خــاطـرة شـاعـر ..

السلام عليكم ورحمة الله وبركاته ..

أسعد الله جميع أوقاتكم بالرضا والعافية ..

قصـيدة تعبّـر عن نفسـها ..

أترككم معـها :

[POEM="font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]المدن لوّثها الفضا من دشوشـه = ونبـغى الشفا اللي من سحـيله اليا ثـرب
يالله من نوٍ تسـيّل رشوشـه = يروي الفيـاض الضـاميـة لين تشـرب
من كـل ديـرة يذكـرونه طروشـه = شمـال من عـرعـر جنوبٍ اليـا الدرب
والسـاحـل الشرقـي تروّى عطـوشه =والسـاحل الغربي ومكـة ويثـرب
بأسبوع ينـبت والرواعـي تنوشـه = تعاقـب أزهـاره وتشـبع به العِـرب
اقـبل دعـاء كل الوجـيه البشوشـه = يا سامـع الدعـوات يا فـارج الكـرب
بغـيت أحـوش المال وأزريـت أحوشـه = يجي لـنا مع درب ويروح مع درب
وغديت أنـا ويّـا الدراهم بهـوشـة = وبلـشت في القسمة وفي الطرح والضرب
وقالوا بلاكم فارتـفاع المعوشـة = تجّـاركم شنّوا على المجتمـع حـرب
وبـعض السـلع ترد البلاد مغشوشـة = الله يغش مورّد الغش للعـرب
لو قالوا الهامور كثـرت قروشـه = واقـرب من التاجـر وتتجـر من القـرب
كل الدراهم لمّها وسط حوشـه = اللي يجـي من شرق واللي من الغـرب
ولو قـيل جاك الـفقر يحـشد جيـوشه = قلت اتركـه جرّبـت بـعض التـجارب
الله كفـل رزق البـشر مع وحوشـه = وكـل الدواب أرزاقهـا كافـلة رب[/POEM]

وسلامتــكم ..