( انا في مشكله والمشكله طالت طرايقها ) .!

السلام عليكم ورحمة الله وبركاته . ،

لدي مشكله في الماسنجر ، حيث أن جميع الإضافات تأتيني مباغتة ولايظهر لي إيميل ( طالب الإضافه ) .!! ( يعني دغري سلام ماسلام )

أتمنى من اصحاب العقول ( الفنيّه ) والأيادي الداعمه للبرامج مساعدتي في هذه المشكله .!!


مع خالص شكري وإمتناني

مقدم الطلب / محمد صالح العتيبي << ابشّرك توظفت

:
:

هذا جاء نتيجة (( الصوره )) الجديده ..
اللي حاطها جنب أسمك ..
مماسبب تدافع المعجبين .. الذي سبب بدوره ضغط على الايميل وخلط ماه مع زيته ..
وخلاه ماعاد (( يذامر )) .. !!


عموماً
عندك نعمة (( الحظر )) يا (( بدوي )) ..
اللي مايناسبك أحظره مقيداً الى خانة المحظورين .. !!
<-- وده ينفع بناخيه مار العين بصيره .. واليد كسيره .. !!
أدركوا بناخي يأهل الدرايه .. !!
<-- واقف جنب محمد وينادي ..
مثل اللي يوقف يبي يسعف له واحد وياقف في جنبه يشرّ للسيارات .. !!

ههههههههههههههههه إس تغفر يابوحمد


المشكلة ودّي ( أحضر ) لكن ( غياب ) العلامه تسبب عوائق نفسيه لاتحمد عقباها

وبعدين ياخالي :-

لاتصير مثل اللي شاف أمن الطرق في نص الشارع وخفف السرعه ونزل يمين الخط بشويش

ولفّ رآسه يبي يشوف وش عندهم ، وهم يصيحون ويشرّوله ، ماتعيّن ( يعني فجأه ) ألاّ هو

متوّطي الناقه اللي متسببّه في الحادث ولسان حاله يقول ( طاش طاش ، طاش ماطاش )


تشكراتي الواجد على فزعتك الفكاهيه

انا لله وانا اليه راجعوون , لاحول ولا قوة الا بالله

الله يكوون في العوون
هذي مشكله يابو تركي مالها حلّ نهائياً والعياذ بالله

ولكن مالك الا الصبر واحتسااب الاجر هذا حلّ والحل الثاني تغيير الصووره او شطبها ان امكن وان مانفع مالك الا اهل الاختصااص في الاموور هذي

<<< سفط جنب ابو حمد وقام يومي بعمامته


+

المشاركة الأصلية كتبت بواسطة عبدالله بن قنيص

ولكن مالك الا الصبر

وش ودّاك له



ابوصالح .. الله يخليّك إلي ، كل شي وله حل ألاّ ( قضية فلسطين )


واربّ عمامتك باضا وفاقعٌ لونها .؟.

السلام عليكم ورحمة الله وبعد افيدكم بإن الموضوع يحتاج توضيح
هل كل ما ذكرته ينطبق على كل المتواجدين عندك في المسنجر
أو على شخص بعينه اذا كان شخص معين
يمكن انه يدخل عن طريق المواقع التي
تدعم الدخول على المسنجر بدون برنامج
وهذا مايظهر لك عن طريق المسنجر
ولكن يعتبر رسالة فوريه
من داخل المواقع الداعمة
للدخول بدون برنامج المسنجر وسبق وان نزلت
موقع من تلك المواقع الداعمة للدخول إلى المسنجر
وبتلاقيه هــنا

اخوك عبدالله فرج العتيبي

ابوفرج

جميع الإيملات ، أكثر من عشرين إيميل تقريباً ، انا متأكد إنها مشكله في الإعدادات لكن اخوك

طايح وجنبه ابوحمد وابوصالح وازروا يسعفونه

النجده ارجوك

طيب له ما تسوي له ديليت وتركبه من جديد
ولكن قبل تسوي ديليت تأكد المسنجر فيه
ازارير في الجنب تحتار منها قائمة
المتواجدين يمكن محطوط على قائمة
ثانية تلقاها بجنب المسنجر بشكل عمودي
خبز فيها لين تطيح على قائمة الموجوين في
المسنجر

ابوفرج ولاتهون :- ابي أكثر توضيح وعطني التعليمات بالإنجليزي لأن ماسنجري إيطالي قصدي إنجليزي

:
:

جاك (( الفرج )) مع ابوفرج .. !!
والا ابوحمد وأبن قنيص .. !!
قالبينها سوالف ربعن على جال نارهم وعند بعض العرب ضوّهم .. !!
عسى مشكلتك تنتهي وأنا خالك ..
واضح من (( ألحاحك )) أنها معورتن قلبك .. !!


وهو يلوذ من ورا (( القشعه )) .. !!

ابشر بس جهاز اللي عندي الآن في العمل ما فيه مسنجر
والمسنجر محطوط عليه بلوك يعني يعني محطوط في
السجن مقفول عليه هههههههههه
على شان الموظفين ما يتركون العمل
يقعدون يقرقون
ولكن ان شاالله
اكتب لك من كمبيوتر البيب
تفصيل أكثر
تحياتي لك اخ عبدالرحمن
دمتم بخير

أخوي محمد المشكلة من الماسنجر نفسه فلابد من الذهاب إلى أدوات ثم خيارات ثم الخصوصية في اليمين

بعد الدخول للخصوصية عندك مربعين صغار واحد فوق وواحد تحت

اللي تحت هو : الإعلام عند قيام آخرين بإضافتي إلى قائمة جهات الاتصال لديهم ومن المفترض أن يكون عليه علامة صح

ثم انتقل من الخصوصية إلى الأمان

وعند دخولك الأمان يجيك مجموعة من الخيارات الأخير هو

السماح لبرنامج المسنجر ببدء محادثة من خلال ارتباط موجود في مستعرض ويب

وهذا اللي يقصده أخوي عبدالله فرج إذا ماحبيت أحد يكلمك الا عن طريق برنامج الماسنجر فقط

شيل علامة الصح

والماسنجر آخر إصدار يتيح الاتصال على الشخص حتى لو كان الحالة ( الظهور دون إتصال )

واعتقد انك تستخدم نفس الإصدارة ولهذا أنا فضلت الإصدارة 7,5 التي تم حل جميع مشاكلها



اتمنى ان اكون قد افدتك


تحياتي

عبدالله فرج
داعي الذكرى


تم حل المشكله بعد جهدٍ جهيد ..

مشكورين على مبادرتكم الطّيبه .. ولاهنتوا


ابوحمد ..