( علامك يادهر وش جاك منهم ؟؟ ألومك ليه ! ماتكرم لحاهم )

المشاركة الأصلية كتبت بواسطة عايض الرشيدي

السلام عليكم ورحمة الله وبركاته
أولا
أخواني مشرفي وأعضاء وزوار منتديات المرقاب الأدبية
أسعد الله أوقاتكم بكل خير جميعا
ثانيا
أشكر لجنة التسجيل
لقبولي عضو في هذا الصرح الشامخ
ثالثا
أتمنى ان يكون مروري مرور الكرام وان لا اكون ثقيل عليكم
وان افيد وأستفيد منكم إن شاالله تعالى
رابعا
أهدي لكم هذه القصيده المعبره عن ماتحتوي
وهي أول مصافحه لي
عسى ان تنال إعجابكم

[POEM="font="Times New Roman,5,black,bold,normal" bkcolor="transparent" bkimage="./images/backgrounds/17.gif" border="double,5,burlywood" type=1 line=1 align=center use=ex num="0,black""]سنا ناري قبسته من سناهم=أماري وأفتخر في مبتداهم
أركّز في سوالفهم وأسجل=وأنا ذاك الزمان أصغر ضناهم
يا بو مدح وعزاوي ما أنت الأول= ترى غيرك سرى كان أنت جاهم
تحسب إنك سبقت الناس بدري=مع أهل الخيل يا شقرا وراهم
لهم شرهه وشرهتهم كبيره=بعيد الشك ما يدخل حماهم
يعيّرني قليل العرف فيهم =عقب كبرت جنوبه في ذراهم
سلك عن دربهم درب المهونه =ردي الحظ ما يلحق جزاهم
كتبهم هافي الذّمه مسلسل=ويوم إنه كتبهم ما قراهم
وإذا صح الصحيح أقول وأشهد=وسيع العرف ما يجحد ثناهم
أشوف ارسومهم تسفي عليها=رمال من البطى يا العين هاهم
أقدم خطوتي وآقف وأناظر =وأعيد الذاكره كني معاهم
الآ ياعد قل لي زاد حزني=شقى قلبي تحّمل من شقاهم
أشوف إلهم بقايا في جنابك=بقايا دلوهم معها ارشاهم
يقطّع مهجتي ولفي عليهم=أقلد سلمهم وأشهر غلاهم
لكني صرت مثل اللي ينادي=بمهمه يسمع صياح وهماهم
تحيط إبه الجبال بكل يمه=صدى صوته يزلزل من صداهم
ماغير اديارهم قفر(ن) بلا قع=تنشدني متى خبري معاهم
وأنا خبري بهم عالق بذهني=لكن الوقت ماهو بالتفاهم
علامك يادهر وش جاك منهم=ألومك ليه ! ماتكرم لحاهم
سواد اجباههم رمز الشهامه=وبياض اوجيههم يحمي قفاهم
فقارا مال وأنفسهم غنيه=ولا باعوا شرفهم بالدراهم
أسال الله يسكنهم جنانه= عسى حسناتهم تمحى خطاهم[/POEM]

وسلامتكم
أخوكم
(( عايض الرشيدي ))

الشاعر الرائع
عايض الرشيدي

أولا.. مرحبا بك في مرقاب الشعر والشعراء...
ثانيا..سجل أعجابي يهذه القصيدة الفاتنه...
درة...وأكثر من درة..
قصيده تحلق بالمتذوق في جو من الابداع والامتاع
الشعري...
لله درك....من شاعر..