ديوان القدس

السلام عليكم ورحمة الله وبركاته



[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

يــاللــه تنصــرنـا علـى مـن تطــاول =وتنصـر لنـا الإسـلام يــاخـالق الكون


وتــدمّــر أمـريـكـا عـلـى راس بـاول=واللّي يحـالف بوش وانصـار شـارون


عقب احتسب شارون فــ القدس (فاول) =لا حكـم دستـوري ولا فيـه قـانـون


هــذا يـنــاولــهـا وذاك ايــتـــنـــاول =وحنـّـا نشــاهد مثلها فــ التلفزون


هدّوا جميـــع اللـّــي بنــاه المقـــاول= بأوامـــرٍ من كل طاغـــي وملــعون


حتــى المــواتــر هشّـمت بـالشّيـاول=عشــان مــره ثـــانيه مايـسـوقون !!


والكلـب الأمريكي بذيــلــه يشـــاول=لكلب اليهود اللّي حكم حكم فرعون


أرســل كليــبه فــالمساجد تــجاول =تهرش وتنـــهش مسلميــنٍ يــصــلّون


هــذا وحكــّــام العرب في تـــداول = يبــون حــلّ المشـــكله مير يــزرون


تشجب وتنكــر ماجــرى من تطاول=واثر العــرب ياحليـــلهم مـايــدانون


وبحــكم ابو فيصل بخيــر إنتــفاول = يامــــر وحنّــا له جنـــودٍ يـــلّــبــون


لــب النــدا بــوضع الخــطط والجداول=مع تل أبـيب أخذ بتـــلابيـــب صهيون


والمسلمين امـــورهم في تـــزاول=تحالفـــوا مع بعضكــم لا تـــهــابون


على الأقل لو ما انتصـــرنا نحاول = والله مع اللّــي ينـــصــره . لاتقـولون


آســال من لـــه يكثـــرون التساؤل= إنّـــه يعيـن اللّي عـلى الحق يمشون


ماغير أســامه والبــقــيـه (.... ...) = لا رحم ابــوهم كيــف بالذل يرضون !![/POEM]



الشاعر رحيم الغنامي ..

السلام عليكم ورحمة الله وبركاته




[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الخبر محزن وبالصـوت والصــوره= جــابه (الشـولي وتيسير علونــي)

بالقناه اللي بالاحداث مشهـــوره= مايجي فيهـــا تماثيـــل ومجـوني

ماعرض فيهـا مســـارح ولا كوره=غيـر حرب وضرب والجو مشحـوني

آه ياوقت ٍ مضى وانتهـــى دوره=يـــوم لارادي ولابــــه تلــفزونـــي

العرب تنعم والاحــوال مستـــوره=لا ارهــاب ولا اعتــدأت صـهيونــي

يوم كـان الفرس والروم مــدحوره= جيشهم من جيش الاسلام مطحـوني

يوم كسرى ينكسر تهدم قصـوره=وقائــده هرمز من الغبن مجنــوني

راحت جنوده من الخوف مذعــوره=وبــالسلاســل قيــدوا لايهــربوني

بفضل ربي شوكة الروم مكسوره= قيصـــر أنهينـاه وبليس ملعـــوني

مير صرنا اليــوم لكلاب مسعــوره= بين حملة بـوش وارهاب شـــاروني

العرب صـارت من الغــرب مكبوره= وضعها محزن ومن دون في دوني[/POEM]



الشاعر موسم بن سفر القثامي

السلام عليكم ورحمة الله وبركاته



[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياوجودي وجد من ضاع عزه عقب جاه=ارتدى حظه ومالت عليه المايله
عقب ماظلّى منوّل ملاذ لمن نصاه=صار يشحذ فالمساجد بكرت العايله

وياوجودي وجد من لارحم بطنٍ غذاه=من مشى في رغبة انثاه وامه عايله
حطها بدار الرعايه وعرضهّا قفاه=ويوم تاب وجا ليا ان المصيبه هايله
قالوا امك دوب ماتت وهيّه فالصلاه=ترفع يديها لرب الخلايق سايله

وياوجودي وجد من جا يسوقنه خطاه=فالطريق الضيق للناس قدمه ظايله
يوم جاهم كنه اونس بقلبه مازواه=حادثٍ مفجع وتوه هذ ّي اوايله
قام يفهق كل رجال ويعاين وراه=ولادمي اخوه قداّم عينه سايله
ثم عطاله طول بطنه بصيحه من بلاه=يندبه ويصيح ويخمخمه ويحايله
امسكوه وعذلّوا عنه واوصوه بوصاه=قالوا اصبر كل دنياك هذي زايله
وقام ينحب ويتوجد ولايقطع بكاه=ويتعين فالسما للنجوم القايله

