يابنت ياللي عن عشيرك تسالين !!

السلام عليكم


بيتين قديمه أسمعها ولا أعرف قصتها ولا قائلها ولا أدري هل لها تكمله أم لا !!

ياليت من يعلم عنها شي يزودنا بما يعرف !!



[POEM="font="Simplified Arabic,5,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يابنت ياللي عن عشيرك تسالين=حنا لنا حيٍ يسالون عنّا
يابنت أخذنا في عشيرك ثمانين=ذقنا العطب منهم وذاقوه منّا[/POEM]






..

ابو منصور

حسب ما ورد في العديد من المواقع
والتي أشارت إلى ان المصدر في الروايه ديوان ( من ابطال الصحراء) للامير السديري



حيث يُحكى ان .. الفارس عقاب بن سعدون العواجي في إحدى غزواته
اخذ معه حوالي 80 من افراد قبيلته .. وواجهوا عدد كبير من قبيلة حرب
ولم يستطيعوا .. اخذهم .. و عندما عادوا .. واجه إمرأة من قبيلته تسأله عن زوجها بقولها :

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياعقاب ياحبس الظعن بااللقا الشين= يااللي حريبك بالهزيمه يمنا
عينت ذيب الخيل يوم الاكاوين =نور العيون بغيبة الشمس عنا
هو سالم والا رموه المعادين =ياعقاب خبرني تراي اتمنا[/POEM]
فاجابهاالشيخ عقاب بن سعدون العواجي شيخ ولد سليمان من عنزه بقوله
[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يابنت يااللي عن حليلك تسالين =حنا لنا حي يسالون عنا
خمسة عشر ليلة على الوجه مقفين= ندور وضح بالاباهر تحنا
وشفنا هل البل شاربين الغلاوين =من دون رخم للحوير تحنا
جونا ثلاثميه وحنا ثمانين =مثل المحوص الشلف منهم ومنا
وبانت رديتهم وشفنا الرديين= وكل عرفنا عزوته يوم كنا
ليتك تراعي ياعذاب المزايين =يوم ان عيدان القنا يطعننا
منا حليلك طاح بين المثارين =في ديرة فيهاالوضيحي تثنا
ومنهم جدعنا عند شوقك ثلاثين= وكم خير من راس رمحي يونا
في ساعة فيها تشيب الغلامين =انطح نحور الخيل يوم اقبلنا
ياما نقلت الدين والحقته الدين =وحريبنا في نومته ما تهنا
ارسي لهم يابنت وانت تعرفين =لياما حمام النصر رفرف وغنا
واردها والحق ربوع مخلين =بوجيه قوم يطلقون الاعنا
عاداتنا نخلي سروج المسمين =ونروي حدود مصقلات تحنا
وقلايعي من نقوة الخيل عشرين =قب ولا فيهن ثبار ودنا[/POEM]



وتحياتي لك يابو منصوووور

فعلا كما ذكر اخي : ناصر تراحيب



فـ هي في ابطال من الصحراء للسديري

في قسم سعدون العواجي الصفحة 86



ابو منصور

شكرا على طرح هذا السوال لـ تلك القصيدة الجميلة

ابو تراحيب

شكرا على التجاوب الراائع

السلام عليكم ورحمة الله وبركاته ..

لاهنت على السؤال .. يا طويل العمر
وفعلا ً الأبيات دائما نسمعها ونسمع قصص كثيرة عنها مع كبار العمر..

وكما اشكر اخونا ناصر إلى قصتها وتكملتها .. لاهنتوا جميع
كل التقدير. .ابو نايف

لاهنت يا ابووليد على

إيرادك للقصه والقصيده كامله .. وعز الله أني كنت أبحث عنها
لان البيت دارج وأسمعه من واحد من الشباب
وأسئله ويقول والله ما اعرف عنها شي يا ابومنصور


مير هاللحين أن لقيته
راح أعلمه وأخليه ينشد عن التفاصل

مناحي
الف شكر
ناصر بن تراحيب
ملعوومة حلوة ياحلو


شكرا يامجتمع الحلوين

^
^
عفوا ياحلو

لاهنت يامناحي

والشكر موصول لبووليد

لاهنتوو

كل الشكر لك يا مناحي


وموصول للسمي


وعزالله انها قصيده يطرب لها من قراها واني استمتعت بقرائتها وقصتها




لكم جزيل الشكر

لاهنت يـ مناحي

ولاهنت يـ ناصر



سالفه وقصيده ولا اروع

عزالله انهااا تطرب

المشاركة الأصلية كتبت بواسطة شامخ الشامخ

السلام عليكم ورحمة الله وبركاته ..

لاهنت على السؤال .. يا طويل العمر
وفعلا ً الأبيات دائما نسمعها ونسمع قصص كثيرة عنها مع كبار العمر..

كل التقدير. .ابو نايف

حتى أنا يسولف علي الشايب الله يبيحه قبل ( عشر سنوات ) بهالسالفه وانا في ثاني متوسطّ !!!!



_____