مقتطفات من شعراء حرب .. بـ ِ أقلامكم !!

السلام عليكم ورحمة الله وبركاته


في هذا الموضوع ..
نأمل من الجميع المشاركة .. بما يعرفون ( شعرا ) عن شعراء قبيلة حرب ..
سواء كانت ابيات او قصيدة او مجموعة قصائد لكل شاعر تعرفة ..
وايضا ً .. سواء للشعراء في الحاضر او الماضي ..
شاعر معروف او غير معروف ..
سيكون هذا الموضوع اذا وجد المادة الأدبية المطلوبة .. بمثابة موسوعة شعرية لشعراء قبيلة حرب ..


ونلفت الإنتباة ..
ان مدة هذا االموضوع اسبوعان من الآن ..
وسنبدأ مع قبيلة أخرى .. إمتددا ً لجميع القبائل ..

للمشاركة من خارج المنتدى .. راسلونا على هذا الإيميل
mergab1@hotmail.com




بإنتظاركم ..

وعلى هذا الرابط كان موضوع .. مقتطفات لشعراء قبيلة عتيبة :
http://montada.mergab.com/showthread.php?t=32142

وهنا ايضا ً .. كان الموضوع ..مقتطفات من شعراء قحطان :
http://montada.mergab.com/showthread.php?t=32443

وهنا ايضا ً .. كان الموضوع ..مقتطفات من شعراء مطير :
http://montada.mergab.com/showthread.php?t=32801

ولكم تقديري .. اخوكم ابو نايف

بيض الله وجهك ياشامخ على هذا الجهد الكبير
لخدمة هذا الموروث


وقبيلة حرب العريقه .. تستاهل الانصاف وتسليط الضوء
وهم ما يحتاج .. مغن الأدب والشعر




اخووك

وعليكم السلام ورحمة الله وبركاته ..


والله يوفقك يابونايف لما يحب ويرضى


ويبارك جهودك ..


استلموا اولاً من قنبلة شعر حرب " ابن زويبن "






(1)

[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لـي حـاجة عيت تحقق من العام=عــيا يــطيــب الــحظ لــو قـلت أظـنه
يــفز فــزة غــاتــر عــقب مــانـام=جـــنه حـــلوم مــزعــجه وأيــقظــنه
وجـدي عـلى تحقيقها وجد صدام=عـــلى يـــديـــن بــالــولاء بــايــعنــه
وبلاده الـلي مـاعـرضـها للاسوام=وعــرش الـرئاسة والـجيـوش الـمرنـه
الـلي قـذايـفهـا تعدت ورى الشام=شــــامــــير يــــوم ولايـــته روعـــنه
وبـيوته اللي من سيراميك ورخام=خــطط وصــممـهن عـلى كـيف فـنه
مــاتــنتــعدد تـكلـفتـهن بـالارقـام=مــاهــو مــواطــن عـايـدي يـبهـضنـه
حـاكـم مـن الـحكـام ويصدر الخام=دار الــــسرية والـــدول يـــدعـــمنـــه
مـتريّس لـه دولة شـعبـها اقسام=ويـلعـب على القسمين شيعه وسنه
مــخلـي ٍ شـيخـانـهم تـقل خـدام=يـمشـون خـلفـه خـوف مـاهـو مـحنه
ملا الـبيـوت مـن الارامـل والايـتام=وملا الــسجــون الـمظـلمة والـمجـنه
يــالــين طــشنــه مـقاديـر الايـام=مـــن الـــنجـــوم الـــنايـــفة نــزلــنه
مثل الوليشة بين عدوان الاسلام=مــن كــل صــوب كلابــهم يـنهـشنـه
او وجـد عـود يـرتـكي كـل مـاقام=عــلى كــفوف يــديـه مـن كـبر سـنه
الـليـا غـفل بـايـامـه الماضيه هام=والـليـا انـتبـه مـن غـفلـته ( جر ونّه )
مـن عـقب مـاهـو للمغاوير مقدام=الــليــا غــزا صــم الــرمــك يــتبــعنـه
ومــروبــع يـزمـي مـثل عـز لـزام=الــليـا اقـبلـن شـيب الـغوارب نـصنـه
بـظهـورهـن ربـع كريمين وحشام=اليــا جــذبــهم صــوت نــجر يــدنـه
يـجذب لـه الـغايـب وسـموه عزام=مــن كــثر مــايــجذب شــراريـب بـنه
الـيوم كـل اللي بقي جلد وعظام=والــمال خـمس اشـياه والـبيـت عـنه
ولالـه عـيال يـنصـرونه اليا انظام=الا بـــنات ٍ بــالــهضـايــم شــونــه
يــاقــلب خـلك لـلروابـع والاوهـام=رفــــيق درب وكــــل هـــم ٍ تـــبنـــه
والا انـتفـض واربـط محقاك بحزام=وعن قوم ( وش سويت ) خافيك كنه
والـشر عـنك خلاف والـخيـر قـدام=والــصبــر فـي وقـت الـمعـانـاة سـنه[/POEM]




(2)

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يـاعـزوتـي يـابدر مااقرب حضايبك=عـلى الـخطـا والـصبح حبك نقازي
نـوب تـنسـينا الشقا في عجايبك=ونـــوب تــولــعهــا بــليــفة وقــازي
ادنـاة مـايـرضـيك وأدناة مااغضبك=تــلقــط الـغلـطات لـقط الـجهـازي
ماهي عداوة يوم اطالبك واضربك=أنـته حـفيـد جـدودنـا مـنـت نازي
لاشـك انـا يـابـدر ابـا أنصحك وادّبك=واعـطيـك عـن كل المعاني إيجازي
تـلقى فـوايـدهـا لـيا خـطّ شاربك=بــها عـلى كـل الـوصـايـا امـتيـازي
خـلك شـمالـي عـند زلة قـرايـبك=وعلى الحقوق الليا نصنّك حجازي
لاتـذخـر الـمذخور من دون واجبك=اوف الــحقــوق اللازمـات بـنجـازي
لـلضـيف والـجيـران لـيّن جـوانـبك=وبـالـطيـب جـاز وبـالـردى لاتـجازي
احـلم عـلى زلة رفـيقـك وصاحبك=وادمــح خـطاهـم لاتـصيـر انـتهـازي
يــابـدر والله مـاتـخونـك مـناسـبك=من مـنسـبٍ طيب وساسٍ عزازي
أفـرح لـيا قـالوا هاك العود جاذبك=وتــصيــر عـندي مـفخـرة واعـتزازي[/POEM]

المرقابي / الشاعر / القدير .. لافي حمود الغيداني


يقول :



