شرهتي ما تسند إلا على روس الرجـال

المشاركة الأصلية كتبت بواسطة سداح

هلا وغلا يا محيا

والله يحييك


شاعر ومن بيت شعر دون شك


بس ما يطفي همومي وأجي مرتاح بـال
وأقبر أموات الهواجيـس وأطـرد حيّهـا

لين أسج الرجل وادوج مع بيض العبـال
في مشاهـي هجمـةٍ يهتنـي طرقيّهـا

جل ذودٍ يشرح البـال ويغيـظ الرجـال
منه نـاسٍ لـو تبسـم يبـوس شفيّهـا

مارث الأسلاف يوم الرصاص اله اشتعال
والأصايـل عزلـت مـن ورا مركيّهـا

أوله وإلا تواليـه مـن خشـم الريـال
شرهة الأسـوام مـا ينلحـق مشريّهـا

زينها وإن روحـت كـن ياكلهـا وكـال
تستخف عـن البسيطـة ويكثـر غيّهـا

كن فيها جفال لو كان مـا فيهـا جفـال
ليـن تركـب كلبوهـا علـى ركبيّهـا

بكرةٍ فيها تشوق النظر فـي كـل حـال
بالغـلا بلـوى عظيمـة وانـا مبليّهـا

خشمها أرثم وأمها الطافحة صفرا الشمال
فاطرٍ فالصفر شـوده مـا يوجـد زيّهـا

راسهـا طافـح تقـول يتطـلّـع للهلال
فاهـقٍ فاعلـى حجبهـا مـرودم نيّهـا

وإن نهمها راعي الذود والمشوار طـال
فوق مردفة القصيصـة تـرص لحيّهـا

ساعةٍ معهـا تنسيـك غربـال الليـال
كـل مـا داجـت ديـارٍ تهـول خليّهـا

رغبتي وإلا قناعة ضميـري راس مـال
اتقـرب جيّـد القـوم واتـرك سيّـهـا

واتعامل مع هل الطيب وافيـن الخصـال
وآخذ أريا طيب النـاس وأتـرك عيّهـا

شرهتي ما تسند إلا على روس الرجـال
مالتفت لوجيـه بـرق العبـي وعبيّهـا

وأتكيّف وأشرب الكيف من صفر الـدلال
وأمتثـل للشجـرة اللـي طويـلٍ فيّهـا

ما يفوز اللي عن الدين وأهل الدين مـال
والسعـادة نفـس مـن نالهـا وهنيّهـا



هذا والله الوصف والشعر اللي على اصوله


قصيده فارقه وموقفه بحق


سلمت يا محيا

وصح لسانك عدد حروفها ،،

المهلي ما يولي يا سداح

وصح بدنك طال عمرك

وهذا من ذوقك لا عدمتك