والوجود يحرّك القلب لو انه حصاه = غير قلبٍ مامنه فود للي شايله
مااتوجّد وجد خايب على خابة جداه=اتوجّد لي وجودٍ معي دلايله
مااتوجّد فالمحبه على لاما فتاه=الهوى بلوى لكن ماوراها طايله
ولا اتوجّد لي على مال في طرد الغناه=ظامنٍ رزقي لياقسم ماحدٍ نايله
واهني اللي لامنه بغا النوم ارتهاه=وانا يدنو الثلث الاخير وانا احايله
شايلٍ لي همٍ اثقل من جبال السراه=كل مانام اجوف القلب قمت اكايله
اتوجّد كل ماجيت اعاين في قناه=لليهود بمسجد الله الاقصى صايله
صالوا وجالوا وعالوا وحنا هاااه هاااه=اليهود الفاعله واليهود القايله
ذاه عودٍ يسحبونه على حوض الذكاه= وذاه ورعٍ في يدين اليهودي غايله
وذيّ عذراً تلها النذل لفراش الدناه=وامها تبغا الستيره مغار تحايله
وذاه بيتٍ يهدمونه على روس نزلاه=وذاه حقلٍ شيول الدفن عانه جايله
وننحسب حيين!! والله ماذيّ بحياه= كل بارق صيف يبرق مغار نخايله!!
يامتى القدس يتطهر من يدين الطغاه= ويامتى نصدع بكلمه بدون محايله
ويامتى نجلا اليهودي ونهتج عملاه=الكلاب اللي ماتمشي بدون مذايله
ويامتى تحرير بغداد نشرب نبع ماه=لين يجزى الصاع بالصاع للي كايله
العراق ارض الحضارات بذ الله خفاه=عقب ماطاولته العله المتحايله
كان صدام الذريعه وقص الله رشاه= وامرحت بالشوم عذراً صبح متفايله
القلوب اشتات والناس كلٍ في عماه= والرمال من آخر الغرب جت متهايله
يالله انك تجمع الصف وتوحد قوااه =وتنصر الاسلام وانك تعدّل مايله[/POEM]





الشاعر سعود الدهيمي

السلام عليكم ورحمة الله وبركاته



[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مرحبا في كلمة الحق لوهم يزعلون= مرحبا في كلمة الصدق لوكانت تثير
أقبل أقبل يامصيري ولونك للسجون= مجبر انك تسوقني سوق بعيون الضرير
والله اني لاتحاكى ولو مايقبلون = ماضريت أمسّح الجوخ للراس الكبير
ياجماعه وصّل السيف لحدود المتون= وقادة الأمه تصيمخ عن انذار النذير
انتفاضه تقبع هناك / عشرتهم تهون= تحترق اركان الاقصى / ويشجبها الخفير!
وين مجمع كل عام(ن) على مر السنون= وين تفعيل البيان الختامي للوزير
وين جيش السلم والحلم ياللي تدّعون= وين صفقات(ن) عقدها لوانا والمشير
وين طياراتنا والمدافع والحصون = وين عسكرنا النظامي وقايده الخبير
كل ذا موجود لكن عرضتوا ماتبون= خايفين امن الكراسي تحتكم لاتطير
لعنبوا من يدخله ذل وعزومه تخون= لعنبوا من يجنح لسلم تحديد المصير
الحرايب والعه مالقت منّا زبون= هقوتي ماعاد فينا احساس ولاضمير
الخليل ونابلس اتهلس فيها الذقون= والنشاما من عربنا مخدتهم حرير
اليهودي من ردانا غدى جري وفتون =يدري انّا في مواجه مافينا جدير
ياجموع المسلمين افزعوا وش تنطرون= الجهاد بوقتنا فرض .. للحل الأخير
الأرامل واليتامى لقوا مايكرهون= لن عايلهم ياأمّا استشهد أو أسير
العذارى ناشهن من فسقهم والمجون= شقّقوا ستر الستيره وخاطرها كسير
وأم الأبطال ايتوطا كرامتها العفون= لنّها ولاّدة فحول / واقعها مرير
والطفل ودّع ابوانه على انهم يرجعون= عوّدت عقبه جثثهم تفوح امن العبير
اطلبوا رب السموت حتمتهم تكون= في سبيله / بعد دك العدو / حزة عصير
والشويبه حارس(ن) الارض / ماتوخذ بهون= والله انهم ماوطوها وهو عاده بخير
والبواسل مايهابون لوهم ينحرون = دون أرض وعرض ترخص حياة اللي يغير
زلزلينا يااراضي وصيبينا بجنون= العقل ماورّد الرّكب لمياه الغدير
نصف عقد امن الزمن والسّلق يستوطنون= والمصيبه مايبونك تجي معهم خشير
لعنبوا جدّك يابلفور فطّرت العيون= البكا بس لفلسطين والباقين غير
ياعربنا مايطهّر وطنّا مكرفون= ولايحرر الأرض تنديد يقراه السفير
وان بغيتوا زبدة الهرج / لازم تحترون= لين يظهر مثل خالد وطلحه والزبير[/POEM]



الشاعر فهد بن عبدان

يامال بياض الوجه ياشامخ


..