[poem=font="Simplified Arabic,4,purple,bold,normal" bkcolor="transparent" bkimage="backgrounds/24.gif" border="none,4,gray" type=1 line=1 align=center use=ex num="0,black"]
مايبرد واحه الشوق وشعور الهيام = غير سرداً تطوي البعد بالسرعه طوي
بديها من خلف ماهوب مثله من امام = مستوي في حال .. وبحال ماهو مستوي
خشمها عبرود طلقه .. وموخرها بهام = رافعه راعيه بأشارة ٍ ماتنغوي
لابدو دعاء السفر .. واعلنو ربط الحزام = ورشادات الامن لو ترتطم والا تهوي
واستلمها واحد ٍ خبرته عشرين عام = كبتن ٍ بالله وبكتابه إيمانه قوي
مسلم ٍ عنده خبر بالحلال وبالحرام = جابله ربي على الدين وسلوكه سوي
وصعدت مثل اشقر ٍ فوق جول الصيد حام = لمراوحها مع الجو لجه وحدوي
مثل مايدوي صدى صوت رعاد الغمام = صوتها صداه عبر الفضا يدوي دوي
صنعة اللي ماعرفوا لاصلاة ولاصيام = شعب ٍ أكثرهم ماهو عارف ٍ منهو ذوي
بالنهار لياتعلت كبر فرخ الحمام = دونها الاف المسافات تزويها زوي
وان تغطلس بينك وبين رؤيتها الظلام = كن في روس اجنحتها مشاهيب بدوي
دوبهم دكو عن دلاله الربع الحشام = تحتها من وقدة السمر جمر ٍ مجثوي
دايم وربعه على جلسة ٍ عنده حيام = ابلج ٍ لين جنابه لربعه وحموي
مالي الا هي .. لياجا للاشواق أحتدام = وقامت الذكرى على القلب تكويني كوي
لي شهر وشوي عيني محاربها المنام = ودي احضر جوازي وادورلي خوي
بيني وبينه مسافات وحدود ونظام = واحد ٍ فرقاه شاويتن فوادي شوي
بس ابا ازوره مثل مايزارون الكرام = لين عيني من قباله وشوفه ترتوي
لو بغيت اصبر .. واكابر .. واقول اني تمام = ذيب حبه بين جرد المحاديب يعوي
كان مالي في دروب الهوا شف ومرام = لين شفته .. واشهد انه هواة المهتوي
ياسلام الله على السلهمه والابتسام = وياسلام الله على اللي مابيله مطروي
كن مالله حط في منطقة خصره عظام = وكن غيره ماحتوى مثل ماهو محتوي
لاقعد ماوده يقوم .. ولياقام قام = تلوي اعناق البشر قومته يمه لوي
تقل بين اعلا الجسم واسفل الجسم انقسام = شي من جسمه مرتب وشي ٍ فوضوي
استلمني في جبروته اشر استلام = لين طيّح معنويات راس المعنوي
الغرام ليابطش فيك ملعون الرسام = مايعرف هذا قبيلي .. وهذاك خلوي
يكبر الرجال امام المهمات الجسام = ويصغر الرجال امام الجمال الانثوي
مايتحمل نظرة العين .. وارخاي اللثام = لو باسه باس رحمة حياة بن جلوي[/poem]

السلام عليكم ورحمة الله وبركاته


رسالة وصلت عن طريق الإيميل ..

[LINE]hr[/LINE]

الشاعر الكبير / الحميدي الحربي


قصيدة بعنوان صبا نجد :


[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياصبا نجد جـددت الجـروح القديمـه=يوم ذعذع هواك وخالـي البـال نايـم
ياصبا نجد ليت أهل الحسـد والنميمـه=منك تستوحي اللين وصفاء النفس دايم
لأجل من يشتكي لوعات فرقـا نديمـه=مايصيرون ضده بيـن واشـي ولايـم
ياصبا نجد وين اللي وصوفـه عديمـه=نار فرقاه حطت فـي فـؤادي علايـم
ياصبا نجد قلـه كـان ظيمـي يظيمـه=لايطـاوع بحبـي ناقلـيـن النمـايـم
مثل ماقالوا (العاقل ضميـره خصيمـه)=والله إني من أجله عن هوى الغير شايم
ياصبا نجد لولا أهل العقـول السقيمـه=يصنعون السوالف بيـن زور وظلايـم
كان والله لاجيـه بصـورةٍ مستديمـه=المسافـات ماتفـرق قلـوب تـلايـم [/POEM]





همســــــات قلب



[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]غابت نجوم الليـل والنفـس حايـره=والقلـب ممـا بــه كبارٍ جهـايـره
يبيع في سـوق الروابـع ويشتـري=لاشـك ربحـه مايغطـي خسـايـره
يذكر من الماضـي طراتـه ولوعتـه=فـي حاضـر ماحصـل الا عزايـره
الهايم الولهان مثلـي إلـي اشتكـى=قسـوة زمانـه لاتقولـون سـايـره
إلي قام ياس الحب يطغي على الرجـا=قدرة وجيـع القلـب هلـت عبايـره
والحـب لذاتـه ولـو طـال وقتهـا=مثل الطيوف اللـي بالاحـلام زايـره
إلي استيقظ الولهـان زلـت طراتهـا=لكن حشـاه تزيـد لاهـب سعايـره
أنا الـذي عقـب المسـرات والهنـا=علي قاسـي الوقـت دارت دوايـره
في غبة الحرمـان غرقـت مراكبـي=والبحر هايـج والعواصيـف جايـره
مرات الـوم الحـظ واقـول خاننـي=ومرات أقول الوقت هـذي سوايـره
الضيق من ميل الـي ميـل ينفـرج=كالصبح تالي الليـل تظهـر بشايـره
واحاول اخفي مابروحي مـن الولـع=واهدي اشواق مـن الوجـد ثايـره
لكن جريح القلب لو حـاول العـزي=لازم شرود الذهن يفضـح سرايـره
يلومني من همـه القـوت والكـرى=وعما سواهـن معمـي الله بصايـره
ماسمع همساتٍ مـن القلـب تندفـع=للقلـب وتعيـد الربيـع لضمـايـره
إلي قام يسترجـع صداهـا بوحدتـه=تصـور الافـلاك لرضـاه دايــره
ولا عاش لحظات اللقاء...نشوة الفرح=في غيبـة الحاسـد وغيبـة نطايـر
في موقف ٍنظـرات الاحبـاب بينهـم=باسرارهم من غير منطـوق سايـره
لحضـات حلـوه مايكـدر حلاتـهـا=إلا الفـراق الـي فجتهـم نـذايـره
وصار اللقاء ذكرى والاحزان منتهـى=لقلوب ذابت وجـد ونفـوس حايـره [/POEM]


ونشكر المرقاب على تميزه الدائم



وسلام عليكم ورحمة الله وبركاته
اخوكم فهد علي الحربي

هليل بن حمدان



[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من واهس عديت راس الطويله = بنايفه ياعيد من ضيق بالي
واخاير الحيلات في كل حيله = اشوف نقصي وافتكر في حوالي
والجسم ياحمدان قرب رحيله = ولابد من ظل وراه الزوالي
والنفس من خوف الجرايم عليله = تبى تنشد عن حرام وحلالي
في مصرع فيه الهوايل مهيله = ومكتف مابين لبنه وجالي
يزبر على راسي طويل النثيله = واتلا الخبر بي يوم صاح الاهالي
يالله ياغافر ذنوب ثقيله = ياللي بتصريفك نزول الخيالي
الطف من اللي بيضها تلتجي له = وارحم من اللي يرضعن العيالي
ياللي حساناتك علينا جليله = عفوك ولطفك ياعزيز الجلالي[/POEM]

السلام عليكم ورحمة الله وبركاته


هذه الرسالة وصلت عن طريق الإيميل ..

