحي = والحين برجع لنفسي والله الوالي
برجع لربي ودرب الخير مفتوحي = النفس ترتاح للشر وتهيالي
بطلت من فكرتي تخطي ومدموحي = خلاص ببعد ولا افكر ولا ابالي
البارحه من عنادك زايدٍ نوحي = وانا معاند ولا يطري على بالي
واليوم قررت اعوفك يابعد روحي= واعوف حبك واعوف الوصل ياغالي
معاد قلبي على لقياك مشفوحي = معاد تسوين اقلك يابعد حالي
ماهي غريبه وموت الوصل مسموحي = لو كان حبك في قلبي اكبر عيالي
كان اعتقادي غلط منتي سبب بوحي =لو كانت احلى القصايد فيك تنقالي
ياوردة الشعر لعيون الشعر فوحي =غني طرب لا تغني حزن موالي
يكفي زمانٍ مضى زادت به جروحي = وانتي سبب كل شيٍ كان يجرالي
العام انا ابني وهمك هدمت صروحي = واسعى لوصلك ولا فكرت تعنالي
الغش مفضوح والكذاب مفضوحي = بيني وبينك ياحلوه حاصل التالي
كان الهوى بيننا مخلوق مذبوحي = مرات نكذب سوى مرات انا الحالي
ابن الملوح بعد ليلاه مليوحي= وانا في حبك ولاادندن ولاالالي
وش فايدات اللقا من دون مصلوحي = إشباع رغبه ولاكن تنكس احوالي
على دروب الردى ماني بممدوحي= ماودي بسيئات تخالط اعمالي
واذا تبيني اوضح قلت بوضوحي =حرام وصلك ترى ماعاد يحلالي
دام الوفابيننا ماهو بمطروحي =مابي حياة الوهم وفراقك اشوالي
خلاص روحي وخليني معا روحي =قررت بعقل واغير رقم جوالي [/poem]