الله لا يهينك يا أبو نايف


و حنا بنحاول نشارك ان شاء الله

**********

بيض الله وجيهكم كلكم


***********

[align=center]

قال تعالى : بِسْمِ اللّهِ الرَّحْمَنِ الرَّحِيمِ

سُبْحَانَ الَّذِي أَسْرَى بِعَبْدِهِ لَيْلاً مِّنَ الْمَسْجِدِ الْحَرَامِ إِلَى الْمَسْجِدِ الأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا
إِنَّهُ هُوَ السَّمِيعُ البَصِيرُ (1).


صلو على النبي [/align]

[poem=font="Simplified Arabic,5,darkred,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اللهُ أكـبــــر عـــــدّ مــا ســـايــرٍ ســـــار = وعـــداد مَـنْ لـلحـجّ ســاق الـركـايب

واللهُ أكبـــر عــــــدّ مــا طـايــرٍ طــــار = وعــداد مــا ذعـذع نـسـيــم الــهبـايب

واللهُ أكبـــر عـــــــدّ مــافـــاح نـــــوار = وعـــداد مـاهــلت مـــزون الـسحــايب

واللهُ أكبـــر عــــــدّ نـبــتٍ بـالـقـفــار = وعـــداد مـاتـرعــاه طـُفــح الـجـنــايب

اللهُ أكبـــر يـأهـل الاسـلام ويـش صــار = مــمـــا تشــوف العيـن والله عــجـــايب

وايــن أمــــةٍ تـعــدادهــا فـــوق مـليــار ؟ = مــليــار مــســلــم مـا تــــرد الــذهــايب !

مـليـار عـاشـو الــذل فـي كــل مضمــار = ضـاعـت كـرامتهـم وراحـــو نـهـــايب

الاولـــــه راحـــت فــلـسـطيـن تـذكـــار = اســـمٍ لهــم والجسـم خــذيت غـصــايب

خـمسيـن عــــامٍ مــاسمعنـا بالاخبــار = الا بـتـشـــريـــد وقـــتــــل ومــصـــايب

والقـدس تشكي الظلـم والضيـم والعــار = في الأســــر لـفـتهـا الـفتـن والـنـــوايب

مـن دونهـا حـالـو عـصـابـات وأشــرار = تجمعو من كل فــجّ وحزايب

اذنــاب صــهـيـون الـمـلاعـيـن الاقــذار = جـلبـهــم الـتهـجـيــر مــثــل الـجـــلايب

احـتـلــو الـديــره وهــــم مــالـهـــم دار = بـلـفــــور حـلـّلهـــم لــعـيـن الـصــلايب

عــاثــو فــســـاد وطـوقـوهــا بالاســوار = وشبـــّو عــلى هـلهــا وقــــود الـحـــرايب

تصـرخ وتستـنـجـد وتــزهــم وتغـتــار = على هــــل التوحيـد بـيـض الـعـصــايب

وتصيح باعلى الصوت لاحـفـاد الاخيــار = اللي حـمــوها يــــوم خـيـــل ونـجـــايب

احـفــاد ابـوبكـر وعـمـر نـعــم الاحــرار = واحــفــــاد عـــثمــان وعـلـي كــل تـــايب

والـثانيــه فـي كــــل دار لـهــم ثـــــار = عــنـــد الـصليبـييــن عــــوج الـطـــلايب

اللي غـــزو الاســلام فـي كــل الاقـطــار = عـلــى الأســاطـيــل بـعـتـــاد وكــتـــايب

فـي الـجــو طـيـاره وصــاروخ وأقــمــار = والــبــــر دبــــابــه ومـــدفـــع لــهــــايب

ترمي الفنى والموت والرعب والـنــار = ولا تــفــــرّق بيــن طــفـــل وشــــــايب

كــم من بـلادٍ عــامـره وأمنهـا قـــــارْ = من ضربهــم راحـت دمـــار وخــــرايب

داسـو على حرمات واعراض الاحــرار = واهــانـــــو الــمســلـم بـلـيــــــا ســبــــايب

على الـمــلأ ومـجـاهـره تــو الانظــار = حـقــــد مـــع الــــدم فـي الشـرايين ذايـــــب

جارو وثارو ودبلو الـمــرّ بامــرار = لـكـبـود مـن شــافــو العنـا والـعـقـــايب

مـن وضـع فــي كــل الـمـقـاييس مـنهـــار = ضـعــف وتـفــرق واخـتـلاف ونـشـــايب

يـدعون .. ياوالي تصاريـف الاقــدار = الـواحـــــد الـقـهـــار جــــزل الـوهـــايب

يالله .. نصر لأمــــــة الـحـق وأنـصــــار = تـشـفـي كـبــود مـن كـمـدهــا عـطـــايب

قــــوم لـعــزتـهــا يبيعـــون الاعـمــــار = شــروى صلاح الـدين عـطـب الـضــرايب[/poem]


[align=center]حفظكم الله

عبدالله بن شايع الزهيري[/align]

بارك الله فيك يا نايف وفي موضوعك

لي عوده ان شاء الله

محبتي واحترامي ياغالي


اخوك

جزاك الله خير الجزاء


’’