[LINE]hr[/LINE]





هذده قصائد للشاعر الكبير

ذعار بن قاعد الفريدي الحربي (وليد أمس)


[POEM="font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لاغرابـة بالليـال وبالشهـور وبالـزمـان=الغرابـة بالرياجـيـل شيـبـان وشـبـاب
يزعمون المفترين ويدعـون الوقـت خـان=والثقة مـن ينهـم شالهـا وطـار الغـراب
استهانـوا بالوصيـة والأبـوة والحـنـان=وحطوا ضعف التربيـة بالمـدرس والكتـاب
والكتاب إنشاء خليفة واجبـة مـا يستهـان=والستاد ابن البلاد إن قلت فيه القاف شـاب
الستاد أخوي لأبني فيه عطف وفيـه إيمـان=منهجه منهج رسول ولاعلى الرسـل عتـاب
قلت عرفي وأعترفت إن الأبو هـو المـدان=لايه ألوم الأبريـاء وأناالمخطـي والمصـاب
ذا وأبطـرح كلمتـي للبـيـب وللـذهـان=جلت وأثناء جولتي شفـت بالشمـل أكتـاب
وشفت أفلاذ أكبادنا صار أغلبهـم هيمـلان=وللشوارع والصحاري ينفرون مـن الغيـاب
والابنا من نشد أبنه كـل ليلـه ويـن كـان=وين قضـى سهرتـه وش ودى وش جـاب
ويازمـلاي أبختصـر للرعايـة ذات شـأن=شأنها شأن عظيـم أدل مـن الله للصـواب
ومن عطاها حقها قبـل مـا يفـوت الأوان=شاف ربحه بالحياة وفـاز بوقـت الحسـاب
والعمـل لله نعـم بـس للمـبـدأ كـيـان=من بذر وأسقى حصد وأصل الخلق من التراب
ويا منت الفرد الصمد يالمعبـود المستعـان=تكتـب للشبابنـا دعـوة أبـاء تستـجـاب [/POEM]



وله ايضا


[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يامهدي أعمى أرياك وأنته تحلم=نيتك نية والإجابـة نمـا فـرد
أنا اليـا منـي أومـرت أتكلـم=البيت ما أجيبه متكيٍ على بـرد
واليا جلس بيتـي رديفـه تولـم=وبيتين يكفني عن إماوح السّـرد
مانـي بتـوي بالقصيـد أتعلـم=مفرق مصادير المثايل من الورد
ومثايلي ماهن للأطمـاع سلـم=ولاهن قعود عقيل للهمل الشـرد
والسب عنـه الشكـر لله مبلـم=والمدح قبل الفعل عنه أنطرد طرد
هذا وصلى الله على محمد وسلم=شفيع حزبه يوم كل البشر جـرد [/POEM]


وله ايضا


[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عزالله أنـي بحاجـة أخيـاط ثوبـي=اليـوم لكـن ثقـب الإبـرة مصـدّي
إن قلت يالربع أنظمـوه أضحكوبـي=ولا أضحكولـي ليـن ينبـاح سـدّي
تلافتـوا مـا بنيـهـم ولمـزوبـي=ولانـي بقـد ألهـم ولاهـم بقـدّي
أنا وجوبـي فـي زمانـي أعجوبـي=ومشيلها مثـل أولـي هـو مـردّي
كلمة أبمعنى من فهمهـا مهزوبـي=منـي علـي وفـي كفـي بـخـدّي
هو ليه أكسب من تدغـف أجيوبـي=هديـة الجايـب شمـات الـمـودّي
ما خلقت دوب الهـم والهـم دوبـي=وإدانـتـي مـاهـو ابمـنـي وردّي
وخصمي خطا أضعوفه علي امحسوبي=وأنا مسـاري فـي زمانـي تحـدّي
أسعى ولو مسعاي عاكـس هبوبـي=وعلى الصمّت تكوين جزري ومـدّي
يـا جاهليـنٍ سيرتـي ودعـوبـي=اللي أليا أراد أيمدنـي ويـش نـدّي
لو بالجبال السبـع ترجـح أذنوبـي=أن عمني فـي رحمتـه مـا تعـدي
استغفره عن ما سلف لـي وأتوبـي=وأعوذ به عن خصم أبـوي وجـدّي [/POEM]



وله ايضا


[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يومٍ جدة نصفها دونـي والساحـل والجبـال=ما أكثركم ياللي يمكـم كنـت أتمنـى جيتـي
يا ربعنا اللي بالقصيم إرجال وربوت إرجـال=عقـب منزالـي بينكـم تبـي تغيـر نيتـي
هو ليه أجامل وأستحي يوم إنفتح لي المجـال=حسنات التفرقة مـا تجيرنـي مـن سيتـي
والعنصرية مابها للرجل مكسـب رأس مـال=وإن صار شرحي شرحكم حي ما بكى ميتـي
ما دام كلن منفرد وحـده ويزعـم بالكمـال=والكامل الفرد الصّمـد عالـم خفـى خفيتـي
في عالمٍ مرابا ورياء وغزاة نصبٍ وإحتيـال=ليل وهوء وسيلٍ درو حجـب رؤيـا نحيتـي
والسانية هرشٍ حرد أمرس رشاي من المحال=في مفترق شتى الطرق حرت وحارت مطيتي
والفيض والغيظ أكتمل بالمجتمع فوق الخيـال=جميع ما يروى حدث وأوشك حتـن عاريتـي
يا فالق لموسى البحر يا من عليـك الإتكـال=يا رازق الداب العمى وجهـت لـك قضيتـي
يا مغيث هاجر وإبنها يسرلي المسعى الحلال=وأصلح لي من ذريتي وأرث يحمـل وصيتـي
وبرحمتك تعمني يوم الحشـر يـاذا الجـلال=يا رحملي من أم الضناء تجاوز عن خطيتـي [/POEM]



وله ايضا


[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا نمر ليه أزعل على الناس وأضيق=وأنا الذي للريع سقـت المناجيـب
ذبيت ريع الخوف طمـاع ومويـق=سبار غابـة والجـواري مراقيـب
من ضمن غزوٍ ما سعتله بتوفيـق=مأمور والإنسان ما يعلـم الغيـب
يرضى القدر لا قيـد لـه ونسيـق=ما يهمه الواشي ولا يجامل أمريـب
يا ملفقين الهـرج بالزيـف تلفيـق=مابي ردى ميزه ولا ضعف تأديـب
والذنب خصمي فيه رب المخاليـق=وموكلٍ بأرضـه قضـاة ومعازيـب
وهذا نبـاي أواردي يـا مطاليـق=لا خنت جار ولا سهجت المواجيـب [/POEM]



وله ايضا

[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا طالب أمثالي حكم كـل الأمثـال=لله الأعلى بكـل مـا كـون تسـدّ
كلمة بها يرفـع ويوضـع وينـزال=لمحة بصر تعمر بها الأرض وتهـدّ
لا تسالني عن كلمةٍ وسـط جهـال=ألقيتها دافع غريـزة وأنـا مصـدّ
خذ الحقيقـة وأقرهـا كـل رجـال=ينسب من أقصى السند وإلا عقب جدّ
ما يزعم إنـه ويتفاخـر بالأقـوال=إلا رجل عند المواقـف ماهـو قـدّ
ولا أقدر الأبنـاء ولا أقـدر للمـال=والمصطفى مهدى على الخير من ودّ
ومسيـرة الدنيـا نـزولٍ اوترحـال=وما ذقت حلو اليوم بالغد لـه ضـدّ
وكف اللغاء يوم يقرنـن الأعمـال=وشيءٍ ماهو لله علـى صاحبـه ردّ [/POEM]


وله ايضا

[POEM="font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الليلـة الدنيـا عليـه فضـاهـا=أضوق من الإبرة على ناظم السلك
أسباب نفسٍ غيضها من رضاهـا=أهبي يا نفس الخطأ ويش مزعلك
وأنا أدعي وأقول نفسـي قساهـا=فيه أفتخر لكن عسى الله يفشلـك
بينتـي الخلـة لحـرصٍ وراهـا=يركض حرص يبي خوافي مسائلك
اليـوم حصـل حجتلـه بغـاهـا=فاتت علي يا نفس وشلون أعقلك
قدمك أنفوسٍ مثـل جـات جاهـا=ما شايلوها مثل مانـي بشايلـك
مثلات غمضة عين قبـل أنتباهـا=مشموت عاذلك ومفلوج حاملـك [/POEM]




اخوك/ نايف الحافي

السلام عليكم ورحمة الله وبركاته
في البداية أشكر الاخ شامخ الشامخ على هذه الموضوع، كما أشكر جميع الاخوان الذين تفاعلوا معه، أما أنا فقد أحترت كثيرا في الاختيار بين القصائد الكثيرة، خصوصاً إن الأخ شامخ الشامخ لم يحدد ضوابط معينة، أو نوع من القصائد، فأخترت لكم هذه المجموعة راجيا أن تنال اعجابكم.



[POEM="font="Simplified Arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]يـا عقيّـل الحربـي تقبّـل سلامـي=اقبل سلامـي وأنـت سالـم وسلـمّ
سَلمّ علـي ربعـي جنايـب حزامـي=يـوم ان كـلٍ فـي عوانيـه يزهـم
كـم خيّـر وقّـع لهـم بالبهَـامـي=اليا قيل حرب وحـرب غيّـاب نََعَّـم
لولا الوفا قلبه علـي حـرب دامـي=قد ناوخـوه وقوبعـوا كبـده السـم
دون المبانـي وامـهـات اليـدامـي=طشوا من اعضوده عشا الذيب الاسحم
دفّاعـة العِطـفـه نهارالزَحـامـي=يوم الرعود اللـي يجـي سيلهـا دَمّ
وابروقهـا حِـدبٍ تقـص العظامـي=يومٍ يشيبـن بـه قناصيـع الاطـرم
يشيـب فيـه اللـي بحـل الفطامـي=علي حياته ثانـي الحَـول مـا تـم
من شوف سِـردٍ ينفضـن الكتامـي=في عجّهن مع زمَة الصبـح يـا زم
خد المهنّـد لـون شـوط اللحامـي=في حومـة الميـدان والمـوت خيّـم
يـردون وِردٍ لـوَن وِرد الظـوامـي=وكل ٍ علـي حـدا الطريقيـن صَمّـم
أمـا الشهـاده مـا بعدهـا ملامـي=ولا يبـي يثـنـي خصـيـمٍ تـقـدم
يبـي يتلّـه فـي متيـن الخزامـي=يوم الرجال اجمـال والزمـل يخـزم
عـادات ربعـي محتميـن الجَهَامـي=عاداتهـم هَدَّامـة الجمـع الادهــم
من دَوَّر الشيمـه لقاهـم حشامـي=لهـم تقاليـد ومـلازيـم وِشـيَـم
عاداتنـا واسلومـنـا فالسنـامـي=يـا بعدنـا فـي نايبتنـا عـن الـذم
واللي يشوف المعضله فـي كلامـي=ما قلت انا المعصوم اقـول الله أعلـم
مدحـي لربعـي قارنـه باحترامـي=مانـي غشيـم ولانويـت أتغيـشـم
مانـي بـذم أعيـال حـامِ وسامـي=للناس دون احقوقهـا عـزم واهمـم
من ذم خلـق الله ترعـرع وهامـي=واصبح طريح اوهامـه اللـي توهـمّ
يضـرب بقلبـه مخطرالبَيـن حامـي=والنارفـي روس المراقيـع تـشّـم
الجـود مايوجـد بــذم الكـرامـي=ومن لاحشم نفسه سَلَـف مايحَشـمّ
والناس كـلٍ لـه مـزاج وغرامـي=وحسن النبا والخِيم مِعطـىَ وُمِحـرَم
واللـي حياتـه رونقـه وانسجامـي=أمـا ظلـم ولا مـع الرونقـه نــم
والكـذب سمـيِّ للرجـال الهِيَامـي=لكنهـا عـمـيت قـلـوب المهَـيـمّ
مايفهمونـه عيـب طبـع وحرامـي=وان الاثامـي مـن زرعهـا توَثـمّ
واللي عطـوه بمعركتهـا الوسامـي=قصـة وفـا ودليّهـم تـارد الـجَـم
من قدمّ الشلقه لـه الحـق سامـي=يضـرب بكفـه ليَـن كفـه تـعَـرمّ
يقـدِم علـي مـا قدّمِـه بالتمامـي=للنـاس مـا قـدَّم عليـه يتحـيـزم
يعطي الهـلام اللـي يمـد الهلامـي=من خلقة الدنيا لـو انـه ولـد عـم
هـذا وأنـا مالـي لـك الله مرامـي=إلا السـلام ومثلـك الحـر يفـهـم
تـراك فالواجـب تقـوم بمقـامـي=سلّم علي سَمْـوَا شبابـه وُقـلِ تـمّ
رَبـع لنـا فالمعضـلات الجسامـي=مـن هـَمّ يَفْرِقنـا هـذاك يتحَـلـمَّ
يسرح ويضوي في شعيب المظامـي=لو صـاح ليـن ان الشفايـا تشَـرَّم

[/POEM]
الشاعر سبيل بن سند الحربي




[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا قايلٍ مرضـان مغتـاظ سبنـي=ما أنته أبمكلوفٍ عن أسباب غيضي
أتـرك مجالـي سيبنـي وأجتنبنـي=وضعي طويل وضخم وأيضا عريضي
لكـان ياملـقـوف لا تنتشبـنـي=ماني أبمن يعطي خفـاه العُرَيْضـي
وأعلم بي اللي هو مـلاذي وزبنـي=وإن صار قصدي غيظ وإلا مريضي
سبني بحالي ساهـي أهـد وأبنـي=لاتحـرك إزنـادي يفجـر نقيضـي
ما ضرني طـول الزمـان ونكبنـي=إلا الصراحة مع مُحِـب وبغيضـي[/POEM]الشاعر: ذعار الفريدي (ولد أمس)




[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لا والله الا راح دور الــــبـــــداوه=ودور الركاب اللي عليها الشنوفي
ومجالـسـن فيـهـا لهلـهـا طـــراوه=عنها الشوايب والهزيـل محذوفـي
وراح الزمـان اللـي لعيشـه حـلاوه=واللي على الغارب رجـع للردوفـي
قالـوا تسيّـر قلـت مـامـن فـضـاوه=قالـوا علامـك قلـت عيّـت ظروفـي
اللي مضى بالنفس عنف وقسـاوه=واليـوم اتخلـي كـل عوجـاً تطـوفـي
وتضحك مع اللي لك يكـن العـداوه=وان صفقوا صفقـت لـه بالكفوفـي
تـخـاف مــن دقــة خـطـاة اللـعـاوه=رادي نصيـب وناقـرٍ لـه علـوفـي
يزعل عليـك اللـي يسـوق الأتـاوه=وذلّوا معطـرت النمـش والسيوفـي
عين الغضب تفتح عليك السمـاوه=وعين الرضا لوبك خطا ما تشوفي
والمرتفـع قالـوا مـثـل ذاك ســاوه=وشربت غثاريب الغريف العيوفـي
هـداج مـات وجـات غيـره جـبـاوه=والـروس قامـت تـدّرق بالكتـوفـي
يزعـل ويرضـا ماحصلـه رضــاوه=ومثله يصير بحيـث تامـن تخوفـي[/POEM]الشاعر محمد الحداري الحربي



[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]راكب اللي لاشتغل كن به روح الجنين= مـاورد قبلـه ولاظنتـي يـِرِد ابعـده

يسرق الانظار سرقة شعرةٍ من عجين = والزيـاق مذهبـه والركـون مـورده

من بعيد تقول خيمة عروس في بطيـن=ولاقربته من قريّب تقـل لـون ابـردة

جيب لكزس من موديلات الالفين الثمين=وكلٌـوا عبداللطيـف الجمـيـل وورده

فرش موكيته تقل من شجرة الياقطيـن=والمراتب جلد بافخـم طـراز منجـدة

ماحلا مسراه لين الصبح نـوره يبيـن=والقزوزات الثمـان الجحيـم الموقـدة

مشربه بنزين ماهو سمـن ولاسميـن=والبساتـم كنـهـا عَـمَـدٍ مُـمَـدَّدة

الطعوس يقصهامثل قـص الاكسجيـن=والجبال اللي كما طويق وجبـال لهـدة

مايلام الى زعل منـه ابـو عبارتيـن=لكزس الالفين خيـر التيوتـا واجـوده

عنده الفكسار لاوقف لايمكـن يزيـن=ما ينقص منـه لكـن تقـول يعقـده

كن تكييفه هـواء دار زيـن العابديـن=تونس الخضراء نعيم المصيف ورغـده

فيه لاناظرت ماهوب ريـب ولايقيـن=نقش اطاراته مثل شكل نقش المـزودة

لاسحبت انواره تقول بيـن الازرقيـن=مايجي ياكود فـي طايـلات الارصـده

في عددهن يتعبـن المكايـن واليديـن=ماعليهن غير صورة (معـزي) وولـده

ماملكه دريولـه لابكـاش ولا بديـن=مدة اللي ينبع الطيب من راحـة يـده

ابن زايد من سلالـة رجـالٍ غانميـن=وارثٍ وفاء السمؤل وطيبـه ووعـده

علموه اني على موعده مثل السجيـن=والليالـي توهـا والعمـار مـحـدده

استلم مكنونةٍ مثـل ريـح الياسميـن=مسكها ريحة عرارة وشيحـة وجعـدة

الشاعر عيد بن سمير[/POEM]
الشاعر عيد بن سمير


[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]البارحه عني جلا النوم ياعيد= فارق عيوني ماعلى الله كمايه

سريت مسرا نجوم ليلٍ سراميد= ياخذ بروحي كل هاجس دوايه

هاجوس ينظر بي مثل ناظر السيد=حجان سيد وهاجس له هوايه

يم الكواكب ينتهضبي تراديـد=وكبدي تصفق مثل شمس المرايه

وناديت لابن عبيد متعب وابو زيد= انجال عودٍ له علي انحنايه

الهيلعي راعي الـدلال البغاديد=اللي لهن من جناب الله حمايه

با طرافهن مـاروجن الهرابيد=مرضي لهن مبدا ومزعل نهايه

ربعي بعيدين المدلــي صنــاديد=على القبيله مثل سور البنايه

قمنا مقام اللي تضايق من الكيد= قومة شرف مـاهي بقومة دعايه

قمنا ونفضنا غبار خضر العناقيد=من خوف كـل مطوعٍ له قرايه

قصر لقيد مولـــد الحكي توليد= ولا النقاء ماعندنا بـه روايــه

نمشي سلوم مثل بيض المواريـد=لجدودنا وبسلوم اهلنا الكفايه

على النقا مثل السيوف البواليـد= تحيي هبايب ريحهن كل حـايه

نمشي بهن مثل الجمال المقاليد=شيمة عرب مـاهي مخافة انكايه

قمنا فداك من الملا كل رعديد=من خوف غواياً يجيد الغوايه

عن جوهر السيره نزعنا الحواسيد=لين أخذت من كل عليا اعتلايه

بيضا نصافحها مثل ليلة العيد=في دلوهـا مـال الدويني دلايه

بعد الثريا عن جميع المناقيد=ياعيد يعطيها وفاكم وفايه

وعن مارما بنحو رنـا الذيب سرهيد= ماني بليد وعند ربعي درايه

حددت له في وقتها العلم تحديد=وقلت انتبه لآيه إلى ادليت بآيه

عن كل باب يجرح الباس وزهيد=تقصر اخطأ ربعي ولا تقصر اخطايه

علم تقف عنه السواليف وتبيد=عليه يابوسمير تاج العصايه

له بين بيضان النوايا مسانيد= والا ترى الكامل جليل الولايه[/POEM]الشاعر 0سبيل بن سند الحربي


[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لبيك يا جافي سبات السواهيد=في كل شئ مافي عباته عبايه

الا ليـا منـه وقف كا شف البيد=لهيا لـيا منـه تنهض جلايه

كنه يعمد ني بروياه تعميد= شوفة سبيل وشوفة جـالي دجايه

رضـاه رضواني ولـمره بينجيد=يحرم على متن العزيز ارتكايه

بالفعل من الاقند القول تقنيد=يصبح على ماقيل زراع طايه

سبحان من وحد على العرش توحيد=في هامة العليا مقر استوايه

صدر السماء يفها به البصر ويعيد=منكف حسيرلموق راعينه ذايه

ترصيع عقد مجوهراته زمـــايد= يورث فلكهن بالسلوم النزايه

فيهن رجم ردم الجنون الاماريد=اللي تبي سرق السمع والفشايه

وضلع يواعد بالبراكين توعيد=ماله من هوايه عطارد حمايه

مجد لحرب يعيش الايام تخليد=لفواه كالين العداوة وكايه

ماهو بخصر للرجال الاماجيد=اعرف نقا فرسان دوحة لوايه

يا من يكلف كالفات المشاديد=بأمور ركض اللاش فيها حبايه

ونادر باشد تهن خيار الاواليد=وكف الردي ماله عليهن اواميه

مرعز وزري منجد الطرز تنجيد=كسو المهاه من ابوسلمان صايه

اخذت مع درب الاصيله تماديد=والفرحه الاخري تعلت فضايه

درة فكر شرواه عملا قه الجيد=قريحتينٍ لحقني قصايه

والثالثه مسراي معها جلاعيد=ماهو بمسرايه ولاهو سرايه

من جلهاماباقن الا شراويد=اركض ومدركني وراها ضمايه

وتعرضت من عقب الافيا صواهيد=للانقياد وشلون ابا انقا نقايه

مجسدين النور بالطور تجسيد=اجسادهم ترفا بطوبا رفايه

بيوم تقول الهاويه هل من مزيد=عسالهم عنها من الله عفايه

افخر بسلات السيوف المهانيد=عساي فيهم ما يتعمق رثاية

ولاهل الغيبات ماهم مفاقيد=مــاعمرهم تيقنوا برتمــايه

على مغاريب المعاطين شليد=ودون العدو تجيهم الانثبايه

خيرالملا منهم تعرياه تسويد=اللي يقول شفاعتي لتبعايه

وذكرهم اللي نزل الدر بالديد=بتلاوة تتلى علينا تلايه

ولا هو بمهملهم ويمهلهم رويد=هو منتهى خوفي ومبدا رجايه[/POEM]
الشاعر عيد بن سمير



[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يامكثرين الهرج لااسمـع ولااجيـب =تريحوا من فضلكـم واسمحـوا لـي
تريحـوا لاتلحـقـون المشاهـيـب =على الردى مانـي شفـوق عجولـي
بالعقل والصبر ادب النفـس تاديـب =والا لهـا مـده تصـول وتجـولـي
خلج ترازم فـي سيـاج المحاديـب =مافيهـن اللـي بالعقـال معقـولـي
اشد وطية زور مـن شمـخ النيـب =اليا ضاع مفعو ل الحيـل والحلولـي
انـا لاقلـت ارتـب القـول ترتيـب=حتى يجـي كـي علـى فـك قولـي
اليا ارسلت لافكار القريحـه مناديـب="ترايعن مـن عقـب ماهـن جفولـي
لكن مالـي مـن وراهـا مكاسيـب ="لو كان عشاق القشـر صفقـوا لـي
مامستفيـد الا العـدو والاجانـيـب ="ولانـي مطيـع مقرقعيـن الطبولـي
خليتهـا تعطـي فجـوج مجاديـب =جربا تجـود فـي رسنهـا مهبولـي
والله لااجنـب دام لـي درب تجنيـب =من شرهة حشام الرفاقـه خجولـي
لـو انهـا بيـن النحـر والتلابيـب ="من الحيا وجهـي مهـوب مغسولـي
طبـع لنـا نشـب عليـه ونشيـب =وطبيـعـةٍ لعـلـهـا مـاتـزولـي
على الجماعه للجماعـه مواجيـب =الا جهلـوا قـدر الرفيـق الهتولـي
ماني على ربعي قريـب محاضيـب =ادنـاة مايخلينـي اسـرج خيـولـي
ان جات من طيب شقاها على الطيب =لو انها اعوج مـن رقبـة الذلولـي
وان جات من مسكين منطق واساليب ="حطيتهـا بيـن الثـرى والنعـولـي
لاحركـت شعـره ولاطلعـت شيـب =ولاضيقت صـدري ولاطـق جولـي
وان كان في صبري على ميلهم عيب= العيب تفتيـش الصـرر والحثولـي
لاقمت تذكر فـي رفيقـك عذاريـب =وتبيـن عيوبـه لذولـي وذولــي
صبرك على ربعك عـلاج وتطابيـب =يقصـر حبـال السالفـه لاتطـولـي
حتى مايلقا فـي طرفهـا مقاضيـب =كـراه خيـر وللمشاكـل ميـولـي
واليا بليـت بتايـه شـره وصعيـب =يقول انا العـراف وانـت الجهولـي
قـل الله الله ياحصـان الاطالـيـب =يالفاهـم العالـم عطيـب الفعولـي
هذا الكلام اللي مافي صحتـه ريـب =لانيـب لاحولـك ولانتـاب حـولـي
حصان وبن حصان طيـب مجاذيـب =وبالمعرفـه رجـل محلـي ودولـي
خله يروح يخطي الـدرب ويصيـب =يقول مابالنـاس عرضـي وطولـي
والفرق ماهو باللحـى والاشانيـب =الفرق بين النـاس فـرق العقولـي
كم واحد تحسن بـه الظـن ويخيـب =السـن يضحـك والفـواد معلولـي
واللي غدت به كلمة مالهـا غيـب =ماهو من اطيب ربعي اللي غود لـي
يالله عساها صيحة فـي قفـا ذيـب =وقلـع النيـا بينـي وبينـه يحولـي
الرجل مايغصَّب على الطيب تغصيـب =اليا صار ماهو دل ضمـن الدلولـي
ومن عادة اللي طيبه يحضر ويغيـب =لاطالـت الرفقـة زهـوق ملـولـي
واليا بلنـك غبـر الايـام بصحيـب =في مستوى طيبـه صعـود ونزولـي
اعرف ترى الدنيا دروس وتجاريـب =والكامـل الله والنـقـا للرسـولـي
لاتصير مشـذاب يقـص العراقيـب =خلـه وراع الاولــه وش يقـولـي
اخذت حكمه مـن كـلام اللواعيـب =للطيـب نـاس وللعـذارى فحولـي [/POEM]الشاعر لافي حمود الغيداني


[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الظّلْمْ كيف اقْبله.. والصّبْر كيف احْـرزهْ=عزالله انّي من الاثنيـن.. قلبـي جريـح
والله ..مايجـرح الرّجّـاااال و(يْنرفزهْ)=الأ..لاقال الصّحيييح..وقيل ماهو صحيـح
كلمه بسيطه..ولكـن حجْـم مااااتفـرزه=يْخلّي الكون فيك يضيييييق لوهو فسيـح
الرّجْل قبـل تْحكـمْ عليـه فجْـأه..رزه=يبين لـكْ راااهـيٍ بالعقـل والأ شحيـح
والطّيب..واااجد مجال الطّيب مير ابـرزه=اظهاااار فعل الجميل..وترك فعل القبيـح
حطّ اصبع الطّيييب بعيون الرّدى.. واغْرزه=وش قيمتك بالحياااااه ان ماكسبت المديح
حاولت اجمّع بها فُلّ الشّعـر.. وكْـرزه=قصيدتي..وارضي الطّيب واغيض البجيح
مـن عآدتـي أجتهـد بالقاف..وآطـرّزه=باجمل عبارات.. والاّ آريّحـهْ واستريـح
ان مانظمْتهْ نظُمْ سبْحـهْ خْرزهْ..أخْـرزهْ=لو قالو انّه مليح..آقول مااااهـو مليـح[/POEM]الشاعر لافي حمود




[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]البارحة كل أكثر اليل مابت = بس اجتلد مثل متحري الهواتي

ياما على الكوع استندت وتنهدت =من هم ٍ أحرق مهجتي ياشافاتي

همٍ تمثنى مهجتي فتها فت = وأصبر جلد وأعالجه بالسكاتي

ياما على جوره صبرت وتجلدت= من شان لا تفرح على العداتي

ولو صارت الدنيا على غير ماردت = شديت في درب الفضيلة قناتي

وانكان صاحب رفقتي بتها بت = تفداه لو ان الطمع في عباتي

لا صار هذا مطلبه ماترددت = أقفيت لو يمه كثير التفاتي

جزا الصدود صدود وان عاد لي عدت = وعن مايريب النفس عيني مراتي

ياما وياما له دمحت وتوددت = أبيه ذخر ايامي المقبلاتي

واليوم عن رجوى حسانيه هودت = وبالقبر ماهو زايدٍ بحسناتي

وش خانة دموعه عليه ليا مت = لا صار مايدرى مشاعر حياتي

خضر الورق ما اسقاه غصنه إلى حت = لو عرقه مشرع بشط الفراتي

وما دام من صدق القطيعة توكدت = ماني على دربه مجدد حفاتي

خله يشوف احسان بعدي إلى أبعدت = البعد راحة واحترام لذاتي

راحة ضمير وبيع ستين في ست = اخير من رفقة كثير الشماتي

اللي يلاحقني ملامه اليا جدت = تقل يبا يفرض على الوصاتي

ما أدري يشوف اني على سمعته زدت = ولا بعد كبرت بعينه شواتي

وانا ملاذي من بحبله تجودت = الواحد اللي له دعاي وصلاتي

اللي على جوده نميت وتعودت = ويوم الجزا يقدر يجمع شتاتي

أساله الغفران عما تعمدت = والعفو عن ذنبٍ فعلته فواتي[/POEM]
الشاعر محمد العسيلي



[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]إبكي على صياف يا عيني=أبكي على موته وتوديعـه
إبكي عليه إبكا المحبينـي=لو مالهم حـظ ٍ بتشييعـه
إبكي عليه إبكـا وبكّينـي=قبل الخبر ينـذاع وآذيعـه
إبكي عليه اليـوم يالينـي=تجف من جفنـي مداميعـه
إبكي عليه ان كان يوحيني=يالين توصلهـا مساميعـه
إبكي عليه إدهور وسنينـي=و أشهوره ويومه وأسابيعه
إبكي عليه الليل والحينـي = ابكي بكا مشروع تشريعـه
إبكي على اللي ذكرهم زيني=من بعدهم والملعبه ضيعـه
بعده ترى ما عاد يشقينـي=شعر النبط وزنه وتجميعـه
ويا شعر تكفى لا تبكينـي=إليا قريتك فـي مواضيعـه
ورحمتك يـارب الثقالينـي=في جنتك تجعـل مرابيعـه
قولوا معي آمين وآمينـي=عن نار ربي من مطاليعـه[/POEM]
الشاعرة النرجسية



[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا عيال يا اللـي للسفـر مِنْتِوِينـا=فوق الجمُـوس مقرّبـات المهامِيْـه
بالله وَدُّوا لــي جــوابٍ ثميـنـا=خطٍ لابو سلمان .. من بدر ناصيـه
قـل لـه: ترانـا بامرنـا حايرينـا=كثر الغثـا والخيْـر قلَّـت دواعيـه
نسْمَع ونوُحي مـن شمـال ويمينـا=دق الطبول .. وكـل نِمْـرٍ بْواديـه
الأولـة عنهـا تقـل مـا دريـنـا=نكنها بالصدر .. والغيـض نخْفِيـه
والثانية قلنـا جبـر .. واستحَيْنـا=ونشيّم الغادي علـى شـان غاليـه
والثالثـة بعنـا بهـا واشتريـنـا=وقلنا بها من بعض الامثال توجيـه
وحنـا درسنـا بالحيـاة وقرَيْـنـا=ونمشي على مَجْرَى الزمان ومماشيه
بِسْلُـوم وافيـن العقـول اقتديـنـا=وكلٍ على منهـج ضميـره نحاكيـه
والله بالنـو الـردي مـا نوَيْـنـا=وعلى الرفاقـه حذفنـا مـا نقدّيـه
لو كان من بعض المجالـس يجينـا=هَـرْجٍ يودّيـه البناخـي بْناخـيـه
ويا كبـر شرهتنـا علـى الطيبينـا=كيف الرجال تطيع قـول المسافيـه
يوم انها مـن ضدنـا مـا شكَيْنـا=واليوم من بَيْـن الجبيـن ولواحيـه
وحنا ليـا مـال العرَيْضـي علينـا=مـا نرتخـي للـي كبَـارٍ هقاويـه
ننجض مراقيـع المَـرَض لا كُوَيْنـا=وندري بحالات المريـض ومكاويـه
ورفيقنا اللـي لـه يـدٍ مـع يدينـا=من طبعنا نزعل عَدُوّه .. ونرضيـه
لكن ضاعـت بيـن غـزه وسينـا=ولبنان صارت ثورته بَيْـن اهاليـه
الشكـوى لله تبـحـل العارفيـنـا=لا قـام مبنانـا تصـدع حوامـيـه
يا ابن سند ما صار منـا .. وفينـا=والحبل صارت عقدته فـي مثانيـه
ولولا وجعها حَسَّنـا .. مـا شكينـا=على الرجال اللي تعَرْف المشاريـه
ابـا انتظـر حتـى ردودك تجينـا=واللي نقصِّر به .. جنابـك يوَفّيـه
واسلـم ودم يـا مْوَنّـس الغانمينـا=وانته جوابـك كلنـا نفتخـر فيـه
تمَّت وصلـوا عـد وَبْـل الغشينـا=على النبي .. ما لاح برق بمناشيـه[/POEM]
الشاعر بدر الحويفي



ولما وصلت قصيدة بدر الحويفي السابقة، رد عليها سبيل بن سند رحمه الله بالقصيدة الرائعة التالية:

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا الله يا اللي مـا لملكـك وزِيْنـا=يا اللي تسوق النود والبال تِحْيِيـه
تِحْيي هَمِيـدٍ يابـسٍ لـه اسنينـا=تنساق من ضيق الروايح سواقيه
يا حاضـرٍ فـي غيبـة الغافلينـا=يا منجيٍ ذا النون مما وقـع فيـه
على القوادي يـا كريـم تْهَدِينـا=من لا هَدَيْته مـا قدَنّـه قواديـه
حي الكتـاب اللـي بْـرَدّه بدَيْنـا=واللي عَنَى بالخط واللـي مْعَنّيـه
خطٍ قرينا مسطـره .. واهتجينـا=من زين منطوق الكـلام ومعانيـه
من بدر ابن عواد هَيْف السمينـا=لا قال دلال الشحم: وين شاريـه؟
عند اللزوم يقول: حِـدْ وشرَيْنـا=ما هي سواليفٍ تضِيْـع وُتفاويـه
وليا تحَدَّانـا خصيـم أو عصينـا=سَيْفٍ بظلّه خصمنـا مـا نداريـه
نمشي قطوع ليا وُمِرْنـا مَشينـا=واللي براسـه يَعْلَـم الله نوطِّيـه
وحنا على طِيْب المرافق اغذينـا=عِلْمٍ ليا شطَّـت لقـوه المسابيـه
اللـي تقـول انّـا بغثاهـم بْلِينـا=يمضون بين العُود .. ودقاق لاحيه
ما ماضيٍ كـود اسفـل السافلينـا=اللي يحمّلْك الخطـا لـو تراعيـه
عَلِّق موازيـن الوفـا لا عمينـا=وُمَيِّز مدَى حاضر قبيلك وماضيـه
ما كل مـا زمّـا سـرابٍ زمينـا=ولا كل ما جَبَّا مريـضٍ نعاضيـه
والهرج لو جابه حَـدَي والدينـا=والا المريض يخم راسه ويخطيـه
من حقنا .. وانت اعرف العارفينا=يقوم مـا عَـدَّا كلامـه تراقيـه
ان كان يا مـد الصمـاط لْحَدَينـا=نيٍ نجيـض وقرَّبَـوه المشاويـه
قمنا .. وعلى شوك الفؤاد انطوينا=نقول: ذقنـا مُـرْ دَمِّـه وحاليـه
يا بدر .. هَبَّت حايـة الشامتينـا=وابليس غنا والشواهـد بآذانيـه
اللي غدا ما بيـن غـزة وُسِينـا=ماني خصيمٍ به .. ولا نيب قاضيه
هاذاك عند اللي غـزا الرافدينـا=يا بدر .. باقي سيرته في مخابيه
اللي يجيـك بمظهـر الصالحينـا=وابليس نفسه ما تجاوز مغازيـه
لو كل مـا وقّـد علينـا حِمِينـا=من فاتنا خشمه قضبنـا علابيـه
اما قصينا إشمـام .. والا قِصينـا=والحر مثلك شـارة العِلْـم تكْفِيـه
من خلقة الدنيـا علـى العابدينـا=راع النفاق اللـي يجيبـه يوَدّيـه
وان ما حَمَيْنا نفوسنا مـا حمينـا=من غاسقٍ من سم الاكباد عابيـه
يا بدر .. مِبْطِي محتريـه يغزينـا=لكن قلبـي مـا يهـزن كراسيـه
خابـرك قدَّامـه بحـرزٍ مكيـنـا=راسيك ضِلْعٍ راسيـاتٍ رواسيـه
واليـوم رَجِّـع سَبْرهـم للكمينـا=ترَى القبال ابليس يا بدر يخزيـه
الشك يجْـلا فـي ثبـات اليقينـا=لا تنقل الشرهة وابو زيد كاميـه
امَّـا نجيـه بْـدَاه والاّ يجيـنـا=الا ان في خطك حقيقـه وتمويـه
فالعاقبـة يـا بــدر للمتقيـنـا=والعِلْم باقي يا فتى الجود صافيـه[/POEM]

هذه قصيدة للشاعر الساحاتي الشهير أحمد الحربي و هو أحمد بن نجا الدبيجي الرحيلي قال هذه القصيدة على سبيل الدعابة مع زملائه في الساحات
القصيدة:
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ألقيـت قنبلتـي بأعلـى المـنـزلِ = ورميت سهمي وانطلقـت بمعولـي


وحملت من كـل الطعـام بسلَّتـي = وسرقت قنديـلاً وطـرت لموئلـي


وتركـت مرفأهـم كأمـس دابـرٍ = رهن الغراب وحاجـة المستعجـل


من كان يحسب أن سيغـرق مرفـأٌ = في أهلـه وضياؤهـم لـم ينجلـي


لكـن أتاهـم فـارس لـم يخبـروا = في عصرهـم بطـلاً كمثـل الأولِ


خاض المعارك والحليب رضاعـه = حتى غـدا رجـلاً يُديـل ويبتلـي


وهوى الحروب وصاغ من ألفاظها = نسبـاً وزان جـلالـه بالمخـمـلِ


وهوى القلوب وطاف في أرجائهـا = فإذا القلوب رهائنـاً فـي منزلـي


فأنا ابن حـربٍ إن تحمحـم خيلنـا = وأنا الحنان إذا الحسان غمزن لـي


وأنـا العلاقـم إن تهـازل جاهـلٌ = وأنا الفرات على ضفاف الموصـل


سفـكُ الدمـاء سجيـةٌ أعلـو بهـا = والوردة الحمراء نصـف شمائلـي


وتـرى بعينـي نـظـرة وثَّـابـة = وتـرى بعينـي رقـة المتكـحِّـل


إن حنّت الورقـاء فـي أعشاشهـا = أسبلتُ دمعي واقتطعـت كواهلـي


أو مات هـرٌّ حتـف أنـف شامـخأ = سهَّرتُ ليلـي وابتـدرت خمائلـي


فلنا الأوابد والشـوارد والـ[ أنـا ] = ولنـا السنابـك فـي لهـاة الهمَّـل


إن تجهلوا فسلوا [ الصهيل ] وحزبه = أيـام نلقمهـم صخـور الجـنـدل


كنـا نمـد إليـهـمُ زاد الــردى = قِطَعاً وقد شربوا كـؤوس الحنظـل[/POEM]


قصيدة للشاعر مزيد بن مناحي العتيبي يسندها على سبيل بن سند

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]سار القلم على الورق بعد ما صام=واعلن افطاره بعد اتـم الصيامـي

وامسى ثلاثي للمواعـد والإبهـام=امحال ما حالٍ على حـال دامـي

ونسجت مكتوب حمل له نبا هـام=وتعانقن في رغبتـي وانسجامـي

لإنجاز مخطوطٍ له الفكـر رَسّـام=يحمل بطيّاتـه جزيـل احترامـي

ويا أهل المعزه والمرَوّه يا الأكرام=مني لأبـو سلمـان ودّو سلامـي

ودوه من يشفي مقامه ليـا قـام=وقولوا هذا رد الثنا من ابن شامي

سبيل أشِيْد بموقفه عبـر الأعـلام=في كل يوم وكل شهـرٍ وعامـي

رجلٍ عطاه الله مع العرف الإلهـام=وكنه على النخوه وكيـلٍ محامـي

دوافع النخـوه تسوقـه للإقـدام=وصارت عليه من الرجوله الزامي

مواقفه تجْلَى صدى غبـر الأيـام=ويصفي بها جوٍ كسـاه العَسَامـي

وعن النظر تجلى الغشاوه والأظلام=ويبصر بها الأعشى بعز الظلامـي

تشهد على مواقفه جـرد الأعـوام=اللي بها يجبر كسيـر العضامـي

ومع نجدة الملهوف لطّام الأخصام=للطيب فعـالٍ ، للأهـداف رامـي

عـزام مقـدامٍ بالإقـدام جــزام=راع المواقف بإكتـراب الحزامـي

رجلٍ كلامه فاللقا والنسـم سـام=لكن عن هزلات الأقـوال سامـي

راعي هلا باللي لهم قدر وإكـرام=ما هوب منبـوذٍ ايعبـد الأسامـي

صنايع المعروف تبغى لها اقـدام=متى لها تصحَى القلوب النيامـي

والعقل والحكمه لها نـاس حكّـام=ومكارم الأخـلاق عنـد الكرامـي

وهايبٍ يامر بها مجـري الأنسـام=لإكرام وافين الرجـال الحشامـي

ولافعالهم نسْبَ الوفا فرض والزام=من شان تخليـد الوفـا للأنامـي

جَلاّبة الأرواح مـن دون الأيتـام= ليا أختار قتال الوفـا الانهزامـي

منهم دخيل اللـي تقـدم للإعـدام= كله لأجل ينقـذ حيـاة الغلامـي

هذا مثل ما هوب حصـرٍ للأرقـام= فيه اختصر ذكر الدعاوي الجسامي

حقايق ما هي من اضغاث الأحلام= كم من دليلٍ فيـه صحـة كلامـي

يفخر بها التاريخ من صدر الاسلام=ومصادر التاريخ تروي الحيامـي[/POEM]



رد الشاعر سبيل بن سند
[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا مرحبا ما زجت الحبـر الأقـلام=ترسم على الزيزف كلام الفهامـي

وعداد ما طير الهوا بالسماء حـام=منحي نحى والاّ يجـول ابترامـي

وعداد من كَمّل يبي دشـة الـزام=واعداد جنحان الجـراد التهامـي

واعداد من فوق الوطى حط الاقدام=في خط عنوان الوفاء يا ابن شامي

على جبيني خط ابو يوسف وُسَام=مزيد .. ومفلح قد دفع لي وسامي

يوم الكلام وقيمتـه فتـل وابـرام=لولا وفاكم مـا شكرتـم مقامـي

الطيب له دايم هل الطيـب خـدام=ما يجحدون الطيب غير الهلامـي

أنتم رجاجيل الوفاء أرواح واجسام=نطاحة الواجب حمـاة الجهامـي

قصَّارة الخصم الرهاوي إلـى زام=في يوم عجه كالسحاب الركامـي

خد المهند في ظهـر كـل مـولام=على شعاع الشمس مثل اللحّامـي

كم جادلٍ من ضربكم عالـة ايتـام=لَبْسَت سوادٍ فيه حـل العصامـي

لا عابدٍ ناظـر ولا عابـد احطـام=ماني من اللي يعبدون الحطامـي

معبودي اللي تعبـده كـل الازلام=افعولكـم وسلومكـم بالسنـامـي

عِلْمٍ تقف عنه السواليف وازمـام=عنه السوالف في سنون الفطامـي

طوبى مقر اللي تركنا ظنـا كمـام=أمن وامان وكلنـا فـي الكمامـي

صقر الجزيرة يا ابيض الوجه غنام=حد المرادي والجمل في الخزامـي

وخلاَّ الأسنّه طـول الأيـام نيَّـام=وقصّر هذيب مطَيّـرات العسامـي

بالعدل طَمّت حكمته كـل طيطـام=وبالعدل ساوى عيال حامٍ وسامـي

العرب تشهد في كلامي والاعجـام=ومحي الهميد امن العظام الرمامي

ومجلداتٍ ما لهـا حصـر وافـلام=ما فيه بحرٍ ما دخل بـه وعامـي

طاوي على رقبته كفنها من الخام=كفن به المصحف وكف الحسامـي

يا ابو مناحي فالوطاء كل ضرغامشم الفتيل ومخطر البَيْـن حامـي

من كف سَوّامٍ خصَمْ كـل سَـوّام=بالسنة السمحاء ونبـذ الحرامـي
قدامه الطيّب عن الطيـب بزيـام=همه نجاتـه وامهـات الأيدامـي

بين الرجال اللي معي فهم وِالْمَـام=بفعول ستر امعورجات الوشامـي

عِلْمٍ بنوره ينجلي غـث الاوهـام=في واجب الهيـلا قويـاً لمامـي

فلمستجير وواجـب الجـار قِيّـام=وبحومة الميدان يـوم الزحامـي

فهود الزراج أليا أنكرت كل مريام=عِلْمٍ يصَـدّر بالنقـا كـل ظامـي[/POEM]

بيض الله وجهك يا شامخ الشامخ

جهد كبير تبذلونه وملف خاص شعراء قبيلة حرب يعتبر مرجع
لمن أراد البحث عن شعراء هذه القبيله الكريمة العريقة



سلمتوا سلمتوا